Nafta “fluturon” në çmim, litri shkon në 229 lekë

Nafta dhe benzina kanë shënuar një tjetër rritje të çmimeve në vend, duke iu afruar niveleve rekord të regjistruara gjatë periudhës së luftës në Ukrainë. Në pikat e shitjes me pakicë, këtë të shtunë, një litër naftë po tregtohet nga 226 deri në 229 lekë, me një rritje prej 7 deri në 10 lekësh për litër. Edhe çmimi i benzinës ka pësuar rritje. Një litër benzinë po shitet aktualisht nga 216 deri në 219 lekë. Rritja e çmimeve të karburanteve pritet të rëndojë më tej kostot për qytetarët dhe bizneset, ndërsa çmimet po afrohen gjithnjë e më shumë me nivelet më të larta të viteve të fundit.