Rreth 400 mijë euro për ndërtimin e tri fushave sportive në Mitrovicë

Ministri i Sportit dhe Rinisë, Blerim Gashani, ka nënshkruar kontratën për ndërtimin e tri fushave multifunksionale sportive në komunën e Mitrovicës, me një vlerë prej rreth 400 mijë eurosh. Fushat e reja do të ndërtohen në kuadër të shkollave në fshatrat Tuneli i Parë, Zhabar i Poshtëm dhe Bare, me synimin për të përmirësuar infrastrukturën sportive dhe për të krijuar kushte më të mira për nxënësit dhe të rinjtë e këtyre zonave. Përmes këtij investimi, Ministria e Sportit dhe Rinisë synon të ofrojë hapësira moderne dhe të përshtatshme për zhvillimin e aktiviteteve sportive dhe rekreative, duke kontribuar kështu në promovimin e sportit dhe në përmirësimin e cilësisë së jetës në komunitet./KultPlus.com