Blendi Çuçi e ka justifikuar mungesën e lartë të votuesve në zgjedhje me mungesën e një kundërshtari të fortë.
Në fjalën e tij krah Brunilda Mersinit, pas shpalljes së fitores së kësaj të fundit për Bashkinë Vlorë, ai u shpreh se pjesmarrja nuk ëshzë mesazh për PS pasi nga përqindjet u pa që shumica e votuesëve ishin socialistët.
Pjesëmarrja nuk është mesazh për PS, nga përqindja e votave u pa se shumica e votuesve ishin socialistët. Pjesëmarrja varet nga shumë faktorë, kjo mes të tjerash varet edhe nga fakti që nuk kishim një kundërshtar të fortë, është si në futboll që kur nuk ke një kundërshtar të fortë dhe dihet rezultati, stadiumi mbetet bosh.Kjo u vu re edhe në bashkitë e tjera. Gara në të gjitha bashkitë kishte ulje të pjesëmarrësve. Kjo nuk më shqetëson. Jam i lumtur që për herë të parë kemi në krye të Bashkisë Vlorë një grua.
Category: Politikë
-
Pjesëmarrje e ulët në votime, Çuçi: Kur nuk ke kundërshtar të fortë stadiumi mbetet bosh
-
“Fitoren ia dedikoj PS-së!”, Brunilda Mersini pas triumfit në Vlorë: Respekt për rivalët
Fituesja e zgjedhjeve për Bashkinë e Vlorës, Brunilda Mersini, ka folur për mediat mëngjesin e kësaj të hëne, 10 nëntor, pas rezultatit përfundimtar që i dha një fitore të thellë Partisë Socialiste në këtë bashki.
“Kjo është një gjë reale. Në momentin që ka një fitore, gjithmonë ka një analizë. Por e rëndësishme është gjithmonë fitorja. Ashtu siç kam takuar çdo ditë qytetarët e Vlorës, do jem një njeri i përkushtuar dhe me një ndjeshmëri për qytetin. Unë jam një grua që vij nga rrugët e qytetit, e njoh ritmin e tij, e njoh energjinë e tij. Jam e përkushtuar ndaj njerëzve të tij dhe kështu do të vazhdoj. Emocion patjetër.”, u shpreh Mersini.
E pyetur për kujt ia dedikon fitoren, ajo u përgjigj shkurt: “Partisë Socialiste.”
Mersini shprehu gjithashtu respekt për kundërshtarët e saj në garë, Dionis Sotën dhe Gjergji Nikën, duke theksuar se “Kam respekt për dy qytetarët e mi, janë dy bashkëqytetarët e Vlorës, që nesër mund të jenë kolegë në dyert e Bashkisë. Gjergji është anëtar i këshillit bashkiak, dhe pa diskutim do të kemi takime të përditshme.”.
Në zgjedhjet e pjesshme të 9 nëntorit, në të cilat Vlora regjistroi pjesëmarrjen më të ulët në shkallë vendi me vetëm 12.5% të votuesve, Brunilda Mersini siguroi një fitore të thellë me 78.88% të votave (15 mijë e 672 vota).Kandidatët e pavarur Dionis Sota dhe Gjergji Nika morën përkatësisht 11.68% (2 mijë e 333 vota) dhe 9.88% (1 mijë e 975 vota).
Krahasuar me zgjedhjet e 11 majit, Partia Socialiste ka shënuar një rritje prej 19%, ndërsa Partia Demokratike një tkurrje prej 13.52% në këtë bashki. -
“Gazi mund të shkojë te socialistët”, Beqiri: Berisha fillimisht ‘vrau’ Shqipërinë, më pas PD-në
“Ka bërë korrupsion të lartë shtetëror”, kështu u shpreh avokati Idajet Beqiri në një intervistë në “Shqipëria Vendos Lokale ‘25” në ABC News, ndërsa akuzoi Sali Berishën.
Gjithashu avokati theksoi se kreu i PD Sali Berisha ka shkatërruar opozitën dhe se e përdor partinë për interesa personale.
“Partia Demokratike duhet të marrë të tjera rrugë dhe të shikojë të tjera alternativa sepse nuk e ngjall dot më këtë alternativë që ka Berisha. Berisha ka lënë berishizmin brenda. Gazi i shkretë përshtatet, mund të shkojë edhe tek socialistët. Por PD duhet të mendojë për një alternativë tjetër. Të mblidhen të gjithë të rinjtë me mendësi europiane dhe jo shpellarë nëse duan të ndërtojë diçka që opozita të vijë në pushtet. Berisha fillimisht vrau Shqipërisë, vrau edhe Partinë Demokratike”, tha ai.
Më tej theksoi se Flamur Noka do të dënohet për të gjitha korrupsionet që ka bërë.
“Shumë shpejt Flamur Noka do të dënohet. Do dënohet për të gjitha korrupsionet që ka bërë në kurriz të PD dhe të një çështje që ka në SPAK”, tha ai. -
“Fitoren ia dedikoj PS-së”, Mersini pas triumfit në Vlorë: Do punoj me përkushtim
Ka përfunduar procesi i numërimit të votave në bashkinë e Vlorës, ku kandidatja e Partisë Socialiste, Brunilda Mersini, ka siguruar një fitore të thellë me 78.44% të votave, që përkthehet në 15,672 vota.
Kandidati i pavarur i mbështetur nga opozita, Dionis Sota, ka marrë 2,333 vota (11.68%), ndërsa Gjergji Nika, kandidat i pavarur, ka siguruar 1,975 vota (9.88%).
Pas shpalljes së rezultateve, Mersini u shpreh se pjesëmarrja e qytetarëve solli këtë fitore, duke theksuar se suksesi kërkon edhe analizë, por më e rëndësishmja mbetet besimi i dhënë nga votuesit.“Pjesëmarrja prodhoi një fitore. Në momentin që ka një fitore, gjithmonë ka një analizë, por e rëndësishme është gjithmonë fitorja. Do të jem njeri i përkushtuar dhe me një ndjeshmëri për qytetin. Vij nga rrugët e qytetit, njoh ritmin dhe energjinë e tij. Jam e përkushtuar ndaj njerëzve dhe kështu do të vazhdoj. Fitoren ia dedikoj PS. Gara është garë, kam respekt për qytetarët e mi”, deklaroi Mersini pas fitores.
-
FOTO/ Kryesoi me shumicë dërrmuese votash, shoqërohet me të qeshura dhe përqafime fitorja e Ervin Cecës në Berat
Me të qeshura dhe përqafime është shoqëruar takimi mes Ervin Cecës dhe Ervin Denos pas shpalljes së fitores në Berat.
Ish-kryebashkiaku, Ervin Deno, ka takuar dhe përqafuar fituesin, Ervin Ceca, kandidati socialist që fitoi me shumicë dërrmuese.
Berati ka përfunduar procesin e numërimit të votave, pas zgjedhjeve të mbajtura një ditë më parë.
Kandidati i Partisë Socialiste, Ervin Ceca, është shpallur fitues me mbi 83% të votave, duke lënë pas rivalin e tij, kandidatin e pavarur, Pavlo Shkarpa.Top Channel
-
Zgjedhjet e pjesshme lokale/ Përfundon procesi i numërimit, emrat e kandidatëve fitues
Ka përfunduar procesi i numërimit të votave në të pesë bashkitë, ku ditën e djeshme u mbajtën zgjedhjet e pjesshme lokale.
Rezultatet sipas bashkive:
VLORA
Pas numërimit tyë 231 kutivë në Bashkinë e Vlorës, fituese është shpallur kandidatja e PS, Brunilda Mersini me 78.4 të votave.
Brunilda Mersini ka marrë 15672 vota (78.4%). Dionis Sota i mbështetur nga opozita numëron 2333 vota (11.7%).
Ndërsa Gjergj Nika, një tjetër kandidat i pavarur, ka marrë 1975 vota (9.9%).CËRRIKU
Pas numërimit të 57 kutive, rezultoi se kryebashkiaku I ri I Cërrikurt do të jetë kandidati nga Partia Socialiste Florenc Doka, i cili ka siguruar 66,22% për qind të votave, ose 6201 vota.
Ndërkohë kandidati Eligerti Hima nga Shqipëria Bëhet ka marrë 13.62% të votave, pra 1275 vota
Kandidati i pavarur Amarildo Hoxha, I cili mbështetej nga PD ka marrë 20,16% përqind të votave, pra 1888 vota.BERAT
Pas numërimit të 116 kutive, fitues ka rezultuar kandidati socialist Ervin Ceca me 13.050 vota, 10.443 vota diferencë me kundërshtarin e tij në garën për kryebashkiakun e ri të qytetit
Ndërkohë kandidati Pavllo Shkarpa mori 2.607 vota.TEPELENË
Bashkia Tepelenë do të drejtohet nga kandidati socialist Gramos Sako, I cili pas numërimit të kutive të votimit, reazultoi se ka siguruar 3.261 vota, pra 77.8% të tyre.
Ndërkohë kandidati Gabriel Guma siguroi 928 përiqnd të votave, pra 22.2% të tyre.Kujtojmë se pjesëmarrja e qytetarëve në votime ishte shumë e ulët, ku sipas të dhënave të Komisionit Qendror të zgjedhjeve, pjesëmarrja e përgjithshme ishte 18.72 për qind, ndërsa sipas bashkive ndahet si më poshtë:
Berat – 19.98%,
Vlorë -12.54 %,
Cërrik – 25.00%,
Mat -39.36%
Tepelenë – 34.63%. -
U mposht nga kandidati socialist në Tepelenë, Gabriel Guma: Nuk është humbje personale, për mua politika sapo ka nisur
Gabriel Guma, kandidati i pavarur që u mbështet nga opozita mori vetëm 928 vota kundrejt 3261 që mori socialisti Gramoz Sako.
Në një prononcim për mediat, Guma tha se nuk e cilëson si një humbje, duke shtuar se politika për të sapo ka nisur.
“Pritshmëritë e mia ishin shumë të mira por duke qëndruar me këmbë në tokë. Jemi ok me pjesëmarrjen e njerëzve, pa njerëz të imponuar, të detyruar, pritshmëritë janë ok. Unë si them humbje personale, por një ringjallje sociale. Jo humbja ime, unë jam djalë i ri. Për mua politika sapo ka nisur kështu që është jeta është përpara dhe nga gabimet mësohet. Kam bërë edhe unë plot gabime gjatë kësaj periudhe të fushatës.”, tha ai. -
Sot mblidhet ‘Etika’ për ofendimin e Berishës ndaj Gonzatos, PS kërkon përjashtimin deri në 2 muaj
Sekretariati i Etikës do të vendosë sot në 14:00 për përjashtimin deri në 60 ditë të Sali Berishës nga Kuvendi, ‘ndëshkimi’ i parë për kreun e demokratëve që nga nisja e punimeve të Kuvendit në shtator.
Socialistët kërkuan zyrtarisht të premten, me firmë të 12 deputetëve, ndëshkimin e kreut të PD-së me përjashtim nga jeta parlamentare, pas deklaratës me nota ofenduese të bërë në drejtim të ambasadorit të BE në vendin tonë Silvio Gonzato, pasi ky i fundit kishte bërë thirrje të votohej si pjesë e përafrimit me legjislacionin e BE, ligji për Barazinë Gjinore.
Kjo deklaratë u dënua edhe nga zyrtarët e lartë të Bashkimit Evropian, nga Marta Kos te reagimi i Komisionit Europian ndërsa solli edhe reagimin e kryeministrit Edi Rama që përmes një statusi në X pati edhe një kërkim falje në drejtim të Ambasadorit Gonzato.
Por, Berisha duket se i ka paraprirë vendimmarrjes së Komisionit të Etikës. Skenari për t’u përjashtuar nga dhjetë në 60 ditë solli propozimin e tij për ngritjen e një çadre para godinës së kryeministrisë.
Të hënën Sekretariati i Etikës do të shqyrtojë edhe kërkesën e Partisë Demokratike për përjashtimin e Taulant Ballës, që sipas tyre ofendoi dhe përdori gjuhë kërcënuese ndaj deputetëve të opozitës.
Por, nisur nga numrat kjo kërkesë e PD pritet të rrëzohet, pasi anëtarët socialistë janë shumicë në komision. -
Zbardhen të tjera detaje nga vendimi për rritjen e pagave, ja sa do përfitojnë mjekët, infermierët, farmacistët,…
Ministrja e Punëve të Brendshme, Albana Koçiu njoftoi nivelin e rritjes së pagave për punonjësit e Policisë së Shtetit, që do të hyjë në fuqi nga janari 2026. Sipas ministres, pagat bazë dhe shtesat për kushte pune dhe ushqim do të rriten në të gjitha nivelet hierarkike të strukturës së policisë nga inspektorët e thjeshtë deri te drejtuesit e lartë. Pas kësaj rritjeje, paga mesatare për drejtuesit e parë do të arrijë deri në 171,500 lekë, duke përfaqësuar një tjetër hap në mbështetje të forcave të rendit dhe sigurisë publike. Koçiu theksoi dje se ky vendim është pjesë e angazhimit të qeverisë për të përmirësuar kushtet e punës dhe motivimin e punonjësve të rendit, të cilët janë në vijën e parë të shërbimit ndaj qytetarëve. Nga 1 janari 2026, pagat bazë dhe shtesat për ushqim dhe kushtet e punës të punonjësve të Policisë së Shtetit do të rriten në të gjitha nivelet hierarkike. Paga mesatare llogaritet për punonjësit me një vjetërsi mesatare prej 15 vjetësh.
Detajet sipas kategorive:Inspektori i thjeshtë, paga bazë nga 80,500 lekë rritet në 84,525 lekë (+4,025 lekë)
Me shtesat për ushqim dhe kushtet e punës, paga mesatare arrin në 100,000 lekë
Nënkomisari, paga bazë nga 95,500 lekë rritet në 101,000 lekë (+5,500 lekë)
Me shtesat për ushqim dhe kushtet e punës, paga mesatare arrin në 116,000 lekë
Komisari, paga bazë nga 105,000 lekë rritet në 110,600 lekë (+5,600 lekë)
Me shtesat për ushqim dhe kushtet e punës, paga mesatare arrin në 125,600 lekë
Kryekomisari, paga bazë nga 115,500 lekë rritet në 120,825 lekë (+5,325 lekë)
Me shtesat për ushqim dhe kushtet e punës, paga mesatare arrin në 135,075 lekë
Drejtuesi i Policisë së Shtetit, paga bazë nga 130,500 lekë rritet në 141,450 lekë (+10,950 lekë).
Me shtesat për ushqim dhe kushtet e punës, paga mesatare arrin në 156,450 lekë
Drejtuesi i Parë, paga bazë nga 145,500 lekë rritet në 156,825 lekë (+11,325 lekë)
Me shtesat për ushqim dhe kushtet e punës, paga mesatare arrin në 171,575 lekë.
Reagon Rama
Ndërkohë kryeministri Edi Rama ka bërë të ditur se buxheti për shëndetësinë dhe mbrojtjen sociale për vitin 2026 do të jetë 1 miliardë euro. Komentet Rama i bëri përmes një video-live në faqen e tij në “Facebook”, ku tha se për herë të parë në vitin 2026 do të hapet një linjë financimi për të gjithë të sëmurët me kancer, që përdorin barna të shtrenjta. Rama premtoi gjithashtu për të gjitha gratë që kanë kaluar kancerin e gjirit se rikonstruksioni i plotë i gjirit do të mundësohet nga shteti. Po ashtu, Rama premtoi rritje të pagave për mjekët, infermierët, farmacistët, laborantët dhe teknikët gjatë vitit 2026. Shefi i Ekzekutivit shtoi se viti 2026 do të jetë viti i futjes së inteligjencës artificiale në shëndetësi. “Po ndaj me ju projekt-buxhetin 2026, me 1 miliardë eurot e tij, për shëndetësinë dhe mirëqenien sociale. Afro 4 % e prodhimit të përgjithshëm kombëtar.
Po ndalem te lufta me kancerin dhe nevoja për barnat e shtrenjta që kërkon kjo luftë. Për herë të parë hapim një linjë financimi nga buxheti i shtetit vetëm për këtë nevojë jetike, duke futur 15 milionë euro ekstra vetëm për pacientët e Onkologjikut. Për herë të parë, shërbimi i rikonstruksionit të gjirit për gratë dhe vajzat që kalojnë kancerin, do të jepet i plotë për të gjitha dhe falas. Ndërkohë ministrja e Shëndetësisë, e shpallur sëfundi si një nga 100 gratë më influente në mjekësinë botërore për çështjen e kancerit, do të udhëheqë projektin kombëtar për ngritjen e institutit kombëtar për tumoret për Shqipërinë 2030. Ky institucion do i bashkohet rrjetit ndërkombëtar të instituteve që luftojnë me kancerin. Ndërkohë 4600 mjekë, infermierë dhe farmacistë, si dhe 14 mijë e 200 teknikë dhe laborantë do të përfitojnë një rritje të re pagash. 2026 është edhe viti i hyrjes së inteligjencës artificiale në shërbimin tonë shëndetësor”, ka thënë mes të tjerash Rama këtë fundjavë. -
Përfundon numërimi në Berat, fiton kandidati socialist Ervin Ceca, mbi 10 mijë vota diferencë me Pavllo Shkarpën
Përfundon procesi i numërimit të votave edhe në Bashkinë Beratit.Reklama në FieriWeb – “Oazi i Pishave”
Përfundon numërimi i kutive të votimit në Berat. Përqindja në votime 19.88%. Reklama në FieriWeb – “KETU MUND TE JETË REKLAMA JUAJ”
Pas numërimit të 116 kutive, fitues ka rezultuar kandidati socialist Ervin Ceca me 13.050 vota, 10.443 vota diferencë me kundërshtarin e tij në garën për kryebashkiakun e ri të qytetitReklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
Ndërkohë kandidati Pavllo Shkarpa mori 2.607 vota.Reklama në FieriWeb – “COVIM CAFFE”