Zjarr në fshatin Bishan të Vlorës, flakët përhapen me shpejtësi nga era

foto nga Zjarr në fshatin Bishan VLORË- Një vatër zjarri është shfaqur mbrëmjen e së hënës në fshatin Bishan të Vlorës, duke përfshirë një sipërfaqe me barishte dhe kallamishte. Në vendngjarje ka mbërritur një mjet zjarrfikës, ndërsa era e fortë ka favorizuar përhapjen e flakëve në zonën me bimësi. Forcat zjarrfikëse kanë nisur punën për izolimin e vatrës dhe shuarjen e zjarrit, ndërsa ende nuk dihet sipërfaqja e saktë e përfshirë nga flakët. Shkaqet e rënies së zjarrit nuk janë bërë ende të ditura./ZËRI