Pse plakemi më shpejt se prindërit tanë? Shkenca ka përgjigjen

Brezat më të rinj mund të po plaken biologjikisht më shpejt se paraardhësit e tyre, ndërsa në të njëjtën kohë po shtohen rastet e diagnostikimit me kancer te personat nën moshën 50 vjeç. Këtë e sugjeron një studim i publikuar në revistën shkencore Nature Medicine. Sipas hulumtimit, personat e lindur mes viteve 1965 dhe 1974 kishin një moshë biologjike më të lartë krahasuar me ata të lindur në periudhën 1950-1954. E njëjta prirje u vu re edhe te të lindurit mes viteve 1990 dhe 1999, të cilët rezultuan të plaken biologjikisht më shpejt se grupi i lindur në vitet 1965-1969. Mosha biologjike tregon nivelin e plakjes së organizmit në nivel qelizor dhe molekular dhe nuk përkon domosdoshmërisht me moshën kronologjike të një personi. “Rezultatet tona...