Zbulimi shkencor: Inteligjenca artificiale mund të rikthejë shikimin te personat e verbër përmes syrit bionik

Inteligjenca artificiale mund të ndihmojë në kapërcimin e një prej sfidave më të mëdha në rikthimin e shikimit te personat e verbër: bërjen e një implanti në tru që të prodhojë përvoja vizuale të qëndrueshme dhe të besueshme. Studiuesit nga tri institucione, përfshirë Universitetin e Kalifornisë në Santa Barbara (UCSB), kanë treguar se inteligjenca artificiale mund të përmirësojë saktësinë me të cilën një protezë vizuale eksperimentale stimulon trurin dhe parashikon atë që percepton një person. Ekipi përdori një sistem të bazuar në mësimin e thellë për të zhvilluar modele stimulimi elektrik për elektroda të vendosura përkohësisht në korteksin vizual, zona në pjesën e pasme të trurit përgjegjëse për përpunimin e informacionit pamor. Duke analizuar reagimet e trurit, kjo teknologji u dha studiuesve kontroll më të...