Dy gra dënohen me vdekje për pjesëmarrje në protesta në Iran

Dy gra janë dënuar me vdekje në Iran për përfshirjen e tyre në protestat antiqeveritare në janar. Të dy gjyqet kishin të bënin me incidente në qytetin e Isfahanit, njoftoi të hënën organizata me seli në Norvegji, Iran Human Rights (IHR). OJQ-ja u ankua se avokatëve të të pandehurve nuk u ishte dhënë qasje në një pjesë të madhe të dosjeve të çështjes dhe nuk u ishte dhënë kohë e mjaftueshme për të shqyrtuar dokumentet dhe provat. Njëzetvjeçarja Taraneh Rahimi u dënua me vdekje së bashku me nëntë burra për incidentet në një shesh të Isfahanit në të cilat u vranë dy persona, përfshirë një anëtar të forcave të sigurisë, sipas organizatës amerikane për të drejtat e njeriut HRANA. Të pandehur të tjerë, përfshirë motrën...