Charlotte Salomon, artistja që e ktheu jetën e saj në art para se të vritej në Auschwitz

Historia e Charlotte Salomon është një nga dëshmitë më prekëse se si arti mund të ruajë kujtesën edhe përballë tragjedive më të mëdha njerëzore. Artistja hebreje me origjinë gjermane, e cila u vra në kampin e përqendrimit Auschwitz në moshën vetëm 26-vjeçare, la pas një vepër unike që sot konsiderohet një nga krijimet më të rëndësishme artistike të Holokaustit. Charlotte Salomon lindi në vitin 1917 në një familje hebreje të shtresës së mesme në Berlin. Fëmijëria e saj ishte relativisht e qetë, derisa ardhja në pushtet e nazistëve në vitin 1933 ndryshoi rrënjësisht jetën e familjes. Pavarësisht diskriminimit ndaj hebrenjve, ajo arriti pothuajse të përfundonte studimet në Akademinë e Arteve. Në janar të vitit 1939, Charlotte u largua nga Gjermania dhe u vendos në jug...