Shifra alarmuese, 100 mijë shqiptarë me diabet, 50 mijë të padiagnostikuar! Çdo vit zbulohen deri në 10 mijë raste të reja, flasin ekspertët

Diabeti është kërcënimi i heshtur i shëndetit të shqiptarëve. Një sëmundje që shpesh nis pa simptoma ose shfaqen vonë, por shkakton komplikacione të rënda, të lidhura me problemet e zemrës dhe veshkave. Nga viti 2025 trajtohen 100 mijë persona me diabet, por gati 50 mijë të tjerë nuk e dinë që kanë diabet. Çdo vit rritet me 8 mijë deri në 10 mijë raste të reja. Dhe këto shifra lidhen me plakjen e popullsisë, stresin dhe jetën sedentare.