“Të rinjtë kërkojnë një frymë të re politike”, Besnik Mustafaj për protestat: Ramën dhe Berishën mund t’i largojë vetëm vota

Ish-ministri i Jashtëm dhe ish-deputeti i Partisë Demokratike, Besnik Mustafaj, ka komentuar protestat e zhvilluara prej muajsh në Shqipëri, duke i cilësuar ato si një zhvillim të parashikueshëm pas një periudhe të gjatë reagimi qytetar. Në një intervistë për emisionin “Goca dhe Gra”, në një bisedë me Ema Andrea, Mustafaj u ndal te qëndrueshmëria e të rinjve në protesta, reagimi i qeverisë dhe kërkesat për largimin e kryeministrit Edi Rama. Ai theksoi se klima aktuale është anti-establishment dhe se shoqëria kërkon një frymë të re politike. Sipas tij, ndryshimi i pushtetit duhet të vijë përmes votës, ndërsa shton se po të kishte përballë kryeministrin e vendit, do t’i thoshte të jepte dorëheqjen. “Do ti thoja këtë që po të them edhe ty. Jep dorëheqjen, trego...