Policia heq gardhet metalike, studentët dhe pedagogët protestojnë para Kuvendit

Studentët dhe pedagogët janë vendosur përpara godinës së Kuvendit, pasi policia hoqi gardhet metalike që rrethonin zonën. Protestuesit, të mbledhur prej orës 10:00, po lëshojnë thirrje kundër klasës politike në vend. “Rama në burg, Berisha në burg!”, “Nuk na përfaqësoni!” dhe “Ju erdhi fundi!”, janë disa prej thirrjeve të tyre. Më herët, policia kishte vendosur gardhe metalike përgjatë perimetrit të Kuvendit, si masë sigurie për të parandaluar incidentet dhe sulmet e mundshme ndaj deputetëve.