Autorët në shënjestër të mashtrimeve me inteligjencë artificiale, ftesat joshëse fshehin kurthe financiare

Një email i shkruar me gjuhë të kuruar, lavdërime të shumta dhe premtime për më shumë vëmendje mund të duket si një mundësi e artë për një autor. Por pas këtyre mesazheve, gjithnjë e më shpesh fshihen tentativa mashtrimi që synojnë shkrimtarët përmes ftesave të rreme, festivaleve të sajuara dhe identiteteve të falsifikuara. Një rast i tillë është përshkruar nga autorja Sara Piazza, e cila mori një email nga një person që prezantohej si “Sophia Williams”. Mesazhi i premtonte një promovim më të madh për librin e saj mbi kinemanë e regjisorit Jim Jarmusch, i botuar në Londër më shumë se një dekadë më parë. Emaili ishte i mbushur me formulime tepër lavdëruese dhe përshkrime akademike të librit. Qëllimi i pretenduar ishte rritja e dukshmërisë...