Java e 10-të e Kategorisë së Parë u mbyll me ndeshjen Skënderbeu – Korabi. Korçarët u rikthyen te fitorja në shtëpi, pasi mundën Korabin 3-2, falë një goli në minutat shtesë.
Në ndeshjet e tjera të luajtura po ditën e sotme, Besa mori fitoren e dytë radhazi, pasi mposhti AF Luftëtarin në transfertë 2-1. Me të njëjtin rezultat 2-1 fitoi edhe Laçi ndaj Lushnjes.
Pogradeci fitoi minimalisht 1-0 ndaj Apolonisë në shtëpi. Kastrioti vazhdon ecurinë e mirë dhe pas fitores me Skënderbeun, mundi edhe Kukësin në transfertë 1-0.
Vetëm një ndeshje u mbyll në barazim, Iliria – Burreli 2-2.
Kategoria e Parë, java 10
Iliria – Burreli 2-2
Kukësi – Kastrioti 0-1
AF Luftëtari – Besa 1-2
Laçi – Lushnja 2-1
Pogradeci – Apolonia 1-0
Skënderbeu – Korabi 3-2
Pas përfundimit të javës së 10-të, Skënderbeu mban vendin e parë me 25 pikë, ndërsa Laçi renditet i dyti me 20 pikë.
Tag: Korçë
-
Kategoria e Parë: Skënderbeu fiton në frymën e fundit, Kukësi dhe Luftëtari befasohen në shtëpi
-
Çuçka nderon Skënderbeun në shtesë
Java e 10-të, Kategori e Parë
Skënderbeu- Korabi 3-2 (Nasr 20′, Vangjeli 22′, Çuçka 90+6′ /35′ Morina 35′, Marku 75′)
Ndeshja e fundit e javës së 10-të Në Kategori të Parë u zhvillua këtë pasdite në Korçë. Skënderbeu pati përballë Korabin në një duel që rezultoi mjaft i vështirë për korçarët e Ernest Gjokës.
Ndonëse vendasit kryesuan me dy gola të shpejtë shënuar nga Nasr dhe Vangjeli në minutat 20′ dhe 22′, goli i Markut në të 35′ dhe barazimi i dibranëve në të 75′ me Markun u duk se do të fiksonte barazimin 2-2 mes tyre. Megjithatë në minutën e 90+6′ Çuçka vendos fatin e takimit për Skënderbeun i cili arrin të marrë tri pikë.
Vazhdo leximin
-
Goli në fund, Skënderbeu rikthehet te fitorja
Skënderbeu u rikthye te fitorja, pasi mposhti Korabin 3-2, në duelin e javës së 10-të në Kategorinë e Parë.
Skuadra korçare e nisi mirë takimin, duke kaluar në epërsi të dyfishtë me golat e Nasr në minutën e 20-të dhe Vangjelit në minutën e 22-të.
Pavarësisht avantazhit, vendasit nuk arritën ta menaxhonin rezultatin. Korabi reagoi në pjesën e parë me golin e Morinës në minutën e 35-të, duke ngushtuar diferencën. Në fraksionin e dytë, dibranët vazhduan të kërkonin barazimin, që erdhi në minutën e 76-të me anë të Markut.
Kur dukej se ndeshja do të mbyllej në barazim, erdhi edhe goli që vulosi takimin. Foti Çuçka shënoi në minutat e fundit, për t’i dhënë fitoren korçarëve.
Skënderbeu mban vendin e parë me 25 pikë, ndërsa Korabi renditet i shtati me 10 pikë. -
Shensoi debuton te Laçi, Pogradeci- Apolonia dueli i ditës
Do të zhvillohet java e 10-të ose e parafundit e fazës së parë në Kategorinë inferiore. Të 6 takimet luhen këtë të hënë me orarin e njëjtë atë 14:00 në pesë përballje. I vetmi takim që luhet në orën 17:00 nën shoqërinë e reflektorëve, i takon Korçës teksa Skënderbeu kryesues përballet me Korabin e Peshkopisë.
Ndërkohë skuadra e dytë në klasifikim, Laçi, do të presë në shtëpi Lushnjën e Ditmar Bicajt. Kurbinasit pasi u ndanë me Stefano Senigaliezi, afruan javën e kaluar trajnerin Naxhi Shensoi me 67 vjeçarin nga Prizreni i cili debuton sot në krye të bardhezinjëve.
Duel mjaft i luftuar pritet të zhvillohet në Pogradec teksa vendasit me Emiljano Çela në timon, përballen me Apoloninë e cila po shfaqet mjaft e karikuar me ekipet pretendente. Interesant edhe dueli i Fushë Krujës te sfida Iliria- Burreli apo dhe në Gjirokatër e Kukës aty ku respektivisht takohen AF Luftëtari-Besa e Kukësi- Kastrioti.
Java e 10-të, Kategori e Parë:
E hënë 3 nëntor 2025
14:00
Laçi- Lushnja
Pogradeci- Apolonia
Iliria- Burreli
AF Luftëtari Besa
Kukësi- Kastrioti
17:00
Skënderbeu- Korabi/Sportiim.al/
Vazhdo leximin
-
Trafik i rënduar drejt Tiranës radhë kilometrike në aksin rrugor Librazhd–Elbasan–Tuneli i Kërrabës
Që në orët e para të pasdites së kësaj të diele, trafiku në aksin e rrugës kombëtare që lidh rajonin e Shqipërisë Juglindore me kryeqytetin është rënduar ndjeshëm për shkak të fluksit të jashtëzakonshëm të automjeteve në qarkullim.
Kthimi nga pushimet e fundjavës i qindra familjeve nga Tirana, që kaluan dy ditë në Korçë, Pogradec dhe zonat e tjera turistike të Juglindjes, ka sjellë ngarkesë të madhe në qarkullim duke e bërë lëvizjen tejet të vështirë.
Segmentet më problematike janë raportuar nga “Kthesat e Murrashit” në Librazhd drejt Elbasanit dhe më tej nga rrethrrotullimi i Bradasheshit në drejtim të Tunelit të Krrabës, ku radhët e automjeteve kanë qenë kilometrike deri në orët e vona të mbrëmjes.
Për të përballuar situatën, Policia Rrugore ka qenë në terren me forca të shtuara përgjatë gjithë aksit Librazhd–Elbasan–Tuneli i Krrabës, me qëllim menaxhimin e trafikut dhe shmangien e bllokimeve të plota. -
Foto/ Radhë kilometrike në Librazhd–Elbasan–Tuneli i Kërrabës, trafik i rënduar drejt Tiranës
Që në orët e para të pasdites së kësaj të diele, trafiku në aksin e rrugës kombëtare që lidh rajonin e Shqipërisë Juglindore me kryeqytetin është rënduar ndjeshëm për shkak të fluksit të jashtëzakonshëm të automjeteve në qarkullim.
Kthimi nga pushimet e fundjavës i qindra familjeve nga Tirana, që kaluan dy ditë në Korçë, Pogradec dhe zonat e tjera turistike të Juglindjes, ka sjellë ngarkesë të madhe në qarkullim duke e bërë lëvizjen tejet të vështirë.Segmentet më problematike janë raportuar nga “Kthesat e Murrashit” në Librazhd drejt Elbasanit dhe më tej nga rrethrrotullimi i Bradasheshit në drejtim të Tunelit të Krrabës, ku radhët e automjeteve kanë qenë kilometrike deri në orët e vona të mbrëmjes.
Për të përballuar situatën, Policia Rrugore ka qenë në terren me forca të shtuara përgjatë gjithë aksit Librazhd–Elbasan–Tuneli i Krrabës, me qëllim menaxhimin e trafikut dhe shmangien e bllokimeve të plota.
-
Ekspozitë kostumografike në Korçë, “Na ishte dikur” sjell veshjet tradicionale të juglindjes
Në qytetin e Korçës është çelur ekspozita kostumografike “Na ishte dikur”, nisma e dytë artistike e Lirika Pojanit, realizuar në bashkëpunim me Vasil Mihon. Përmes butaforisë dhe punës së kujdesshme artizanale, autorët kanë sjellë në jetë figurat historike të Themistokli Gërmenjit dhe komandantit francez që shpalli Korçën krahinë autonome, duke e ndërthurur historinë me elementet e pasura të veshjeve tradicionale të juglindjes shqiptare.
Nëpërmjet kësaj ekspozite, vizitorët udhëtojnë ndër shekuj për të zbuluar larminë e kostumeve të komuniteteve maqedonase, rome, si edhe të figurave të njohura të teatrit e muzikës korçare, që kanë lënë gjurmë në kujtesën kulturore të qytetit.
Më shumë se 25 kostume autentike përfaqësojnë trashëgiminë dhe identitetin e trevave juglindore, ndërsa qëllimi i Pojanit mbetet i qartë: ruajtja dhe përcjellja e traditës së veshjeve popullore shqiptare tek brezat e rinj.Ekspozita do të qëndrojë e hapur për publikun edhe gjatë javës së ardhshme, duke ftuar çdo vizitor të prekë nga afër hijeshinë e historisë së dikurshme./vizionplus.tv
-
“Përtej Horizontit” në Korçë, shfaqja mirëpritet nga publiku në teatrin “Andon Zako Çajupi”
Në skenën e Teatrit “Andon Zako Çajupi” u shfaq mbrëmjen e së shtunës premiera e dramës “Përtej Horizontit” të Eugene O’Neill, e sjellë në shqip nga regjisori Silvio Goskova. Vepra ngjalli emocione të forta tek publiku, duke reflektuar mbi ëndrrat, dashurinë, fatin dhe kufijtë e zgjedhjeve njerëzore.
Për regjisorin e shfaqjes kjo dramë është një udhëtim i brendshëm që prek çdokënd, sepse flet për atë që humbasim teksa ndjekim ëndrrat tona. Është një thirrje për të parë përtej vetes, përtej horizontit të zakonshëm.
Emocionet pas shfaqjes i kanë ndarë edhe disa nga aktorët, të cilët kanë vlerësuar bashkëpunimin me regjisorin dhe pritjen e publikut korçar.“Përtej Horizontit” do të vijojë të shfaqet edhe përgjatë kësaj të diele, duke ftuar publikun të përjetojë një vepër të rrallë mbi natyrën njerëzore dhe fatin që s’mund të shmanget./vizionplus.tv
-
Zbulohen mbetje kockash në Shpellën e Kopiles
Janë konstatuar fragmente kockore të dyshuara njerëzore në Shpellën e Kopiles në Leskovik, në brendësinë e liqenit termik që u zbulua nga çekët disa muaj më parë.
Sipas informacioneve mësohet se gjatë një ekspedite nga disa shqiptarë, janë gjetur disa fragmente kockash që dyshohet se janë njerëzore.
Këto mbetje janë zbuluar në orët e vona të mbrëmjes së djeshme dhe nga ana e policisë është ngritur grupi hetimor.Fillimisht është bërë sigurimi i vendit të ngjarjes dhe më pas po kryhen edhe veprimet e tjera hetimore nga policia dhe prokuroria e rrethit gjyqësor Korçë për zbardhjen e mëtejshme të rrethanave.
-
Gjenden mbetje kockore në Shpellën e Kopiles në Leskovik, dyshohen të jenë njerëzore
Një gjetje e rëndësishme ka tronditur Leskovikun, ku gjatë një ekspedite në shpellën e Kopiles, brenda liqenit termik të zbuluar më parë nga çekët, janë gjetur fragmente kockash që dyshohet të jenë njerëzore.
Mbetjet u zbuluan gjatë orëve të vona të mbrëmjes së djeshme nga një grup shqiptarësh, ndërsa policia ka ngritur menjëherë një grup hetimor për të siguruar vendin e ngjarjes dhe për të nisur hetimet.
Veprimet e mëtejshme po kryhen nga policia dhe prokuroria e rrethit gjyqësor Korçë, me qëllim zbardhjen e plotë të rrethanave të gjetjes.