Spektakël dhe gola/ Skënderbeu mposht Lushnjën

Skënderbeu fitoi 4-3 ndaj Lushnjës në Korçë, në ndeshjen e javës së 13-të të Kategorisë së Parë. Skuadra mike kaloi shpejt në avantazh me Kamissoko, por Estrella barazoi me një goditje nga distanca. Lushnja riktheu menjëherë epërsinë me Kaçanollin. Para pushimit, Tayo barazoi për korçarët, por një penallti e shkaktuar në minutën e 45-të u shfrytëzua nga Ribaudo për golin e tretë të miqve, të cilët e mbyllën pjesën e parë në avantazh 3-2. Në pjesën e dytë, Çuçka barazoi shifrat në 3-3, ndërsa Nasër shënoi golin vendimtar për Skënderbeun. Me këtë fitore, Skënderbeu kryeson renditjen me 34 pikë. Lushnja mbetet në vendin e 10-të me 12 pikë pas 13 javësh.