Nga kartolina te mesazhi i kopjuar: transformimi kulturor i urimit në epokën digjitale

Nga Alma Dema Urimi për Vitin e Ri ka qenë tradicionalisht një akt komunikimi me ngarkesë të lartë simbolike dhe emocionale. Ai përfaqësonte jo vetëm një shenjë mirësjelljeje, por një rit social përmes të cilit riafirmoheshin marrëdhëniet njerëzore, kujtesa kolektive dhe ndjeshmëria individuale. Në dekadat e fundit, ky rit ka pësuar një transformim rrënjësor si pasojë e zhvillimeve teknologjike dhe ndryshimeve në strukturën e komunikimit shoqëror. Kalimi nga kartolina e shkruar me dorë te mesazhi digjital i shpërndarë masivisht shënon jo vetëm një ndryshim mjeti, por një zhvendosje të thellë kulturore në mënyrën se si kuptohet dhe praktikohet urimi. Gati tre dekada më parë, kur unë akoma isha fëmijë, kartolina për Vitin e Ri si objekt kulturor dhe emocional, ishte një objekt ndërmjetësues më vete....