Frikë nga protestuesit, forca të shumta të policisë ‘blindojnë’ Kryeministrinë

Forca të shumta policie janë dislokuar në zonën përreth Kryeministrisë, duke krijuar një perimetër sigurie në prag të protestës. Gazetarët e Syri-t në terren po sjellin pamje të reja nga mobilizimi i strukturave të rendit, të cilat janë angazhuara për të mbrojtur godinën e qeverisë nga protestuesit. Siç shihet edhe në pamjet e siguruara nga vendngjarja, efektivë të shumtë zbresin nga automjete të ndryshme, disa prej të cilave pa logo identifikuese të Policisë së Shtetit. Forcat janë të pajisura me mjetet e nevojshme për ndërhyrje në rast përplasjesh, ndërsa prania e tyre e shtuar ka blinduar zonën përreth Kryeministrisë. Ndërkohë, gjatë ditës janë raportuar raste të ndalimit të gjimnazistëve dhe studentëve nga forcat e rendit, në një kohë kur të rinjtë synojnë t'i bashkohen protestës....