Çmimi i druve të zjarrit ka pësuar sërish rritje këtë vit në qarkun e Korçës, duke arritur deri në 55 mijë lekë të vjetra për metër kub. Në këto kushte, shumë familje thonë se e kanë gjithnjë e më të vështirë të përballojnë kostot e ngrohjes dimërore.
Për banorët e Korçës, ngrohja me dru mbetet mundësia e vetme për t’u përballur me të ftohtin e zonës, por çmimi i lartë i ka vënë ata në vështirësi ekonomike. Një pjesë e qytetarëve thonë se ende nuk kanë mundur të sigurojnë drutë për dimër, ndërsa të tjerë kanë blerë vetëm një pjesë të nevojshme, ka edhe nga ata që sigurojnë lëndën drusore gjatë verës, për të shmangur rritjen e çmimeve që përsëritet çdo vit me afrimin e dimrit.
Më të prekurit nga kjo situatë janë pensionistët, të cilët pohojnë se pensionet e tyre nuk mjaftojnë as për ushqimet bazë, e jo më për ngrohje. Edhe ngrohja me energji elektrike shihet si e papërballueshme për shumë familje, për shkak të kostove të larta të energjisë.
Jashtë kamerave, tregtarët e druve pohojnë se rritja e çmimit lidhet me shumë faktorë por një ndër to është transporti pasi një pjesë e konsiderueshme e lëndës drusore vjen nga qarqe të tjera , çka ka shtuar ndjeshëm kostot e transportit dhe, për rrjedhojë, edhe çmimin për konsumatorin.
Tag: Korçë
-
Rritet sërish çmimi i druve të zjarrit, banorët në vështirësi për ngrohjen dimërore
-
Tabloja e pabarazisë në arsim/ Në Tiranë një mësues për 13 fëmijë, në Gjirokastër për 25
Raporti i nxënësve për një mësues është një ndër treguesit më të rëndësishëm që mat cilësinë e procesit arsimor. Sa më i ulët të jetë ky raport, aq më shumë mundësi ka mësuesi të fokusohet tek nevojat individuale të çdo nxënësi, të ndjekë ecurinë e tyre dhe të ofrojë ndihmë më të personalizuar.
Në Shqipëri, sipas të dhënave të INSTAT për vitin e fundit të raportimit, atë 2023–2024, në nivel kombëtar, shkollat private kanë pothuajse të njëjtin raport nxënës për mësues si shkollat publike. Megjithatë, nëse shihen të dhënat sipas qarqeve, shfaqen dallime të dukshme, që tregojnë një realitet shumë më të ndërlikuar.
Në Tiranë dhe Durrës, ku përqendrimi i shkollave private është më i madh dhe konkurrenca më e fortë, këto institucione arsimore arrijnë të ofrojnë klasa më të vogla. Në nivelin fillor, një mësues në një shkollë private në Tiranë ka mesatarisht 13,8 nxënës, ndërsa në një shkollë publike 20,8.
Në Durrës raporti është përkatësisht 15,3 në privat dhe 19,9 në publik. Këto diferenca nënkuptojnë se prindërit që zgjedhin arsimin privat në kryeqytet po paguajnë, ndër të tjera, edhe për më shumë vëmendje ndaj fëmijëve të tyre dhe një mjedis mësimor më të personalizuar.
Por në qarqe të tjera të vendit, situata është e përmbysur. Në Gjirokastër, për shembull, në arsimin fillor, një mësues në shkollat private mbulon mesatarisht 25,6 nxënës, ndërsa në shkollat publike vetëm 10,1. Po ashtu, në Berat, raporti në privat është 23,7 kundrejt 11,5 në publik. Edhe pse në Korçë dhe Lezhë diferencat janë më të moderuara, tendenca e përgjithshme mbetet e njëjtë: në zonat më të vogla, shkollat private kanë më shumë nxënës për mësues sesa publiket.
Këto kontraste ngrenë pyetje mbi mënyrën si shpërndahen burimet njerëzore dhe si menaxhohen institucionet arsimore në nivel lokal. Ndërsa në qytetet e mëdha shkollat private synojnë të ruajnë standarde të larta përmes klasave të vogla, në qarqe më periferike, ato shpesh operojnë me më pak staf, çka ndikon në cilësinë e mësimdhënies. Raporti nxënës–mësues nuk është vetëm një shifër statistikore; ai reflekton mundësitë reale për arsim cilësor, barazi në arsim dhe efikasitetin e politikave arsimore që synojnë të garantojnë kushte të barabarta për çdo fëmijë, pavarësisht vendndodhjes apo tipit të shkollës që frekuentojnë./Monitor -
Tabloja e pabarazisë në arsim: Në Tiranë një mësues për 13 fëmijë, në Gjirokastër për 25
Raporti i nxënësve për një mësues është një ndër treguesit më të rëndësishëm që mat cilësinë e procesit arsimor. Sa më i ulët të jetë ky raport, aq më shumë mundësi ka mësuesi të fokusohet tek nevojat individuale të çdo nxënësi, të ndjekë ecurinë e tyre dhe të ofrojë ndihmë më të personalizuar.Në Shqipëri, sipas të dhënave të INSTAT për vitin e fundit të raportimit, atë 2023–2024, në nivel kombëtar, shkollat private kanë pothuajse të njëjtin raport nxënës për mësues si shkollat publike. Megjithatë, nëse shihen të dhënat sipas qarqeve, shfaqen dallime të dukshme, që tregojnë një realitet shumë më të ndërlikuar.Në Tiranë dhe Durrës, ku përqendrimi i shkollave private është më i madh dhe konkurrenca më e fortë, këto institucione arsimore arrijnë të ofrojnë klasa më të vogla. Në nivelin fillor, një mësues në një shkollë private në Tiranë ka mesatarisht 13,8 nxënës, ndërsa në një shkollë publike 20,8.Në Durrës raporti është përkatësisht 15,3 në privat dhe 19,9 në publik. Këto diferenca nënkuptojnë se prindërit që zgjedhin arsimin privat në kryeqytet po paguajnë, ndër të tjera, edhe për më shumë vëmendje ndaj fëmijëve të tyre dhe një mjedis mësimor më të personalizuar.Por në qarqe të tjera të vendit, situata është e përmbysur. Në Gjirokastër, për shembull, në arsimin fillor, një mësues në shkollat private mbulon mesatarisht 25,6 nxënës, ndërsa në shkollat publike vetëm 10,1. Po ashtu, në Berat, raporti në privat është 23,7 kundrejt 11,5 në publik. Edhe pse në Korçë dhe Lezhë diferencat janë më të moderuara, tendenca e përgjithshme mbetet e njëjtë: në zonat më të vogla, shkollat private kanë më shumë nxënës për mësues sesa publiket.Këto kontraste ngrenë pyetje mbi mënyrën si shpërndahen burimet njerëzore dhe si menaxhohen institucionet arsimore në nivel lokal. Ndërsa në qytetet e mëdha shkollat private synojnë të ruajnë standarde të larta përmes klasave të vogla, në qarqe më periferike, ato shpesh operojnë me më pak staf, çka ndikon në cilësinë e mësimdhënies. Raporti nxënës–mësues nuk është vetëm një shifër statistikore; ai reflekton mundësitë reale për arsim cilësor, barazi në arsim dhe efikasitetin e politikave arsimore që synojnë të garantojnë kushte të barabarta për çdo fëmijë, pavarësisht vendndodhjes apo tipit të shkollës që frekuentojnë. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
“Ditët e Mios” në edicionin e 15, pjesëmarrës piktorë nga Shqipëria e shtete të tjera që sjellin Korçën në punët e tyre
Nga Julia Vrapi
“Ditët e Mios” një ngjarje e artit figurativ, që mbledh çdo vit artistë nga vende të ndryshme të botës për të krijuar vepra të frymëzuara nga rrugicat dhe peizazhet e fshatrave të Korçës. Qyteti i Korçës mirëpret edicionin e 15-të të kolonisë ndërkombëtare “Ditët e Mios”, nga data 28 deri më 31 tetor dhe këtë vit rreth 40 piktorë nga Shqipëria dhe shtete të tjera janë pjesë e këtij aktiviteti të artit figurativ. Aktiviteti që zhvillohet prej disa vitesh në këtë qytet nderon edhe trashëgiminë e mjeshtrit të madh Vangjush Mio, duke e kthyer Korçën në një atelie të hapur arti. Piktorët pjesëmarrës këtë vit janë nga Kosova, Shqipëria, Italia, Greqia, Finlanda, Bullgaria, Maqedonia e Veriut, Mali i Zi, Rumania, etj. Kryetari i Bashkisë së Korçës Sotiraq Filo shprehet për edicionin e 15-të të “Ditëve të Mios” si një festë e vërtetë e ngjyrave, dritës dhe shpirtit krijues. “Rreth 40 piktorë nga vende të ndryshme të botës do të bashkohen në qytetin tonë për të zbuluar magjinë e rrugicave korçare, peizazhet e fshatrave tona piktoreske dhe frymën e veçantë që vetëm Korça di të dhurojë. Për katër ditë me radhë, qyteti do të kthehet në një atelie të hapur arti, ku çdo penelatë do të pasqyrojë emocionin, frymëzimin dhe dashurinë për vendin tonë. Ju ftojmë të bëheni pjesë e këtij udhëtimi artistik që nderon trashëgiminë e mjeshtrit të madh Vangjush Mio dhe e kthen Korçën në skenën e bukurisë dhe krijimtarisë”, shprehet kryetari i Bashkisë së Korës Sotiraq Filo në rrjete sociale. Kolonia e piktorëve “Ditët e Mios” në qytetin e Korçës sot është në ditën e fundit, ndërsa veprat e krijuara nga piktorët do të ekspozohen në përmbyllje të aktivitetit, si një homazh për mjeshtrin Vangjush Mio.
Aktiviteti u çel në shtëpinë muze të piktorit
Edicioni i 15-të i kolonisë ndërkombëtare “Ditët e Mios” u çel në Shtëpinë Muze të piktorit Vangjush Mio dhe prej vitesh është edhe një nga aktivitetet më të rëndësishme të arteve figurative në këtë qytet. Në Korçë që prej vitit 2007 çdo fund tetori zhvillohet kjo mbledhje artistësh nga vende të ndryshme, në nder të “Piktorit të Popullit” Vangjush Mio, ku në ditën e fundit të kolonisë së artistëve zhvillohet edhe ekspozita me punimet e të gjithë pjesëmarrësve. Banesa muze e “Piktorit të Popullit” Vangjush Mio, është një nga më të vizituarat në qytetin e Korçës. Vangjush Mio (3 mars 1891- 30 dhjetor 1957) ishte një piktor impresionist shqiptar. Ai njihet më së shumti për peizazhet dhe sipas kritikës konsiderohet si peizazhisti më i përkryer shqiptar i shekullit XX. Temat e tij të parapëlqyera i merrte nga Korça, Pogradeci dhe rrethinat, por ai përjetësoi në punimet e tij edhe qytete të tjera si Tirana, Elbasani, Himara, Berati dhe Gjirokastra. Përveç peizazheve, Vangjush Mio ishte brilant edhe në pikturimin e portreteve. Rreth 60 punime të tij janë pjesë e fondit në Galerinë Kombëtare të Arteve në Tiranë. Piktori ka marrë pjesë në shumë ekspozita të arteve figurative të organizuara si në Shqipëri ashtu edhe jashtë saj. -
Parandalimi i trafikimit të paligjshëm të objekteve kulturore, specialistë e ekspertë mblidhen në takim në Apoloni
Parandalimi i trafikimit të paligjshëm të objekteve kulturore ishte në qendër të takimi që mblodhi specialistë të fushës së trashëgimisë kulturore përfaqësues të institucioneve e më gjerë.
Këto ditë në parkun arkeologjik të Apolonisë u zhvillua tryeza e dytë e rrumbullakët me temë “Nga sfidat te rekomandimet – Forcimi i bashkëpunimit dhe angazhimit për të parandaluar trafikimin e paligjshëm të objekteve kulturore”. CHwB Albania shprehet se kjo tryezë ofroi hapësirë për diskutim dhe shkëmbim mendimesh ndërmjet aktorëve kyç lokalë dhe kombëtarë, me fokus në identifikimin e sfidave dhe përcaktimin e rekomandimeve konkrete për përmirësimin e bashkëpunimit institucional në mbrojtje të trashëgimisë kulturore. “Pjesëmarrësit e vlerësuan nismën si një hap konkret drejt forcimit të bashkëpunimit ndërinstitucional dhe si një kontribut të rëndësishëm në luftën kundër trafikimit të objekteve kulturore”, thuhet ndër të tjera për këtë takim.
Ky aktivitet u organizua në kuadër të projektit “Ngritja e kapaciteteve lokale dhe bashkëpunimi i strukturave ligjzbatuese për të luftuar trafikimin e paligjshëm të trashëgimisë kulturore shqiptare”, që zbatohet nga Cultural Heritage without Borders – Albania (CHwB Albania), me mbështetjen e Programit të Granteve për Zbatimin e Marrëveshjes për Pronën Kulturore (CPAIG) të Departamentit të Shtetit të SHBA-së, përmes Ambasadës së SHBA në Shqipëri. Pas tryezave të mbajtura në Gjirokastër dhe Apoloni, dy aktivitete të tjera do të zhvillohen së shpejti në Shkodër dhe Korçë. -
‘Diella do pjellë 83 dobiçë që do zëvendësojnë deputetët/ Korreshi – socialistëve: Kjo është drejtësia juaj, kush ka lekun…
Deputeti i Partisë Demokratike, Saimir Korreshi, ka mbajtur një fjalim me tone ironike në seancën e sotme parlamentare, duke thumbuar deputetët socialistë përballë tij. Ai i pyeti ata në mënyrë retorike se si ndiheshin “tani që Diella ka pjellë 83 dobiçë”, duke iu referuar figurativisht vendimeve që, sipas tij, do të zëvendësojnë ligjvënësit e mazhorancës.
Gjatë fjalës së tij për reformën në drejtësi, Korreshi u ndal te dështimet e saj pas dhjetë vitesh zbatim, duke kujtuar se shumë nga ish-klientët e tij si avokat ende nuk kanë marrë drejtësi për çështjet e tyre. Ai solli shembullin e një prej tyre, të cilën e quajti “Nënë Zylfia”, për të ilustruar vonesat dhe padrejtësitë që, sipas tij, janë bërë normë në sistemin gjyqësor.
Deputeti opozitar vuri në kontrast këtë situatë me trajtimin që, sipas tij, marrin zyrtarët dhe ish-zyrtarët e pushtetit, të cilët “për gjyqet e tyre fitojnë miliona dhe kalojnë shkallët dy e nga dy”, duke anashkaluar radhën dhe duke përfituar nga standardet e dyfishta të drejtësisë.
Korreshi nuk kurseu ironinë as ndaj Këshillit të Lartë Gjyqësor dhe Këshillit të Lartë të Prokurorisë, duke thënë se “arritja më e madhe e reformës në drejtësi është se proceset gjyqësore që zgjatnin 16 vite, tani janë shkurtuar… me vetëm 16 ditë.”
“Kemi këtu nënë Zylfien, s’kemi nevojë për atë raportin e Justice. Ça ka bërë nënë Zylfia? Ka bërë vetëgjyqësi, se ka vënë gardh, ka ndarë portën, ka një gjyq penal, që nga 2019 dhe është thirrur më 2025! E kuptoni, është çështje penale! Por bie fjala gjithë kjo reformë a ka një përmirësim të dukshëm? Dhe më thanë se ka përmirësim me 16 ditë! E kuptoni ju se si kemi vajtur. Kemi kaq vite reformë në drejtësi dhe e keni ulur me 16 ditë për në 16 vite që ishte. Njerëzit kanë masa sigurimi dhe kanë harruar ku kanë dosjen. Kur shikon këto raporte nga KLP apo Justice të duket sikur askush nuk shkon në terren të shohë se çfarë ndodh, ku njerëzit presin në radhë për drejtësi. Ja kam këtu çështje që nga viti 2008 dhe jemi në 2025 tani, e kuptoni ku ndodhemi apo jo, unë e kam mandatin e dytë këtu dhe kjo çështje nuk është zgjidhur. Që kur isha avokat”, tha Korreshi.
Deputeti demokrat ironizoi edhe ish-ministrin e Drejtësisë, Ulsi Manja, duke thënë se “bëri reformën territoriale gjyqësore që të zvogëlonte hartën se ishte e madhe”.
“Kjo është drejtësia, reforma territoriale, se tha Ulsiu hajt ta ngushtojmë pak hartën se është e madhe, ta bëjmë më të vogël. Por korrupsioni është shtuar, se e sollët në Tiranë por e rritët, se sa më lartë të jetë, se është Tiranë, aq më shumë e do kapulën me lekë. Dhe presin kur të jepet drejtësia e zbardhet vendimi, pas tre vjetësh, ja kjo është drejtësia juaj. Ca e ca i zgjidhin çështjet me miliona euro, nga katër shkallë për tre vite, nga i fundi te i pari, kurse nënë Zylfia atje ka shtatë vjet. Kurse ajo tjetra për tre vjet tak 3 mln dollarë në xhep për tre vjet”, tha deputeti demokrat.
Nuk mungoi edhe kritika për Policinë e Shtetit, që kap si provë materiale në Korçë një lepur apo për Diellën që pjell 83 deputetë të rinj që do zëvendësojnë ata në sallë.
“Pastaj na dalin lajme Policia me “u kap lepuri”, e lexova në lajme, ishte lepuri si provë. Ose na del KLP-ja procedime kundër 3 prokurorëve, ça drejtësie është kjo? Ore, në fund kam një pyetje për ju, kolegë këtu në sallë. Si do ndiheni tani ju deputetë këtu që Diella do pjellë 83 dobiçë, se do ju zëvendësojë ju, si do ndiheni ju këtu në sallë, jo për gjë?”, përfundoi ligjvënësi.
-
Aksident me vdekje në Korçë/ Makina përplas motorin, ndërron jetë drejtuesi (EMRI)
PAMJE NGA VENDNGJARJA
KORÇË- Një aksident me pasojë vdekjen është regjistruar mbrëmjen e sotme në aksin Korçë–Bilisht, në afërsi të fshatit Dishnicë. Aksidenti ka ndodhur pranë një karburanti, ku mësohet se një mjet ka përplasur një motor, drejtuesi i të cilit ka humbur jetën në vendngjarje. Viktima është identifikuar si Lefter Liçenji 66-vjeç.
Sipas informacioneve paraprake, ende nuk dihen rrethanat e sakta të ngjarjes. Në vendngjarje ndodhen forcat e Policisë, të cilat po punojnë për zbardhjen e plotë të shkaqeve dhe rrethanave të aksidentit. -
Aksident tragjik në vend, mjeti përplas për vdekje këmbësorin (Detaje)
Një aksident me pasojë vdekjen e një këmbësori ka ndodhur pasditen e kësaj të enjteje në afërsi të fshatit Dishnicë në Korçë.
Aksidenti ka ndodhur pranë një karburanti.
Mësohet se një mjet ka përplasur një këmbësor i cili ka ndërruar jetë.
Nuk dihen ende rrethanat e aksidentit. -
Aksident në aksin rrugor Korçë-Bilisht, humb jetën motoristi
Një aksident i rëndë ka ndodhur sot në aksin rrugor Korçë-Bilisht, ku një motoçikletë është përplasur dhe për pasojë ka humbur jetën drejtuesi i mjetit.
Ende nuk dihen rrethanat e sakta të ngjarjes, ndërsa motoristi ka humbur jetën menjëherë.
Në vendngjarje ndodhen forcat e policisë, të cilat po punojnë për zbardhjen e plotë të aksidentit dhe përcaktimin e shkaqeve. -
Aksident me vdekje në Korçë/ Makina përplas motorin, ndërron jetë drejtuesi
PAMJE NGA VENDNGJARJA
KORÇË- Një aksident me pasojë vdekjen është regjistruar mbrëmjen e sotme në aksin Korçë–Bilisht, në afërsi të fshatit Dishnicë. Aksidenti ka ndodhur pranë një karburanti, ku mësohet se një mjet ka përplasur një motor, drejtuesi i të cilit ka humbur jetën në vendngjarje.
Sipas informacioneve paraprake, ende nuk dihen rrethanat e sakta të ngjarjes. Në vendngjarje ndodhen forcat e Policisë, të cilat po punojnë për zbardhjen e plotë të shkaqeve dhe rrethanave të aksidentit.