Futbolli i vajzave në Europë, Partizani bie keq, sot radha e Vllaznisë

Për herë të parë në histori, ekipet e vajzave të Vllaznisë dhe Partizanit marrin pjesë në UEFA Women’s Europa Cup, kompeticioni europian që nis këtë sezon futbollistik dhe ngriti siparin dje me ndeshjet e raundit të parë. Në këtë edicion, Shqipëria përfaqësohet nga dy skuadra, Vllaznia e Partizani. Skuadra e Partizanit e shortuar si nënkampione e vendit luajti dje ndeshjen e saj të parë, përballë ekipit serb, ŽFK Spartak Subotica në “Niko Dovana” ndërsa humbi thellë 0-5 duke mos treguar asgjë nga vlerat e saj në fushë.. Ndërkohë sot, Vllaznia do të luajë ndaj ukrainasëve të Kolos Kovalivka në stadiumin “Loro Boriçi” në orën 18:00. Vazhdo leximin