Rritja e çmimeve të fruta-perimeve ndikon tek qytetarët e Shkodrës

Rritja e çmimeve të fruta-perimeve po rëndon xhepat e qytetarëve shkodranë. Më të prekur nga kjo situatë janë pensionistët, për shkak të pensioneve të ulëta që nuk përballojnë shpenzime shtesë. Qytetarët shprehen se çmimet kanë pësuar rritje ditët e fundit dhe blerja e produkteve të ndryshme është bërë e papërballueshme në tregjet e Shkodrës. Për këtë, ata fajësojnë shtetin dhe kërkojnë ndërhyrje për të stabilizuar situatën. Nga ana tjetër, edhe tregtarët ndjejnë pasojat e rritjes së çmimeve. Shumë prej tyre raportojnë rënie të fuqisë blerëse të qytetarëve, që ka sjellë ulje të shitjeve dhe vështirësi për të mbajtur bizneset. Kjo situatë kërkon vëmendje nga autoritetet për të gjetur zgjidhje që të ndihmojnë qytetarët dhe tregtarët njëkohësisht.