Pranvera po afrohet dhe bashkë me të po vijnë dhe alergjitë, ja si t’i parandalojmë simptomat

Gjithçka shpesh fillon me një kruajtje të lehtë në hundë, më pas vijnë teshtimat dhe lotimi i syve. Për ata që vuajnë çdo vit nga alergjitë, këto janë shenjat e para se sezoni i polenit ka nisur. Ekspertët paralajmërojnë se vitet e fundit sezoni i alergjive jo vetëm që po bëhet më intensiv, por edhe po nis më herët dhe po zgjat më shumë. Për shumë persona kjo do të thotë të përgatiten më herët me peceta, antihistaminikë dhe masa parandaluese. Pse po rriten nivelet e polenit? Sasia e polenit në ajër gjatë pranverës ndikohet nga disa faktorë mjedisorë si temperatura, reshjet, era dhe ngrica. Temperaturat e ngrohta të tokës u japin sinjal pemëve dhe bimëve që të fillojnë prodhimin e polenit. Reshjet mund ta...