Rama kritikoi gjyqtarin Toshi, reagon KLGJ: Deklaratat minojnë pavarësinë e gjyqësorit

Këshilli i Lartë Gjyqësor ka reaguar një ditë pasi Kryeministri Edi Rama kritikoi gjyqtarin Ligoraq Toshi për të cilin tha se nuk ka lejuar prishjen e një ndërtese pa leje që ka bllokuar hapësirën mes dy pallateve në Tiranë. Në një reagim publik, KLGJ thotë se deklarata të tilla cënojnë figurën e gjyqtarëve dhe minojnë pavarësinë e gjyqësorit. Këshilli i Lartë Gjyqësor apelon që për çdo pretendim në lidhje me vendimet gjyqësore, të bëhet ankim në një gjykatë më të lartë. Gjyqtari Ligoraq Toshi ishte i radhës që u kritikua nga Kryeministri Edi Rama, pas Hazbi Balliut dhe Klarent Demirit. Deklarata e Këshillit të Lartë Gjyqësor: Këshilli i Lartë Gjyqësor, duke marrë shkas nga deklaratat e fundit të subjekteve publike apo private, rithekson edhe njëherë se deklarata të...