OBSH: Përhapet Ebola në Kongo, duhen edhe 1,600 shtretër për trajtim

Republika Demokratike e Kongos ka nevojë për 1,600 shtretër të tjerë për trajtimin e Ebolës, ndërsa shpërthimi përhapet dhe kërkesa për kujdes shëndetësor rritet me shpejtësi, tha të martën një zyrtar i Organizatës Botërore të Shëndetësisë (OBSH). Luca Fontana, zyrtar teknik në Programin e Emergjencave Shëndetësore të OBSH-së, u tha gazetarëve në Gjenevë se tashmë janë ngritur gati 1,400 shtretër në 59 qendra, nga më shumë se 900 gjatë dy muajve të parë të përgjigjes. “Ky është një nga zgjerimet më të shpejta të kapaciteteve për trajtimin e Ebolës që kam dëshmuar ndonjëherë, përfshirë edhe gjatë përgjigjes ndaj Ebolës në Afrikën Perëndimore”, tha Fontana. Ai tha se vlerësohet se nevojiten edhe 1,600 shtretër të tjerë, duke e çuar nevojën totale për kapacitet në rreth 3,000...