Shtëpia e familjes Koçbashliu drejt përfundimit të restaurimit

Po i afrohen fundit punimet për restaurimin e shtëpisë së familjes Koçbashliu, e cila ndodhet në Qendrën Historike të Prizrenit. Kjo shtëpi tradicionale është një dëshmi e rëndësishme e arkitekturës së vjetër qytetare të Prizrenit. Objekti dallohet për elementet karakteristike të ndërtimit tradicional, përfshirë hajnatin dhe çardakun. Restaurimi po bëhet me synim ruajtjen e vlerave historike, arkitekturore dhe etnologjike të objektit. Përfundimi i punimeve pritet të kontribuojë në mbrojtjen e trashëgimisë kulturore dhe në ruajtjen e pamjes tradicionale të Qendrës Historike të Prizrenit. Shtëpia e familjes Koçbashliu mbetet një nga dëshmitë e rëndësishme të historisë dhe identitetit qytetar të Prizrenit./KultPlus.com