Gurë, molotov e gaz lotësjellës! Policë dhe qytetarë të plaggosur, mbyllet pas 3 orësh protesta e PD, Berisha: Beteja vazhdon

Përplasje, gurë, molotov, gaz lotsjellës dhe ujë: Kjo ishte protesta e sotme kombëtare e PD-së Protesta kombëtare e Partisë Demokratike, e cila zgjati rreth 3 orë, u shoqërua me përplasje, hedhje gurësh, molotov, përdorim gaz lotsjellës dhe autobote uji. Ajo nisi rreth orës 17:00 në mënyrë paqësore, ku qytetarët qëndronin para Kryeministrisë me pankarta në duar, ndërsa folësit e zgjedhur nga PD nisën fjalimet e tyre. I pari që u ngjit në podium ishte nënkryetari i PD-së, Luçiano Boçi, i cili e cilësoi protestën historike dhe bëri thirrje që qytetarët e bashkuar të rrëzojnë gardhet dhe blindat e vendosura në Kryeministri. “Pas atyre blindave që duhet t’i shembim në çdo kusht, nuk është shteti, është frika e pushtetit. Ne duhet ta shembim këtë pushtet. Ky...