Nuk do të përsëritet “gabimi” që u bë me Nico Paz, Real Madrid ka vendosur që tani për rikthimin e mbrojtësit në shtëpi

26 Shtator 2026 17:11 Telesport Pavarësisht transferimeve të vazhdueshme që ka bërë për qëndrën e mbrojtjes në dy vitet e fundit, ky repart vazhdon të ketë probleme te Real Madrid. Në këtë situatë, klubi madrilen ka vendosur që tani për riblerjen e Jacobo Ramon, aktualisht pjesë e Como-s. Real Madrid ka të drejtën e riblerjes së qendërmbrojtësit 21-vjeçar në fund të këtij sezoni për shifrën 9-10 milionë euro. Ramon është kthyer në një lojtar kyç te Como, por edhe te Spanja U-21. Ndryshe nga sa veproi me Nico Paz, Real Madrid duket se ka vendosur që tani për rikthimin në bazë të qendërmbrojtësit të ri spanjoll.