”Më plasi se je gazetar”, Policët e shtyjnë gjatë raportimit LIVE

Përplasjet mes policisë dhe protestuesve kanë shënuar një tjetër episod të debatueshëm, këtë herë me protagonist gazetarin Renaldo Salianji. Gjatë protestës studentore, efektivët e policisë kanë shtyrë gazetarin, ndërsa situata është tensionuar më tej nga komunikimi i drejtuesit të grupit të FNSH-së, i cili iu drejtua Salianjit me fjalët: “Më plasi se je gazetar”. Ky reagim ka ngritur pikëpyetje mbi mënyrën se si u trajtua gazetari gjatë protestës, si dhe mbi respektimin e rolit të medias në raportimin e ngjarjeve në terren.