ISHP ngre alarmin për infeksionet respiratore, 11 mijë raste në javë dhe rikthehet A(H1N1)

FOTO ILUSTRUESE TIRANË- Rastet me infeksione respiratore po shtohen në Shqipëri, ku krahas COVID-19 ka nisur të qarkullojë edhe virusi i gripit A(H1N1). Sipas të dhënave të raportuara nga Instituti i Shëndetit Publik (ISHP) në vend regjistrohen rreth 11 mijë raste me infeksione respiratore në javë. ISHP ka identifikuar rastet e para të gripit për këtë sezon, ndërsa rritja e infektimeve përfshin si infeksionet e rrugëve të sipërme, ashtu edhe ato të rrugëve të poshtme të frymëmarrjes. Qarkullimi i njëkohshëm i disa viruseve respiratore e bën më të vështirë dallimin e tyre vetëm nga simptomat, pasi shenjat mund të jenë të ngjashme. Për këtë arsye, identifikimi i virusit mund të kërkojë vlerësim mjekësor dhe, kur është e nevojshme, testim. Në kushtet e përhapjes së virozave,...