Futbolli finlandez nuk shquhet për skena të huliganizmit ekstrem. Por ajo që ka ndodhur këtë javë në Finlandë po bën xhiron e rrjetit.
Klubi i FC Haka, një nga më të njohurit në vend me 9 tituj kampion dhe me prani të vazhdueshme në Europë, ka rënë nga kategoria pas një sezoni katastrofë, duke marrë vetëm 17 pikë. Ultrasit e kësaj skuadre kanë qenë shumë të inatosur, por ajo që ka ndodhur në natën e 7 dhjetorit, kalon ccdo limit.
Disa prej tyre i kanë vënë flakën stadiumit “Tehtaan Kenta”. Flaka është përhapur me shpëjtësi duke shkatërruar thuajse gjithë impiantin dhe fushën e lojës, teksa zjarrfikësit e kishin të vështirë të kontrollonin situatën.
Megjithatë, policia ka identifikuar edhe shkaktarët e ngjarjes në një kohë të shkurtër, pasi ka arrestuar një 15-vjeçar, i cili më pas ka pranuar fajësinë dhe ka përfshirë edhe dy bashkëmoshatarë. Stadiumi i qytetit të vogël prej pak më shumë se 20 mijë banorësh, kishte 3500 vende dhe ishte inauguruar në vitin e largët 1934.
Tag: ndodhur
-
E pabesueshme/ Ekipi bie nga kategoria, tifozët i vënë flakën stadiumit (VIDEO)
-
Rasti i rrallë/ I burgosuri ndërron jetë pas ‘puthjes së vdekjes’ nga e dashura
Nga Joern Karstedt, BILD
Në burgun e Lajpcigut në Gjermani kanë ndodhur skena dramatike: Një dorëzim droge, i maskuar si puthje, përfundoi me vdekje. Gruaja që solli pakon fatale pritet të dalë së shpejti para gjykatës.
E dashura 24-vjeçare e të burgosurit 23-vjeçar kishte tentuar t’i kalonte atij metamfetaminë (“Crystal Meth”). Thuhet se Laura R. kaloi pa problem kontrollet e burgut të dytë më të madh në Saksoni. Ajo donte të vizitonte partnerin e saj, Mohamed R. – tunizian, i cili mbahej në paraburgim pikërisht për dyshime për tregti droge.
Ajo kishte disa gramë drogë, të mbështjellë me letër alumini, të fshehur nën gjuhë. Plani ishte që, gjatë puthjes, t’ia kalonte topth-in në gojë Mohamedit. Por puthja ishte kaq e vrullshme, sa 23-vjeçari e ka gëlltitur pa dashje drogën.
Tuniziani fillimisht nuk tregoi asgjë dhe u kthye në qelinë e tij pas vizitës rreth njëorëshe, duke shpresuar me gjasë që topthi të dilte vetë natyrshëm. Por autopsia e mëvonshme tregoi se paketa ishte hapur në stomak – dhe droga ishte përhapur në trup.
Në një mbidozë, fillimisht rritet shumë temperatura e trupit dhe shfaqen çrregullime të ritmit të zemrës, pastaj halucinacione, gjendje ankthi dhe konvulsione – dhe në rastin më të keq, ndodh arresti kardiak. Kjo i ka ndodhur Mohamed R.
Mëngjesin pas vizitës të së dashurës së tij – me të cilën ka edhe një vajzë 3-vjeçare – ai është gjetur i shtrirë në qeli. Mjeku i urgjencës e ka rikthyer në jetë për pak, por pasdite raportohet se ka ndërruar jetë.
Për “puthjen vdekjeprurëse”, 24-vjeçarja del para gjykatës më 18 dhjetor. Nëse shpallet fajtore, edhe vetë nëna e re mund të përfundojë në burg.
-
Aksident me vdekje në Shkodër, slloveni përplas këmbësoren
Një aksident me vdekje ka ndodhur pasditen e kësaj të mërkure në Malësi të Madhe në Shkodër.
Aksidenti ka ndodhur rreth orës 17:05, në aksin rrugor “Shkodër – Hani i Hotit”, ku automjeti me drejtues shtetasin slloven K. J., ka përplasur këmbësoren, 68-vjeçaren me iniciale P. L.
Si pasojë e aksidentit, 68-vjeçarja ka humbur jetën.
Drejtuesi i automjetit K. J., është shoqëruar në Komisariat për veprime të mëtejshme.
Grupi hetimor po punon për sqarimin e rrethanave të aksidentit.Top Channel
-
Aksident me vdekje në Shkodër-Hani i Hotit, shoferi nga Sllovenia përplas këmbësoren
Një aksident i rëndë ka ndodhur në Malësi të Madhe. Sipas informacioneve, ngjarja ka ndodhur në aksin rrugor “Shkodër-Hani i Hotit. Makina ka përplasur këmbësoren, 68-vjeçare Prende Lulja e cila fatkeqësisht ka humbur jetën.
Drejtuesi i automjetit, mësohet se është një shtetas slloven, Klemen Jakic dhe është shoqëruar në Komisariat për veprime të mëtejshme.
Malësi e Madhe / Informacion paraprak
Rreth orës 17:05, në aksin rrugor “Shkodër – Hani i Hotit”, automjeti me drejtues shtetasin slloven K. J., ka përplasur këmbësoren, shtetasen P. L., 68 vjeçe.
Si pasojë e aksidentit, shtetasja P. L. ka humbur jetën.
Drejtuesi i automjetit shtetasi K. J., është shoqëruar në Komisariat për veprime të mëtejshme.
Grupi hetimor po punon për sqarimin e rrethanave të aksidentit.
gijotina.com/
-
16 vite burg për autorin e vr*sjes së Martinit, gazetarja: Prindërit e Marios duhet të dënohen
Kronikë E Mërkurë, 10 Dhjetor 2025 14:58
Mario Përlleshaj, autori i vrasjes së Martin Canit, u dënua me 16 vite burg, teksa babai Ëngjëll Cani thotë se shkolla është shkaku i parë i kësaj ngjarjeje, pasi nuk i ka dërguar asnjë mesazh as për ta lajmëruar për sherrin që kishte ndodhur mes tyre.
“Shkolla është shkaktari i parë i kësaj ngjarje. Unë shkollën e kisha 5 minuta larg nga puna ku punoja. Një mesazh mund të shpëtonte jetë. Unë mund të shkoja ta merrja djalin. Një mesazh i tyre mund të kishte shpëtuar një jetë”, tha për ”Shqipëria Live”. Gazetarja Kristi Gongo tha se prindërit janë po aq fajtorë sa vetë autori, teksa përmendi një shembull real që ka ndodhur në SHBA.“Unë do të vlerësoja me shumë rëndësi duke marrë parasysh një rast që ka ndodhur në Miçigan, ku një 15-vjeçar vrau shokët e klasës. Bëhet fjalë për katër marrje jetë në moshën 15-vjeçare. Unë do të doja që drejtësia jonë të merrte këto shembuj, për çfarë e kam fjalën.
Për të gjykuar edhe prindërit e autorit të vrasjes së Martinit. Për mua janë po aq fajtorë sa vetë autori. Bëhet fjalë për një fëmijë që sikundër është gjykuar në rastin amerikan. Ata janë konsideruar prindër që kanë dështuar në prindërimin e tyre. Prindërit e autorit u dënuan me 10 vite vrasje të pavullnetshme megjithëse ata nuk e kanë shkrepur armën”, tha gazetarja Kristi Gongo.
-
Shpërthim me tritol në Shkodër
Një shpërthim me tritol ka ndodhur mbrëmjen e kësaj të marte në qytetin e Shkodrës.
Ngjarja ka ndodhur në lagjen “Skënderbeg”, te dera e një subjekti për reklama.
Gazetari i Vizion Plus, Bepin Kolvata mëson se një person me motor është afruar dhe ka vendosur tritolin.Nga shpërthimi nuk raportohet për persona të lënduar, ndërsa policia ka shkuar në vendngjarje dhe po punon për identifikimin e autorit dhe sqarimin e rrethanave të plota të ngjarjes.
“Rreth orës 22:20, në lagjen “Skënderbeg”, Shkodër, te dera e një subjekti për reklama, dyshohet se është vendosur lëndë plasëse. Si pasojë ka pasur vetëm dëme materiale.
Grupi hetimor, nën drejtimin e Prokurorisë, po kryen veprimet për sqarimin e rrethanave, identifikimin dhe kapjen e autorit/ëve”, njofton policia.
/vizionplus.tv -
Dy të lënduar në aksidentin e ndodhur në rrugën e vjetër Fier–Ballsh
Një aksident automobilistik ka ndodhur pak minuta më parë në aksin e vjetër rrugor Fier–Ballsh, pranë fshatit Plyk. Dy automjete janë përplasur me njëra-tjetrën dhe, si pasojë, dy udhëtarë kanë mbetur të lënduar.
Të plagosurit janë transportuar me urgjencë drejt Spitalit Rajonal të Fierit, ku ndodhen nën kujdesin e mjekëve dhe janë jashtë rrezikut për jetën.
Në vendngjarje kanë mbërritur shërbimet e policisë dhe grupi hetimor, të cilët po punojnë për sqarimin e rrethanave dhe shkaqeve të aksidentit.
gijotina.com/ -
Elijona në kërkim nga policia gjermane? Ja si qëndron e vërteta
Showbiz E Martë, 9 Dhjetor 2025 09:38
Një moment i tensionuar ka ndodhur në shtëpinë e Big Brother VIP, kur Elijona Binakaj mori një “zarfi të kuq” që i drejtohej për lajmet që kanë qarkulluar ditët e fundit lidhur me të kaluarën e saj. Vëllai i Madh kërkoi sqarime në lidhje me lajmet që përmendnin policinë gjermane dhe periudhën e jetës së Elijonës që është bërë objekt diskutimi në media.
Në zarfin e kuq shkruhej: “Elijona, në ditët e fundit emri yt ka pushtuar mediat. Portale të ndryshme kanë publikuar lajme të një periudhe të jetës tënde, duke përmendur policinë gjermane”.Dukshëm e emocionuar, Elijona reagoi duke shprehur pakënaqësinë e saj për mënyrën se si ishte trajtuar kjo temë dhe se si ishte përfolur brenda shtëpisë. Ajo e quajti këtë një sulm ndaj të kaluarës së saj, duke thënë: “Një njeri shumë i ligë këtu brenda ka gjuajtur me fjalë, ka prek të kaluarën time dhe ka dhënë informata jo të sakta.”
Elijona e sqaroi edhe një herë ngjarjen që kishte ndodhur, duke thënë se nuk ishte larguar nga familja e saj, por nga familja gjermane për të qenë pranë familjes së saj të vërtetë. Ajo theksoi: “E kam marrë vendimin vetë dhe jam shumë krenare për atë veprim.”
Ky sqarim ka shkaktuar reagime të shumta, brenda dhe jashtë shtëpisë, duke shuar disi dyshimet dhe përhapur më shumë mirëkuptim për vendimin e Elijonës.
-
Ngjarja tronditëse pas nofkës ‘Noti’! Labi thotë se djali i tij ka qenë duke u mbytur në det
Një përplasje e fortë ka ndodhur gjatë javës që lamë pas në Big Brother VIP, mes Labinot Rexhës dhe Londrim Mekajt. Sqarimi erdhi pasi Londrimi përdori nofkën “Noti” për t’ju drejtuar Labinotin, një emër që i ka sjellë këngëtarit një traumë të rëndë nga e kaluara.
Labinoti shpjegoi se kjo nofkë i lidhet një ngjarjeje tragjike të vitit 2006, kur djali i tij për pak sa nuk u mbyt në det në Francë. Ai tregoi se kjo përvojë ka lënë pas një traumatizëm të thellë dhe e gjithë familja e tij ka zhvilluar fobi ndaj ujit. “Kjo ka ndodhur në vitin 2006, kemi fobi gjithmonë nga uji,” tha ai, duke shtuar se ky është një kujtim i dhimbshëm dhe i pashlyeshëm për familjen e tij.
Megjithatë, reagimi i Labinotit nuk u pranua nga të gjithë banorët dhe opinionistët, të cilët aluduan se mund të kishte ndonjë element dyshimi në tregimin e tij. I irrituar, Labinoti i bëri të qartë Londrim Mekajt dhe të tjerëve se nuk dëshiron që ta thërrasin më me këtë nofkë, duke kërkuar respekt për këtë çështje delikate.
Ky moment ka ngjallur diskutime të shumta brenda dhe jashtë shtëpisë, duke nxjerrë në pah aspekte të thella të psikologjisë dhe përvojave të dhimbshme të të ftuarve. -
Elijona në kërkim nga policia? Ja si qëndron e vërteta
Një moment i tensionuar ka ndodhur në shtëpinë e Big Brother VIP, kur Elijona Binakaj mori një “zarfi të kuq” që i drejtohej për lajmet që kanë qarkulluar ditët e fundit lidhur me të kaluarën e saj. Vëllai i Madh kërkoi sqarime në lidhje me lajmet që përmendnin policinë gjermane dhe periudhën e jetës së Elijonës që është bërë objekt diskutimi në media.
Në zarfin e kuq shkruhej: “Elijona, në ditët e fundit emri yt ka pushtuar mediat. Portale të ndryshme kanë publikuar lajme të një periudhe të jetës tënde, duke përmendur policinë gjermane”.
Dukshëm e emocionuar, Elijona reagoi duke shprehur pakënaqësinë e saj për mënyrën se si ishte trajtuar kjo temë dhe se si ishte përfolur brenda shtëpisë. Ajo e quajti këtë një sulm ndaj të kaluarës së saj, duke thënë: “Një njeri shumë i ligë këtu brenda ka gjuajtur me fjalë, ka prek të kaluarën time dhe ka dhënë informata jo të sakta.”
Elijona e sqaroi edhe një herë ngjarjen që kishte ndodhur, duke thënë se nuk ishte larguar nga familja e saj, por nga familja gjermane për të qenë pranë familjes së saj të vërtetë. Ajo theksoi: “E kam marrë vendimin vetë dhe jam shumë krenare për atë veprim.”
Ky sqarim ka shkaktuar reagime të shumta, brenda dhe jashtë shtëpisë, duke shuar disi dyshimet dhe përhapur më shumë mirëkuptim për vendimin e Elijonës.