Juventusi dhe Napoli përballen sonte, Zhegrova dhe Rrahmani pritet të jenë në fushë

Juventusi dhe Napoli do të përballen sonte, me fillim nga ora 20:45, në stadiumin “Allianz”, në kuadër të javës së dhjetë të kampionatit italian, Serie A. Përballja mes dy skuadrave pritet të sjellë rivalitet dhe emocione, pasi të dyja synojnë pikët e plota për të vazhduar garën në pjesën e sipërme të tabelës. Vëmendje të veçantë në këtë sfidë pritet të kenë edhe dy futbollistët e Kombëtares së Kosovës, Edon Zhegrova dhe Amir Rrahmani. Trajneri i Juventusit, Luciano Spalletti, në konferencën e fundit për media ka lënë të hapur mundësinë që Zhegrova të jetë në formacionin titullar, ndërsa konfirmimi pritet të bëhet me publikimin e formacioneve zyrtare. Në anën tjetër, kapiteni i Kosovës, Amir Rrahmani, pritet ta nisë ndeshjen nga minuta e parë në qendër...