KLGJ del kundër Ramës pas sulmeve ndaj gjyqtarëve, e akuzon për goditje të drejtësisë dhe kërkon respekt…

Këshilli i Lartë Gjyqësor (KLGJ) dhe kryeministri Edi Rama janë “përplasur” në distancë, pasi kreu i qeverisë ka sulmuar së fundmi gjyqtarët lidhur me vendimet e tyre sa i takon hapësirave publike. Rasti i fundit ishte Ligoraq Toshi, për të cilin, Rama tha se nuk ka lejuar prishjen e një ndërtese pa leje që ka bllokuar hapësirën mes dy pallateve në Tiranë. Dje, KLGJ reagoi duke thënë se deklarata të tilla cënojnë figurën e gjyqtarëve dhe minojnë pavarësinë e gjyqësorit. Gjithashtu, Këshilli i Lartë Gjyqësor apeloi që për çdo pretendim në lidhje me vendimet gjyqësore, të bëhet ankim në një gjykatë më të lartë. “Këshilli i Lartë Gjyqësor, duke marrë shkas nga deklaratat e fundit të subjekteve publike apo private, rithekson edhe njëherë se deklarata...