Lajmidites.com

Category: Politikë

  • Begaj bëhet palë ‘me heshtje’ me Ramën: Le të futet në fuqi ligji ‘woke’ i axhendës Soros

    Begaj bëhet palë ‘me heshtje’ me Ramën: Le të futet në fuqi ligji ‘woke’ i axhendës Soros

    Ligji “Për barazinë gjinore”, i njohur ndryshe si ligji i axhendës ‘woke’ të Soros, që njeh disa gjini dhe jo dy, ka hyrë zyrtarisht në fuqi, pasi Presidenti i Republikës, Bajram Begaj, nuk e dekretoi brenda afatit kushtetues, por as e ktheu në Parlament.

    Dokumenti, i miratuar në Kuvend më 6 nëntor me 77 vota të socialiatëve dhe 36 kundër, kaloi automatikisht pas skadimit të afatit, duke u konsideruar i miratuar “në heshtje”.

    Deputetë të opozitës i kërkuan presidentit të mos i vinte firmën. 

    Kundërshtisë iu bashkuan edhe komunitete fetare dhe organizata të shoqërisë civile, të cilat e cilësuan ligjin si të papërshtatshëm duke kundërshtuar përkufizimin e gjinisë në më shumë se dy. 

    Me mosveprimin e tij, Bajram Begaj, lejon kështu hyrjen automatikisht në fuqi të ligjit, procesi institucional për këtë çështje konsiderohet i mbyllur.

  • SYRI TV/ Joseph në Syri TV: SHBA e shqetësuar për reformën në drejtësi dhe arrestimin e liderëve të opozitës

    SYRI TV/ Joseph në Syri TV: SHBA e shqetësuar për reformën në drejtësi dhe arrestimin e liderëve të opozitës

    Pak ditë pas dëshmisë së tij në Kongresin amerikan, eksperti i njohur amerikan Eduart Joseph deklaroi në një intervistë ekskluzive për Syri TV se Shtetet e Bashkuara janë të shqetësuara për arrestimin e figurave kryesore të opozitës në kontekstin zgjedhor. Ai foli për problemet e shfaqura pas miratimit të reformës në drejtësi ku theksoi se stoku i çështjeve u mohon qytetarëve një proces të drejtë ligjor. Joseph tha se krimi i organizuar dhe droga në Shqipëri dhe rajon janë problem madhor për Shtetet e Bashkuara të Amerikës dhe theksoi se në Shqipëri shteti i së drejtës është në pikëpyetje.

     

    SYRI TV

     

    Eksperti i njohur amerikan Eduart Joseph ka rikonfirmuar deklaratat e tij të forta për Shqipërinë para Komitetit për Politikën e Jashtme në Kongresin amerikan. Në një intervistë ekskluzive për Syri TV, Joseph tha se Shtetet e Bashkuara të Amerikës janë të shqetësuara për problemet e shfaqura pas miratimit të reformës në drejtësi, që nga stoku i çështjeve të cilat u mohojnë qytetarëve të drejtën e një procesi të drejtë ligjor e deri te arrestimet e figurave qendrore të opozitës në kontekstin zgjedhor.

     

    Joseph u ndal edhe te çështja e rënies së pluralizmit politik në Shqipëri ku theksoi se qeveria duhet të japë llogari dhe të mbahet përgjegjëse prej opozitës. Ai e cilësoi si shumë profesional raportin e OSBE/ODIHR për zgjedhjet e 11 majit i cili evidentoi se gara nuk ishte e barabartë mes palëve dhe një sërë shkeljesh të tjera, dhe identifikoi ndërhyrjet e qeverisë në procesin zgjedhor.

     

     

     

  • Alimehmeti zbulon takimin me Berishën pas kafes me Salianjin: Për çfarë e përgëzova Doktorin

    Alimehmeti zbulon takimin me Berishën pas kafes me Salianjin: Për çfarë e përgëzova Doktorin

    Ish-kandidati për deputet i Partisë Demokratike, Ilir Alimehmeti, ka rrëfyer se është takuar me kryedemokratin Sali Berisha, pas kafes që konsumoi me Ervin Salianjin dhe eksponentë të tjerë të kësaj force politike.
    Komentet Alimehmeti i bëri në studion e emisionit ‘ÇdoKënd’ me gazetaren Merita Haklaj në A2 CNN, ku tha se gjatë takimit e përgëzoi Berishën që kishte vendosur të dilte në terren për t’u takuar me demokratët.
    Alimehmeti ripërsëriti gjithashtu se lëvizja e organizuar nga Salianji dhe kolegë të tjerë demokratë nuk ka për qëllim pozicionin e kryetarit të PD-së.
    “Nuk ka asnjë nga këto lloj takimesh që nuk ia do të mirën PD-së. Doktor Berisha është kryetar i PD-së. Unë mendoj se është një moment shumë i mirë edhe për të për ta integruar këtë lloj energjie brenda partisë, sepse e kemi të nevojshme, ndryshe do kemi më pak mbështetje.
    E kam takuar Berishës edhe sëfundmi. Ne e kemi emëruesin e përbashkët të njëjtë. Sepse s’do thoja që është kryetari im dhe unë e mbështes, nëse ne i kemi mendimet ndryshe. Nuk do isha në atë forcë politike përndryshe, nuk do shkoja aty në ditën e tij më të keqe.
    Në takim Berishës i shpreha vlerësimin për faktin që po del në terren. Akoma nuk kishte filluar. Shumë mirë që del në terren, do i dëgjosh vetë njerëzit. Takimi me Berishën ishte pas kafes”, tha mes të tjerash Alimehmeti.

  • “Nuk bëhet analizë me Nokën”, Beqiri: Albana Vokshi, pronare e ish-Ekspozitës me dokumente false!

    “Nuk bëhet analizë me Nokën”, Beqiri: Albana Vokshi, pronare e ish-Ekspozitës me dokumente false!

    Avokat Idajet Beqiri ka deklaruar në emisionin ‘3D’ të Alban Dudushit në RSTH1 se Partia Demokratike duhet ta bëjë analizën në bazë por një analizë të tillë nuk mund ta realizojë me eksponentët politikë si Flamur Noka dhe Albana Vokshi.
    Ai vuri në dukje se Partia Demokratike, duhet t’u hapë rrugën të rinjve.
    “Analiza nuk vjen nga lart, analiza vjen nga poshtë dhe që të vijë analiza nga poshtë të diskutojë problemet dhe debatet por jo me Saliun. Të vijë Saliu aty. Nuk është analiza për të, ka deputetë, ka të deleguar, ka Këshill Kombëtar etj., dhe të përplasen gjërat. Këtu bëhet debati dhe thotë që; do ecim me sekretar të përgjithshëm, Flamur Nokën, po s’bëhet sa të jetë jeta kjo parti. Pse nuk bëhet? Sepse ia numërojnë, ça problemesh ka ai me ligjin etj. Albana Vokshi, po s’bëhet sepse është e korruptuar. Nuk bëhet as me atë naftën që i ka marrë Shqipërisë, as me ish-ekspozitën ‘Shqipëria sot’ që e mori me falsifikime dokumentesh, se do dalë tani nga vendimet e Gjykatës së Lartë. Ça duhet? Duhen djemtë e rinj”, tha Beqiri.
    Avokat Beqiri theksoi më tej se Berisha ka minuar themelet në Partinë Demokratike dhe nuk lejon instalimin e një fryme në këtë forcë politike.
    “Arkitekti juaj është minusi i ‘Romës’. Është minusi i themeleve tuaja. Ai u ka lënë një trashëgimi dhe këtë trashëgimi të rëndë që u ka lënë juve, sado të lufton i ju do të përshtateni siç kanë bërë të tjerët. Ka pasur shumë të rinj aty, në vend që të sillni frymën e re, u dha Berisha frymën e vjetër atyre.
    Për rrjedhojë ngarkesa që ju ka lënë ai ju nuk bëheni më. Me atë ngarkesë që ka Partia Demokratike, duke filluar me prillin e Shkodrës, me majin e 1996-s, duke filluar me grushtin e shtetit, me firmat piramidale që e rrëzoi shtetin, duke filluar me Gërdecin dhe me 21 janarin, është një barrë e jashtëzakonshme. Pastrojeni veten nga këto”, u shpreh më tej Beqiri.

  • Familjarët e Erjon Bobës: Gjatë operimit në spitalin e Durrësit ikën dritat

    Familjarët e Erjon Bobës: Gjatë operimit në spitalin e Durrësit ikën dritat

    Familjarët e Erjon Bobës: Gjatë operimit në spitalin e Durrësit ikën dritat
    Familjarët e 15-vjeçarit Erjon Boba, i cili ndërroi jetë dje pas gjashtë ditësh trajtimi në Spitalin Universitar ‘Nënë Tereza’ në Tiranë, kanë treguar detaje të rënda për kushtet e renda në Spitalin e Durrësit, ku adoleshenti u operua fillimisht pas plagosjes me thikë.
    Sipas familjarëve, gjatë ndërhyrjes kirurgjikale në Durrës është ndërprerë energjia elektrike, duke e detyruar stafin mjekësor të ndërpresë operacionin dhe të kërkojë transport urgjent drejt Tiranës. Ata thonë se kjo situatë, bashkë me mungesën e infrastrukturës spitalore, përfshirë ashensorin për emergjencat, ka ndikuar rëndë në përkeqësimin e gjendjes së të miturit.
    Në spitalin e Durrësit, turp i Zotit, iknin dritat, prandaj e çuan në Tiranë urgjent. Gjendja e djalit u përkeqësua, sepse e kemi mik shtëpie dhe jemi në dijeni të çdo gjëje.
    Po. Kjo ka ndodhur vërtet. Si në mesjetë. Operim pa drita, por çdokush do të mbulojë diçka, që nga vrasësit, policia, spitali, media, të gjithë gënjejnë se nuk kanë qenë aty. Për 5 ditë, askush. Mjekët aty janë munduar, por kushtet janë fatale, as ashensor nuk kishte për emergjencat’, u shpreh halla e të ndjerit në një prononcim për JOQ.
    Familjarët kërkojnë hetim për neglizhencë dhe mungesë të kushteve bazë, duke akuzuar institucionet për ‘heshtje dhe mbulim të së vërtetës’. Ata shprehen se për pesë ditë me radhë askush nga autoritetet nuk ka dhënë sqarime për situatën në spital.
    Konflikti që çoi në vdekjen e Erjon Bobës ndodhi më 25 nëntor, jashtë shkollës ‘Dom Nikollë Kaçorri’ në Durrës. Sherri kishte nisur pas ofendimeve në rrjete sociale mes Bobës dhe një 14-vjeçari me inicialet M.K., që më pas u përshkallëzua në një takim për ‘sqarim’ pranë shkollës.
    Gjatë përplasjes, 14-vjeçari e goditi katër herë me thikë bashkëmoshatarin e tij, duke e plagosur rëndë në gjoks, pranë zemrës. Fillimisht ai u dërgua në Spitalin e Durrësit, e më pas në QSUNT, ku qëndroi në kujdes intensiv për disa ditë, por nuk mundi t’i mbijetojë plagëve të marra.

  • Gjokutaj: Një KM që pret të huajt dhe përzë popullin e tij është tradhtar!

    Gjokutaj: Një KM që pret të huajt dhe përzë popullin e tij është tradhtar!

    Gjokutaj: Një KM që pret të huajt dhe përzë popullin e tij është tradhtar!
    Avokati Genc Gjokutaj ka reaguar përmes një postimi në rrjetin social Facebook, ku shprehet kundër njoftimeve për hapjen e rreth 20 qendrave të pritjes për të huajt emigrantë në Shqipëri. Në deklaratën e tij, Gjokutaj e cilëson këtë nismë si “politikë antikombëtare” të Kryeministrit dhe qeverisë.
    Sipas tij, vendimi “nuk ka në bazë humanizmin, por interesin personal të Kryeministrit për të siguruar mbështetje nga BE me qëllim mbajtjen e pushtetit”. Ai akuzon se qeveria “pret të huajt dhe përzë popullin e saj”, duke e quajtur këtë qëndrim tradhëti.
    Gjokutaj e lidh këtë çështje edhe me atë që ai e përshkruan si “projekt i Sorros”, duke përmendur figura historike serbe dhe duke e interpretuar si pjesë të një qasjeje më të gjerë politike në rajon. Në reagimin e tij, ai përmend gjithashtu marrëdhëniet mes Kryeministrit Rama dhe presidentit serb Aleksandar Vuçiç.
    Avokati thekson se “kombi, territori dhe gjuha janë elementë jetikë për një vend” dhe shprehet se këto janë sot në rrezik nga vetë qeveria shqiptare. Postimin e mbyll me vargje të Naim Frashërit, duke bërë thirrje ‘për të mos u bërë tradhëtorë”.
    Gjokutaj:
    Lajmi për hapjen e 20 qendrave te pritjes se te huajve emigrantë në Shqipëri është prova e cila provon politikën antikombëtare të KM dhe Qeverise që ai drejton!Ky veprim nuk ka në bazë humanizmin por interesin personal të KM dhe bandës së tij për të patur mbështetje nga BE me qëllim mbajtjen e pushtetit me çdo çmim!
    Një KM që pret të huajt dhe përze popullin e tij duke shpopulluar Shqipërinë është tradhëtar!Shpopullimi i Shqipërisë dhe popullimi i saj me të huaj është pjesë e projektit të Sorros projekt i cili është paraprirë në vitet ‘30 nga Ministri serb famëkeq Vasa Çubriloviç e gjatë luftës së Kosovës nga Vojislav Sheshelj!
    Tek ky akt antikombëtar e ka origjinën edhe miqësia e ngushtë e KM Rama me Presidentin e Serbisë Aleksandar Vuçiç!Kombi, territori dhe gjuha janë elementët bazë dhe jetikë për ekzistencën e një vendi!
    Ato sot janë në rrezik jo nga të huajt por nga vete KM i Shqipërisë dhe Qeveria e tij! Sepse jemi rasti unik në botë kur një njeri ve popullin dhe shtetin kolateral vetëm për “bythën” e tij!Sa më shpejt të largohen këta shqipfolës aq më shpejt do të mëkëmbet Shqipëria!Naimi i madh pat shkruar për këtë tarikat që nuk i ka munguar Shqipërisë së pafat:
    …Hiqni dorë, hiqni dorëMblithni mënt’ e turpërohiMos u bëni trathëtorëSe pastaj do të pendohi!

  • Shqipëria, rekord në rajon për çmimin e rrugëve/ Projektet me kosto të fryra dhe cilësi të dobët

    Shqipëria, rekord në rajon për çmimin e rrugëve/ Projektet me kosto të fryra dhe cilësi të dobët

    Në fushatën zgjedhore të vitit 2013, kryefjalë e Partisë Socialiste ishte shëndetësia falas, mbështetja sociale, pensionet më të larta dhe ulja e papunësisë. Vetëm një gjë s’ishte prioritet: rrugët.

    Investimet në infrastrukturën rrugore gjatë mandatit të parë socialist ishin të ulëta, aq të ulëta sa edhe segmente për të cilët kishte nisur puna ose ishin në përfundim, u braktisën dhe u përfunduan jashtë çdo afati normal.

    Rruga Tiranë–Elbasan, prej 32 kilometrash dhe me një vepër arti të vështirë siç është tuneli i Krrabës, arriti të përfundojë në mars të vitit 2019, duke marrë në total 9 vite, 6 prej të cilave të qeverisjes socialiste. Kostoja për rrugën u dyfishua duke arritur në fund vlerën 400 milionë euro, edhe pse tuneli kishte përfunduar që në fazat e para.

    Edhe në Rrugën e Kombit, në vitin 2013 ishin të përfunduara 114 kilometra, ndërsa kishin mbetur ende punime për segmentin e fundit që lidh Kukësin me Morinën, bashkë me ndërtimin e urës metalike. Punimet përfunduan ekzaktësisht 1 vit më parë.

    Bypass-i i Fierit, një aks prej 22 kilometrash, përfundoi në vitin 2020. Punimet kishin nisur që gjatë qeverisjes së demokratëve, por u zvarritën derisa u zgjidh çështja me prishjen e kontratës me kompaninë kontraktore Serenissima.

    Njësoj edhe për Bypass-in e Vlorës; punimet rinisën në vitin 2018 dhe akoma nuk kanë përfunduar tërësisht, edhe pse rruga është inauguruar disa herë.

    Historia është e ngjashme edhe me aksin e Unazës së Madhe, i cili u braktis tërësisht gjatë mandatit të parë të qeverisë Rama. Fat të ngjashëm patën edhe projektet për rrugë të reja, në një kohë kur një vend i pazhvilluar si Shqipëria kishte nevoja jetike për investime në lidhje infrastrukturore me Europën — në rrugë, hekurudha, porte e aeroporte.

    Në vitin 2017 qeveria prezanton projektin “1 billion investments”, i cili parashikonte të ofronte investime në infrastrukturë në vlerën 1 miliard euro nga sektori privat, të cilat më pas do të shlyheshin me këste nga buxheti i shtetit pas kryerjes së 30% të punimeve.

    Pra, këtu po flasim për projektet e famshme Public Private Partnership, ose shkurt PPP-të.

    Vetëm për ndërtimin e 127 kilometrave, buxheti angazhohej të paguante 1.25 miliard euro për 4 segmente:
    • Rrugën e Arbrit
    • Thumanë–Kashar
    • Porti i Jahteve – Dukat – Orikum
    • Milot–Balldren

    Vlera që do të investonin kompanitë private ishte kjo:

    — Rruga e Arbrit: 215 milionë euro investim për rehabilitimin e 25 kilometrave dhe ndërtimin e 46 kilometrave të tjera, me 6 tunele dhe 4 ura. Në fund, buxheti i shtetit do të paguante 328 milionë euro, ku 40 milionë euro ishte interes bankar.

    — Thumanë–Kashar: vlera në kontratë 224 milionë euro për 21 kilometra. Segmenti do të operohet me pagesë nga qytetarët; kompania pritet të gjenerojë rreth 25 milionë euro në vit, ose 1.3 miliard euro për 35 vjet koncesion.

    — Dukat–Orikum: vlera e punimeve 47 milionë euro, ndërsa buxheti në fund do të paguajë 103 milionë euro për 15 kilometra, pjesa më e madhe për rehabilitim dhe jo rrugë të re.

    Sipas këtyre llogarive, qytetarët do të paguajnë:
    • 5 milionë euro/km për Rrugën e Arbrit
    • 7 milionë euro/km për Dukat–Orikum
    • 12.5 milionë euro/km për Thumanë–Kashar (sipas deklarimit të kompanisë: 264 milionë euro pa TVSH për 21 km)

    Për krahasim me Thumanë–Kashar, që është autostradë e kategorisë A, le të marrim një shembull nga Greqia:
    Në dhjetor 2023, autoritetet greke nënshkruan kontratën për zgjatjen e autostradës veriperëndimore Janinë–Kakavijë:

    • 70 km
    • 310 milionë euro kosto
    • 12 nyje të nivelit të pandërprerë
    • 25 nënkalime
    • 3 ura të reja
    • 5 mbikalime
    • 2 superura

    Kosto për km: vetëm 4.4 milionë euro.
    Pra: grekët ndërtojnë me 4 milionë, ne me 12 milionë.

    Diferenca? Ne kemi çmime trefish më të shtrenjta për punime trefish më të dobëta.

    Tani le të shohim disa rrugë të tjera vitet e fundit:

    — Tuneli i Llogarasë: 6 km, kontrata 170 milionë euro (204 milionë me TVSH).
    Kosto: 28.3 milionë euro për km.

    — Unaza e Madhe: 28.7 km, 450 milionë euro.
    Kosto: 15.6 milionë euro për km (3.5 herë më shumë se autostradat greke).

    — Korçë–Ersekë: 86 milionë euro për 35 km; vetëm loti II (17 km) kushton 50 milionë euro.
    Kosto mesatare: 3 milionë euro/km (rrugë e kategorisë C).

    — Qukës–Qafë Plloçë: 260 milionë euro për 43 km.
    Kosto: 6 milionë euro/km (jo autostradë).

    Por ajo që kemi ndryshe nga rrugët e Europës dhe vendeve fqinjë nuk është vetëm çmimi i lartë, por edhe cilësia.

    Mjafton të bjerë një shi — dhe të gjithë e pamë se çfarë ndodhi në rrugën Qukës–Qafë Plloçë.

    Duhet theksuar se cilësia e punimeve është gjëja e fundit që përbën interes për autoritetet publike dhe kompanitë, pasi për ta rëndësi kanë vetëm paratë.

    Kjo u vërtetua edhe në komunikimet që ka gjetur SPAK mes supervizorit të punimeve të Tunelit të Llogarasë dhe ish-drejtorit të Autoritetit Rrugor Shqiptar, Evis Berberi, ku hidheshin dyshime se në pjesën e betonizimit nuk ishte hedhur mjaftueshëm përforcim me çelik dhe se ishin shkelur standardet e sigurisë në rast zjarresh.

    Kur i shohim të gjitha këto: kostot që fluturojnë në qiell, cilësia që bie në tokë, kuptojmë diçka shumë të thjeshtë:

    Në Shqipëri rrugët nuk ndërtohen për t’u udhëtuar, por për t’u faturuar.

    Sepse, ndërsa qytetarët zihen me gropat, bllokimet dhe trafikun, dikush tjetër zihej me faturat, metrat dhe përqindjet.

     

  • “Një lajm shumë i trishtë”/ 20 qendra azili në Shqipëri, Kalaja: Është blerje interesash…Jemi në gjendjen më…

    “Një lajm shumë i trishtë”/ 20 qendra azili në Shqipëri, Kalaja: Është blerje interesash…Jemi në gjendjen më…

    E ftuar në një studio televizive, Adriana Kalaja akuzoi qeverinë se përmes planit për 20 qendra azili po kryen një lobim për blerje interesash, ndërsa vendi ndodhet në gjendjen më kritike të sigurisë juridike dhe të jetesës.
    “Është një lajm shumë i trishtë. Unë dhe ne të gjithë asnjëri besoj se nuk ka kompleksin e raportit që duhet të kemi me të huajt, por të bëjmë një analizë pas 2013 dhe sot, ku janë larguar për të emigruar rreth 1 milion banorë shqiptarë, ku ne jemi në gjendjen më kritike të sigurisë juridike por edhe sigurisë së jetesës në Shqipëri.
    Jo më shumë se dje morëm lajmin edhe të një fëmije tjetër. Kemi një polici inekzistente në raport me luftën ndaj krimit, në raport me luftën ndaj drogës dhe shumë problematikave të tjera penale.
    Kam parë një natë një skenë të tmerrshme ku 4 polic tërhiqnin zvarrë një vajzë për një patentë. Kemi probleme aq shumë të rënda dhe nga ana tjetër unë mendoj që kjo është blerje interesash, pra është lobim për blerje interesash”, u shpreh Kalaja.

  • Mogherini u ndalua për korrupsion, zbulohen të fshehtat e marrëveshjes së saj me Ramën

    Mogherini u ndalua për korrupsion, zbulohen të fshehtat e marrëveshjes së saj me Ramën

    Lajmi i ndalimit të Federica Mogherinit nga policia belge bëri bujë të madhe në fillim të kësaj jave në të gjithë Evropën. Zonja Mogherini, që ishte rektore e Kolegjit të Evropës në Bruges, u shoqërua në polici së bashku me një anëtar të stafit të kolegjit dhe një tjetër zyrtar të Komisionit Evropian, lidhur me një hetim për manipulimin e një tenderi.
    Autoritetet hetimore evropiane dyshojnë se gjatë periudhës 2021–2022, Kolegji i Evropës ka përfituar përmes favorizimit një kontratë me vlerë 3.2 milionë euro nga Shërbimi Diplomatik i BE-së për një trajnim 9-mujor të diplomatëve të rinj.
    Kolegji i Evropës është një institut prestigjioz për studime evropiane me seli kryesore në Bruges të Belgjikës. Të diplomuarit nga vende të ndryshme të Evropës mund të ndjekin aty studime pasuniversitare dhe të përgatiten në fushën e bashkëpunimit dhe integrimit evropian. Ndërkohë, një degë e këtij kolegji është hapur edhe në Tiranë, më shumë se një vit më parë.
    Kolegji i Evropës në Tiranë është vërtet një degë e atij të Bruges-it, ashtu siç është edhe ai i Natolinit në Varshavë, por mësimi në këtë universitet është me pagesë, madje jo të vogël, por 27 mijë euro në vit. Ndërkohë, qeveria shqiptare mbështet studentët me pesë bursa dhe për vitin akademik 2025–2026 janë përzgjedhur për të studiuar 41 studentë, nga të cilët vetëm 10 janë nga rajoni i Ballkanit Perëndimor dhe pjesa tjetër nga vendet anëtare të Bashkimit Evropian.
    Pra, në Tiranë, në Kolegjin e Evropës, do të kenë akses ata që përzgjidhen nga kjo strukturë, ata që kanë mundësi të paguajnë dhe ata që mbështeten me bursë nga qeveria. Por përse është kjo e padrejtë për qytetarët shqiptarë dhe taksat e tyre?
    Qeveria shqiptare, pas firmosjes më 6 tetor 2023 të Memorandumit të Mirëkuptimit mes Kolegjit, Ministrisë së Arsimit dhe Sportit dhe Bashkisë së Tiranës, i propozoi në muajin mars Kuvendit të Shqipërisë të ratifikojë Marrëveshjen për Themelimin e Kolegjit të Evropës për hapjen e një dege në Tiranë. Por përpara se kjo marrëveshje të miratohej nga Kuvendi, Këshilli i Ministrave miratoi një vendim që autorizonte Fondin Shqiptar të Zhvillimit si autoritet kontraktor për të realizuar projektin “Kolegji i Evropës”.
    Më pas, marrëveshja është ratifikuar nga Kuvendi në datën 18 prill 2024; një muaj më pas, e që të jetë në fuqi tërësisht duhet që të dekretohet nga Presidenti, por askush nuk ka pritur kohën e nevojshme për miratimin e saj dhe Këshilli i Ministrave ka miratuar një vendim që ka efekte financiare pa bazë ligjore.
    Por shkeljet dhe favorizimet nuk përfundojnë këtu. Edhe pse një universitet privat, marrëveshja i jep terren trajtimi preferencial fiskal këtij kampusi, duke e përjashtuar nga çdo lloj detyrimi tatimor e doganor. Madje jo vetëm kolegjin, por edhe furnitorët e kolegjit.
    Pas miratimit të kësaj marrëveshjeje haptas favorizuese, Këshilli i Ministrave mori një tjetër vendim. Këtë herë për t’i kaluar në pronësi Fondit Shqiptar të Zhvillimit dhe më pas kolegjit tokën pranë Qytetit Studenti për të ndërtuar kampusin. Në total u vendosën në dispozicion 4 mijë metra katrorë truall nga pasuritë publike të Shqipërisë për Kolegjin e Evropës.
    Madje edhe fondet për ndërtimin e godinës do të jepen nga taksat e shqiptarëve. Në total, ndërtimi dhe arredimi i infrastrukturës së këtij kampusi do t’i kushtojë taksapaguesve tanë 21 milionë euro. Këto para kanë kaluar menjëherë në buxhetin e Fondit Shqiptar të Zhvillimit, i cili më datën 21 gusht 2024 ka hapur garën për të përzgjedhur kompaninë që do të kryejë punimet. Fituese në këtë tender është përzgjedhur kompania “Fusha” me “Ed Konstruksion”, me një ofertë prej 15.2 milionë euro, 1.7 milionë euro më të ulët se fondi limit, por 840 mijë euro më e lartë se e një operatori tjetër që ka marrë pjesë në këtë garë.
    Godina do të përbëhet nga 3 ndërtesa: ajo publike me 5 kate, ajo universitare me 7 kate dhe godina e delegatëve me 5 kate. Në mes të tyre do të ngrihet një auditor në formën e kupolës dhe do të ketë një parkim nëntokësor me 415 vende. Të gjitha këto do të financohen nga taksat e shqiptarëve, duke qenë se kryeministri Edi Rama ka vendosur t’ia bëjë si dhuratë mikes së tij Federica Mogherinit.
    Ndërkohë, ditën e enjte, e gjendur në situatë jo të favorshme për shkak të hetimeve të nisura nga Zyra e Prokurorisë Evropiane, Federica Mogherini dha dorëheqjen për t’u hetuar në gjendje të lirë si qytetare e thjeshtë dhe jo të interferojë në drejtësi duke mbajtur postin e rektores së Kolegjit të Evropës. Një standard që kryeministri ynë nuk e ka pranuar në rastin e zëvendëses së tij, Belinda Balluku.

  • “Kalamanit” Trump i jepet më në fund “lodra” për të cilën “qante”

    “Kalamanit” Trump i jepet më në fund “lodra” për të cilën “qante”

    E priste nga Komiteti i Nobelit një çmim atë të Paqes, por ia ka dhënë FIFA. Kështu, Donald Trump-it mund t’i qetësohet paksa egoja e shfrenuar vanitoze për t’u nderuar me një çmim paqeje.
    Është ajo që FIFA e krijoi dhe Presidenti i FIFA-s, Gianni Infantino, ia dha së fundi, gjatë shortit të grupeve për Kupën e Botës 2026 që do të mbahet në Shtetet e Bashkuara, Kanada dhe Meksikë.
    Është “një nga nderimet më të mëdha të jetës sime”, tha presidenti amerikan.
    Dhe ishte aq i paduruar saqë e mori vetë medaljen e artë dhe e vari në qafë pa pritur Infantinon.

    President Trump receives the very first ever FIFA Peace Prize: pic.twitter.com/gOMNB69bYR
    — TheBlaze (@theblaze) December 5, 2025

    Ky çmimi që starton me Trump-in do t’u jepet “individëve që kanë bërë veprime të jashtëzakonshme dhe të jashtëzakonshme për paqen”.
    “Ju me siguri e meritoni Çmimin e parë të Paqes të FIFA-s. Gjithmonë mund të mbështeteni në mbështetjen time për ta bërë botën të lulëzojë”, tha Infantino.
    Donald Trump ia ktheu falënderimet dhe foli për rëndësinë e çmimit: “Një nder i madh, më i madhi i jetës sime. E njoh Gianni-n, ai bën një punë të mrekullueshme, kemi shitje rekord biletash, shifrat janë përtej të gjitha pritjeve. Faleminderit Melania, familja ime. Do të shihni diçka që nuk është bërë kurrë më parë. Marrëdhëniet tona me Kanadanë dhe Meksikën janë të mrekullueshme. Kemi një marrëdhënie të fortë bashkëpunimi dhe paqeje. Shtetet e Bashkuara do të jenë një vend mikpritës i ngrohtë”, theksoi Trump.