Piktura “Iris” e Claude Monet shitet për 50 milionë euro në Paris

Piktura “Iris” e artistit të njohur francez Claude Monet është shitur për 50 milionë euro në një ankand të organizuar nga shtëpia e ankandeve Sotheby’s në Paris, duke vendosur rekord të ri për një vepër arti të shitur në Francë. Vepra, e realizuar gjatë viteve 1924-1925, nuk ishte ekspozuar më parë publikisht. Ajo kishte një vlerësim fillestar prej 22 deri në 30 milionë euro, por pas 45 minutash ofertash, u ble nga një koleksionist privat në Azi. Me këtë shitje, “Iris” ka tejkaluar rekordin e mëparshëm të mbajtur nga piktura “Koka e një Kariatide” e Amedeo Modiglianit, e cila ishte shitur për 43.2 milionë euro në vitin 2010. Ankandi përfshiu edhe vepra të tjera të Monetit, si dhe piktura të artistëve të njohur Paul Cézanne,...