Voskopoja është shqiptare, jo greke, pavarësisht pretendimeve pseudohistorike

Libri “Voskopoja dhe bota përreth”, i historianit Pëllumb Xhufi është një histori e dokumentuar që i rijepet lexuesit 15 vjet pas botimit të parë të titulluar “Shekulli i Voskopojës”. Tani, në botimin e dytë, libri është një vëllim i përpunuar thellësisht dhe i zgjeruar me materiale të shumta, që përbëjnë më tepër se 200 faqe të reja.Pra, një studim i ri, i ndërmarrë nga historiani Pëllumb Xhufi në kuadrin e ambicies së tij profesionale për të vënë mbi baza solide shkencore historinë e një qyteti që, si rrallëherë, është shënjestruar për ta dehistorizuar e për ta kthyer në një ikonë të mitologjisë nacionaliste.Në këtë libër, autori ka zgjeruar mjaft bazën burimore e bibliografike, falë hulumtimeve të reja të kryera në arkivat e bibliotekat e huaja....