Lajmidites.com

Category: Politikë

  • “Unë i sfiduar? Mos e pyet…”, Berisha sulmon Salianjin: Tradhtarët që i shkuan në takim, do japin llogari!

    “Unë i sfiduar? Mos e pyet…”, Berisha sulmon Salianjin: Tradhtarët që i shkuan në takim, do japin llogari!

    Kreu i PD Sali Berisha ka folur për takimet e Salianjit. Berisha u shpreh se nuk janë asgjë tjetër, veçse një agjendë personale.
    Kreu i PD, theksoi se nuk ndjehet aspak i sfiduar ndërsa paralajmëroi se çdo person që zgjodhi turizmin në kohë fushate do të japë llogari.
    “S’ka mashtrim më të madh, pasi para jush dhe të gjithë shqiptarëve, militant demokrat këto katër vite ka votuar sa kurrë më parë. Unë i sfiduar? Mos e pyet… Ai po ndjek një agjendë personale dhe kaq. I përgëzoj anëtarët dhe demokratët e Durrësit që i braktisën. Aty ishin një grup të pakënaqurish. Kishte të tjerë që punuan për PS dhe kanë frikë se do t’u dalë. Do të dalë. Ndaj duhet analiza në parti. Ata që i kanë tradhtuar militantët, ata do të japin hesap para strukturave. Nuk po paralajmëroj…Llogaridhënie po sigurisht që e paralajmëroj. I garantoj që do ketë llogaridhënie të plotë nga të gjitha strukturat. Agjenda private, disa prej tyre që njoha sepse pashë individë që ia kanë mbathur në fushatë për turizëm”, u shpreh kreu i PD Sali Berisha.

  • Spiropali në Vjenë për Këshillin Ministror të OSBE, në fokus arkitektura e sigurisë europiane

    Spiropali në Vjenë për Këshillin Ministror të OSBE, në fokus arkitektura e sigurisë europiane

    Ministrja për Europën dhe Punët e Jashtme Elisa Spiropali ndodhet në Vjenë për Këshillin e 32-të Ministror të OSBE-së që po mbahet në Pallatin Hofburg.
    Spiropali u mirëprit nga Kryesuesja e OSBE dhe Ministrja e Jashtme e Finlandës, Elina Valtonen.
    Ky Këshill përkon me Kryesinë e Finlandës të OSBE dhe me 50 vjetorin e Aktit Final të Helsinkit që solli në jetë Organizatën për Siguri dhe Bashkëpunim.

    Në fokus të Këshillit do të jenë parimet që qëndrojnë në themel të sigurisë europiane: barazia dhe integriteti territorial, zgjidhja paqësore e mosmarrëveshjeve, respekti për të drejtat e njeriut.
    Në këtë kontekst, në zemër të diskutimeve do të jetë shkelja flagrante e këtyre parimeve nga agresioni rus ndaj Ukrainës.
    Një vëmendje të veçantë do të marrë përgatitja e OSBE-së për sfidat e së ardhmes, prioritet ky i Kryesisë finlandeze, ndërkohë që Ministrja e Jashtme e Shqipërisë do të theksojë angazhimin e vendit për paqen, stabilitetin dhe sigurinë rajonale.
    Në margjinat e Këshillit Ministror, Spiropali do të takohet me Zyrtarin e Lartë të Departamentit Amerikan të Shtetit për Çështjet Europiane, Brendan Hanrahan, për thellimin e mëtejshëm të bashkëpunimit në kuadër të partneritetit strategjik Shqipëri-SHBA.
    Gjatë ditës, Ministrja e Jashtme do të marrë pjesë në tryezën e Ministrave të Jashtëm të nismës “Miqtë e Ballkanit Perëndimor”, me ftesë të Ministres së Jashtme austriake, Beate Meinl-Reisinger. Në takim do të marrin pjesë edhe Zëvendës Presidentja e Komisionit Europian dhe Kryediplomatja europiane Kaja Kallas, si dhe Komisionerja për Zgjerimin e BE, Marta Kos.
    Spiropali pritet të zhvillojë disa takime bilaterale me homologët nga Rumania, Armenia dhe Gjeorgjia, si dhe me zyrtarë të lartë të OSBE-së./vizionplus.tv

  • “Ju ka ardhur fundi, bashkëpunoni me drejtësinë”, debat Balla-Shehaj! Kreu i Grupit të PS: Laje gojën dhe bëj gargar me ujë të kripur Vlore

    “Ju ka ardhur fundi, bashkëpunoni me drejtësinë”, debat Balla-Shehaj! Kreu i Grupit të PS: Laje gojën dhe bëj gargar me ujë të kripur Vlore

    Deputeti i “Partisë Mundësia” Agron Shehaj ka debatuar me kreun e Grupit Parlamentar të PS-së, Taulant Balla gjatë seancës së sotme plenare. Shehaj i tha mazhorancës se “u ka ardhur fundi” dhe “duhet të bashkëpunojnë me drejtësinë”, ndërsa Balla i kërkoi që të flasë me kujdes kur përmend emrin e tij.
    Agron Shehaj: ‘Unë nuk flas keq për gjykatësit dhe prokurorët’ thotë Taulant Balla. S’ia mban Taulantit se ka frikë se përfundon si të tjerët. Nuk e shmangni dot daljen para drejtësisë. Ky është një ndryshim historik. Dilni dhe bashkëpunoni me drejtësinë sepse ju ka ardhur fundi.
    Taulant Balla: Kur të përmendësh emrin tim, laj gojën, por bëje gar-gar me ujë të kripur Vlore se po u pendua Lul Basha do tregojë se sa para i ke dhënë për të marrë mandatin në 2017. Kujdes se mos të bën të penduarin Luli.

  • Foltoret e Salianjit, Berisha: Agjendë personale, le ta vazhdojë sa të ketë qejf

    Foltoret e Salianjit, Berisha: Agjendë personale, le ta vazhdojë sa të ketë qejf

    Kreu i Partisë Demokratike Sali Berisha ka komentuar këtë të enjte foltoret që ka nisur të mbajë ish deputeti Ervin Salianji.
    Në një deklaratë për mediat, Berisha e quan një agjendë personale këto lëvizje, teksa shtoi se si anëtar Kryesie që është, ta vazhdojë foltoren e tij për sa kohë të dojë.
    “Është një anëtar kryesie, i cili ka një axhendë personale, i uroj ta vazhdojë sa të ketë qejf.

    I përgëzoj strukturat e Durrësit që nuk u mashtruan nga një takim me axhendë strikt private.
    Të deklarosh se militanti demokrat nuk dëgjohet, nuk ka mashtrim më të madh se para jush dhe të gjithë shqiptarëve, këto katër vite militanti demokrat ka votuar sa kurrë në ekzistencën e tij. Dhe vota është mënyra më e mirë e dëgjimit.
    Pra, të zgjedhësh një axhendë personale, është një zgjedhje, të cilën unë nuk kam asnjë kundërshtim. Ai po ndjek një axhendë personale dhe kaq. Të vazhdojë me axhendën e tij personale”, tha Berisha./vizionplus.tv

  • Për ‘mort’ në PS, nuk bëhen homazhe në PD

    Për ‘mort’ në PS, nuk bëhen homazhe në PD

    Nga Basir Çollaku

    Kur në qeverisjen e Edi Ramës ka rënë morti i të pandehurve, Balluku në vjedhje është dera e hapur për te shefi, duket se ai ka nevojë të zhvendosë homazhet matanë gardhit të vakisë së tij.

    PD është jo parti rreshti. Po të numërosh partitë e reja të krijuara nga ish-funksionarë të PD, më pas shumica të rikthyer pas peligrinazhit të përkohshëm, duket se mëson shumë për lindjen, jetën, formën dhe përmbajtjen e kësaj partie. E lindur si opozitare e të shkuarës, por pa i shpëtuar zgjatimit dëmtues e disa herë diktues, të kësaj kohe, rrotull dhe brenda saj. Me Edi Ramën KM, si përfaqësues-themeluesi i Shqipërisë Narco-shtet, PD u përball me të keqen dhe mëkatin. Kandidatët fitues në politikë u bënë ata me këmbë mbi drogë, krim, korrupsion. Me një qeveri në burg PD duhej të kishte një rezultat fitues. Ndërkombëtarët thanë se Krimi ndikoi në zgjedhje. Pra Rama.

    Po zhvillimet në PD?!

    Basha pati mbështetjen ekstreme të Berishës e të demokratëve. Nuk i mjaftoi. Sepse flirtoi me mëkatin dhe vende vende me kundërshtarin. Ndodhi siç nuk duhej. Pasojat e zallamahisë së brendëshme morën tre vite dhe disa humbje therëse elektorale. U prodhua një 8 janar dështues, pikë ku ndarjet e nxehta, i bashkuan vetëm interesat e ftohta, e jo idealet. Berisha anoi nga fjalëmbajtja e kodeve mes palëve për bashkim dhe toleroi me tepri e me kosto të hidhur në përfaqësim. Ndryshimet në PD, idetë, njerëzit, përballjet, vota, kanë vluar por nuk kanë përcaktuar.

    Ka opozitarë e ofiqarë në PD ndër mote, e të rinj, me sukses befasues ekonomik. Rrezatim ky,  jo nga magjia e tregut, por nga syshkeljet me dovletin. Sot në PD ka zemëratë ndaj Ramës e banditëve të tij. Ka depresion shprese. Ka pakënaqësi në rritje ndaj lidershipit. Ka të votuar jashtë mandateve dhe të pavotuar brenda tyre. Duhen emra me besueshmëri e kontribut. Mos zeqinizojmë PD. Kufizimi i mandateve nuk është herezi por shëndet. Në shkurt zgjedhjet janë afat statutor. Minifushatat e brendshme, kafeteritë lëvizëse, janë një normalitet dhe ngjarje. Nuk mbyllen as sy as veshë. Kërkuesit e dinë se utopia nuk udhëton me ta. Por duhet që në PD, të bindur e të pabindur, kushdo flet për hatër e interes të demokratëve, kjo ka doza hipo-ironie se ngjan me refrenin në emër të popullit, të jetë transparent me veten në çdo sekondë e minutë politik. Grupet e interesit janë ushtrim ndikimi.

    Ka grupe kriminale e biznese gri, që po ikin nga Rama se nuk duan të shemben me shembjen e tij të padiskutueshme dhe varrosëse. Ata po kërkojnë shtëpi të re. Edhe me leje të Ramës mbase. Kujdesi nuk bën dëm kurrë. Shkujdesja po. Nëse politikanë të vjetër e të rinj keni futur një dorë në xhepat e tyre, nuk keni kokërr takati t’u vini dorën tjetër në fyt për t’i ndëshkuar nesër ligjërisht. Shenjat nuk janë lajme entuziaste aq sa teknologjia mediatike i sheqeros..Përtej oqeanikëve nga gatuhet moti në gadishullin tonë, 2026-a, do të ketë reshje të shumta politike, majtas dhe djathtas…

  • “S’ia mban Taulantit”/ Shehaj përplaset me Ballën në Kuvend, deputeti socialist: Laj gojën para se të më përmendësh…

    “S’ia mban Taulantit”/ Shehaj përplaset me Ballën në Kuvend, deputeti socialist: Laj gojën para se të më përmendësh…

    Një përplasje ka ndodhur në Kuvend këtë të enjte mes Agron Shehajt dhe Taulant Ballës.

    Shehaj kërkoi interpelancë me kryeministrin Rama dhe u ndal te kreu i Grupit të PS-së, duke thënë: “Del Taulant Balla dhe thotë: ‘Pyesni ChatGPT’. Taulant Balla thotë që s’flet keq për gjykatësit dhe prokurorit. S’ia mban Taulantit. E keni të kotë. Ky është një ndryshim historik”.
    Pas kësaj, Balla iu kthye Shehajt, duke u shprehur se: “E dëgjoj shpesh këtë deputetin që për t’u bërë interesant në rrjetin e tij social bërtet dhe kujton se është interesant dhe kur ia fut kot. Ti kur të përmendësh emrin tim, laje gojën dhe bëje gargarën me ujë të kripur Vlore”.

  • “Belinda i iku interpelancës, por përfundoi më keq”/ Agron Shehaj-mazhorancës: Duhet të jepni llogari

    “Belinda i iku interpelancës, por përfundoi më keq”/ Agron Shehaj-mazhorancës: Duhet të jepni llogari

    Kreu i Partisë Mundësi, Agron Shehaj në fjalën e tij në Kuvend ka ngritur shqetësimin për skandalin “Balluku”. Ai theksoi se prej dy muajsh ka kërkuar interpelancë me ish-zëvendëskryeministren Belinda Balluku dhe asnjëherë nuk u mor parasysh.
    Shehaj nënvizoi se nuk bëhet fjalë për çështje të përveçme, por ka ardhur koha që mazhoranca të japë llogari.
    “Nuk e di, zoti kryetar, se si do ta zgjidhim këtë problem të mohimit të interpelancës. Kam 2 muaj që kam kërkuar interpelancë me ministren Balluku, por tani ajo nuk është më ministre. I shpëtoi interpelancës, por përfundoi edhe më keq, sepse tani kam interpelancë me kryeministrin. Unë e kuptoj që doni të shmangni përgjegjësinë, por nuk shpëtoni dot. Ju thatë se shpëtuat kur u arrestua Veliaj, por nuk mbaroi aty; shkuat te Balluku dhe tani po shkon tek Mirlinda. Nuk ka më – duhet të jepni llogari.
    Rama çdo ditë kërcënon me broçkulla. Tani ka nisur edhe ministri i drejtësisë me postime, duke folur për ndarje pushtetesh. Kujtohet që ka bërë një takim me një ministër italian para 2 muajsh. Ju ka ardhur fundi.”, tha Shehaj.

  • ‘Nuk ka më maxhorancë’, Topalli në Kuvend: Treçereku i qeverisë s’është më në karrige

    ‘Nuk ka më maxhorancë’, Topalli në Kuvend: Treçereku i qeverisë s’është më në karrige

    Deputetja Jozefina Topalli hodhi akuza ndaj qeverisë teksa tha se në 3 muaj është “përmbysur” për shkak të korrupsionit. Në Kuvend, ajo iu drejtua kryetarit të Kuvendit, Niko Peleshi, duke i thënë se po drejton një seancë me një qeveri të deligjitimuar.
    “Nuk mund të bëjmë se në çfarë realiteti po jetojmë. Ju drejtoni një seancë ku një qeveri është zhytur kokë e këmbë në skandale, Treçerekët e qeverisë s’i keni më në karrige. Drejtoni një seancë me një qeveri të deligjitimuar moralisht, politikisht dhe publikisht. Në kushte kur qeveria është vetë krizë, rrezikojmë shtetin. Kërkojmë që të jeni të përgjegjshëm për situatën ku ndodhemi se nuk keni më maxhorancë. Për 3 muaj është përmbysur çdo gjë. Është përmbysur nga pesha e jashtëzakonshme e turpshme e korrupsionit.”, tha ajo.

  • Klevis Balliu denoncon në “Domani” aferën “Kayo”: Modeli Rama-Balluku, kapje totale e shtetit

    Klevis Balliu denoncon në “Domani” aferën “Kayo”: Modeli Rama-Balluku, kapje totale e shtetit

    Klevis Balliu ka denoncuar zyrtarisht në median prestigjioze italiane “Domani” aferën Kayo, një nga skandalet më të rënda që ekspozon qartë kapjen totale të shtetit nga regjimi Rama-Balluku.
    Në deklaratën e tij për median ndërkombëtare, Balliu thekson se kjo aferë nuk është një rast i izoluar, por është model qeverisës i ndërtuar mbi korrupsion, klientelizëm dhe zhvatje sistematike të qytetarëve shqiptarë.
    Balliu nënvizon se dokumentet e zbuluara nga prokuroritë europiane, së bashku me faktet e paraqitura tashmë publikisht, tregojnë një skemë të strukturuar ku fondet publike devijohen drejt interesave private të rrjetit Rama-Balluku. Sipas tij, kjo aferë është vetëm maja e ajsbergut e një modeli të kalbur që po e çon Shqipërinë drejt humbjes së kontrollit institucional.
    Duke folur për “Domani”, Balliu theksoi se është jetike që partnerët ndërkombëtarë të kuptojnë seriozitetin e situatës dhe rrezikun që paraqet kjo qeveri për sigurinë, ekonominë dhe stabilitetin e vendit. Ai paralajmëroi se çdo vonesë në reagim vetëm sa e thellon krizën dhe e bën më të kushtueshme rikthimin e shtetit te qytetarët.

  • Balla ‘thumbon’ Shehajn: Po u pendua Basha, do tregojë sa lekë i ke dhënë për mandatin…

    Balla ‘thumbon’ Shehajn: Po u pendua Basha, do tregojë sa lekë i ke dhënë për mandatin…

    Një përplasje ka ndodhur në Kuvend këtë të enjte mes Agron Shehajt dhe Taulant Ballës.
    Shehaj kërkoi interpelancë me kryeministrin Rama dhe u ndal te kreu i Grupit të PS-së, duke thënë: “Del Taulant Balla dhe thotë: ‘Pyesni ChatGPT’. Taulant Balla thotë që s’flet keq për gjykatësit dhe prokurorit. S’ia mban Taulantit. E keni të kotë. Ky është një ndryshim historik”.
    Pas kësaj, Balla iu kthye Shehajt, duke u shprehur se: “E dëgjoj shpesh këtë deputetin që për t’u bërë interesant në rrjetin e tij social bërtet dhe kujton se është interesant dhe kur ia fut kot. Ti kur të përmendësh emrin tim, laje gojën dhe bëje gargarën me ujë të kripur Vlore. Se po u pendua Lul Basha, do tregojë sa para i ke dhënë për të marrë mandatin në 2017”.