Skulptura e rrallë e Modiglianit del në ankand në Nju-Jork me vlerësim deri në 35 milionë dollarë

Një skulpturë e rrallë e artistit italian Amedeo Modigliani do të dalë në ankand në Nju-Jork në muajin nëntor, me një vlerësim prej 28 deri në 35 milionë dollarësh. Shtëpia e ankandeve Phillips synon të përfitojë nga interesimi në rritje për veprat e artistit, i cili gjatë dy viteve të fundit ka shënuar rezultate të rëndësishme në tregun evropian të artit.Skulptura Tête, e krijuar gjatë viteve 1911–1912, është punuar në gur gëlqeror dhe paraqet një fytyrë të hollë, me hundë të gjatë dhe gojë të vogël në formë buzëqeshjeje. Ajo i përket një serie kokash skulpturore të Modiglianit, veprat e së cilës sot ruhen kryesisht në koleksione të rëndësishme institucionale, përfshirë Muzeun Metropolitan të Artit në Nju-Jork dhe rrjetin e muzeve Tate.Mendohet se Modigliani krijoi...