RSF ndalon dhjetëra mjekë dhe akademikë në Sudanin perëndimor, alarmohet Rrjeti i Mjekëve

Rrjeti i Mjekëve të Sudanit deklaroi të mërkurën se Forcat e Mbështetjes së Shpejtë (RSF) kishin ndaluar “dhjetëra” profesionistë të mjekësisë dhe akademikë në qytetin al-Geneina, në Sudanin perëndimor. Në një deklaratë të publikuar në platformën X, në pronësi të kompanisë amerikane të mediave sociale, rrjeti shprehu “shqetësimin e tij të thellë lidhur me raportimet se Forcat e Mbështetjes së Shpejtë (RSF) vazhdojnë të ndalojnë dhjetëra profesionistë në qytetin al-Geneina, në shtetin e Darfurit Perëndimor”. Sipas tij, situata ngre “frikëra serioze për sigurinë dhe mirëqenien e tyre humanitare”. Sudani është përfshirë nga një luftë mes ushtrisë dhe RSF-së që prej prillit të vitit 2023. Sipas vlerësimeve të Kombeve të Bashkuara dhe atyre ndërkombëtare, konflikti ka shkaktuar vdekjen e mijëra personave dhe ka zhvendosur rreth 13...