“Bayern investon për sulmin, por ka mbrojtje copë-copë”. Flet vëllai i Toni Kroos

31 Gusht 2025 13:57 Telesport Bayern po fokusohet shumë te blerjet në ofensivë, por ka harruar mbrojtjen. Ky është mendimi i vëllait të Toni Kroos, Felix, aktualisht ekspert futbolli në RTL. “Vitet e fundit ka qenë e dukshme, përfshirë edhe sezonin e kaluar, që Bayern është shumë vulnerabël për të pësuar gola me lehtësi”. “Në sulm ka lojtarë fantastikë si Harry Kane, Olise dhe Luis Diaz, por vazhdon të ketë probleme në mbrojtje. Madje, Bayern vuan edhe ndaj kundërshtarëve të dobët”, ka deklaruar Kroos. Kjo është kritikë për emra si Jonathan Tah, Upamecano dhe Kim, përgjegjës për qendrën e mbrojtjes në Mynih.