Mungon goli, por jo kartonët e shumtë. “Skuqet” Chelsea, Arsenali me avantazh të madh (video)

30 Nëntor 2025 18:19 Telesport Pjesa e parë e derbit londinez Chelsea-Arsenal, që po luhet në “Stamford Bridge”, është mbyllur në barazim pa gola. “Blutë” e mbyllën pjesën e parë me një lojtar më pak, pasi Moises Caicedo la fushën e lojës në minutën e 38-të, për një ndërhyrje brutale ndaj Mikel Merinos dhe për arbitrin kryesor, Anthony Taylor, ishte direkt karton i kuq. SHIKOMOMENTIN Pavarësisht se mungoi goli në 45 minutat e para, ka qenë një sfidë shumë e luftuar, gjë që e tregon edhe numri i lartë i kartonëve të verdhë, 4 për Arsenalin dhe një për Chelsea-n, përveç kartonit të kuq të Caicedo. Arsenali ka shansin e artë të shfrytëzojë avantazhin e një lojtari më shumë në fushë në pjesën e dytë.