PD mbledh Grupin Parlamentar/ Berisha: Rama ka vendosur në funksion të krimit kreun e SHISH

Partia Demokratike ka mbledhur të mërkurën Grupin Parlamentar dhe Kryesinë. Kryedemokrati Sali Berisha, e nisi fjalën e tij duke u ndalur te masa e sigurisë “arrest në shtëpi” ndaj ish-drejtueses së SHISH, Vlora Hyseni, e cila po hetohet nga Prokuroria e Posaçme në lidhje me dosjen e njohur si dosja e “AKSHI-t”. Ai e akuzoi kryeministrin Edi Rama, duke thënë se ai e ka vendosur kreun e SHISH në shërbim të krimit dhe mafies. “Shqiptarët çdo ditë njihen me një kapitull gjithnjë e më të zi të narkoshtetit të instaluar në Shqipëri.Dokumentet e fundit zyrtare gjyqësore, të cilat faktojnë se Edi Rama ka vendosur në funksion të karteleve të drogës dhe mafies, Shërbimin Informativ Kombëtar, kreun e këtij shërbimi.E krahasojnë Shqipërinë me asnjë vend tjetër në...