Uragani ‘Isaias’ godet Floridën, gati 500 mijë banorë pa energji elektrike

Uragani “Isaias” goditi mbrëmjen e djeshme bregdetin e Gjirit të Meksikës në SHBA, pranë qytetit Destin, në Florida, me erëra që arrinin shpejtësinë deri në 165 kilometra në orë, sipas Qendrës Kombëtare të Uraganeve në SHBA (NHC). Fillimisht, stuhia ishte forcuar deri në kategorinë 3, në një shkallë me pesë kategori, ndërsa kalonte Gjirin e Meksikës. Megjithatë, në orët në vijim ajo u dobësua dhe, deri në mëngjesin e sotëm, nuk klasifikohej më si uragan tropikal, njoftoi NHC. ”Isaias” vazhdoi lëvizjen drejt zonave të brendshme të vendit, në drejtim të shteteve Alabama dhe Tenezi, duke sjellë erëra me shpejtësi deri në 100 kilometra në orë dhe reshje të dendura shiu. Meteorologët paralajmëruan se stuhia mund të shkaktojë përmbytje të menjëhershme, edhe në zona larg bregdetit....