Silvinjo e la jashtë listës, Mehmeti shënon sërish në Angli

Anis Mehmeti vijon të tregojë një formë të jashtëzakonshme në Angli, ku vijon të shënojë në Championship. Anësori shqiptar arriti të gjejë rrugën e rrjetës, duke kaluar në avantazh 2-1 Bristol Sitin përballë Hull Sitit. Mehmeti realizoi në minutën e 41-të duke çuar në peshë tifozerinë.  Në katër javë të luajtura në Champions këtë sezon, ka shënuar dy herë  duke konfirmuar se po kalon një formë mjaft të mirë. Dhe pse po spikat, sërish ftesa e Silvinjos për Kombëtaren ka munguar. Për herë të fundit me kuqezinjtë Mehmeti luante një ndeshje në qershorin e vitit 2023.