Ngjarje e rëndë në Shkodër, 64-vjeçari vrau me armë gjahu bashkëshorten

Një ngjarje e rëndë ka tronditur pasditen e kësaj të mërkure qytetin e Shkodrës, ku një grua ka humbur jetën pas një konflikti të dyshuar brenda familjes. Sipas informacioneve paraprake, ngjarja ka ndodhur rreth orës 13:30 në zonën e unazës perëndimore të qytetit. Dyshohet se shtetasi Shtjefën Ziçi, 64 vjeç, ka qëlluar me armë gjahu (çifte) bashkëshorten e tij, Bardhe Ziçi, 54 vjeçe. Si pasojë e plagëve të marra, 54-vjeçarja ka ndërruar jetë në vendngjarje. Menjëherë pas ngjarjes, shërbimet e Policisë kanë ndërhyrë dhe kanë arrestuar autorin e dyshuar. Grupi hetimor ndodhet në vendin e ngjarjes dhe po kryen veprimet procedurale për të zbardhur rrethanat dhe shkaqet që çuan në këtë krim të rëndë në familje. Policia pritet të japë më shumë detaje pas përfundimit...