Spektakël golash në Botëror, Belgjika shkatërron Zelandën e Re me “manita” dhe merr kreun e grupit

Belgjika ka dhuruar një shfaqje të vërtetë force në ndeshjen e fundit të fazës së grupeve në Kupën e Botës, duke mposhtur Zelandën e Re me rezultatin e thellë 5-1. Ky triumf jo vetëm që u siguroi “Djajve të Kuq” kualifikimin në raundin e 32 më të mirave, por u dha edhe vendin e parë në Grupin G falë diferencës më të mirë të golave ndaj Egjiptit. Ndeshja nisi me presion të lartë nga Belgjika, e cila kërkonte me ngulm të shmangte një tjetër eliminim të turpshëm radhazi në fazën e grupeve. Leandro Trossard rrezikoi i pari, por gjuajtja e tij u largua mbi vijën fatale nga mbrojtësi Tyler Bindon. Pak minuta më vonë, arbitri Adham Makhadmeh akordoi një penallti për Belgjikën për një prekje...