Xhemal Gjunkshi ka reaguar pas zërave se emërimi i tij si këshilltar për Sigurinë Kombëtare pranë Partisë Demokratike, menjëherë pas takimit me të ashtuquajturin “grupi i kafes” në të cilin ai mori pjesë me figura të tjera të PD, ishte “blerje” nga Berisha.
Ai thotë se komentet dhe pretendimet e shpërndara në rrjet janë të pavërteta, sepse siç thotë, emërimi i tij nga Sali Berisha ka ndodhur rreth dy muaj më parë, shumë përpara se të ndodhte e ashtuquajtura “kafe e famshme”.
“Ky funksion nuk ka asnjë lidhje me pazare, marrëveshje të fshehta apo llogari politike të momentit”, shkruan Xhemal Gjunkshi, duke shtuar se është pjesë e Partisë Demokratike për idealizëm dhe bindje, jo për përfitime.
Sa për pjesëmarrjen në takimin e kafes, ai sqaron se pjesëmarrja e tij në tavolina diskutimi me miq, kolegë apo demokratë të tjerë është praktikë normale e çdo njeriu aktiv në jetën publike, dhe nuk përbën as mbështetje politike të re, as lëvizje taktike.
“Kam kontribuar ndër vite me integritet, korrektesë dhe qëndrime të qarta publike, si qytetar, si ekspert dhe si demokrat i përkushtuar”, përmbyll Xhemal Gjunkshi.
Reagimi i plotë
Së fundmi disa komente të pavërteta janë shpërndarë në rrjete, duke lënë të nënkuptohet se emërimi im si Këshilltar për Sigurinë Kombëtare pranë Partisë Demokratike është bërë pas një takimi kafeje me disa figura të njohura të opozitës. Kjo është plotësisht e pavërtetë.
Për korrektësi publike:
1. Emërimi i Xhemal Gjunkshit nga Dr. Prof. Sali Berisha, ka ndodhur rreth dy muaj më parë, shumë përpara se të ndodhte e ashtuquajtura “kafe e famshme”.
2. Ky funksion nuk ka asnjë lidhje me pazare, marrëveshje të fshehta apo llogari politike të momentit.
Unë Xhemal Gjunkshi jam pjesë e Partisë Demokratike për idealizëm dhe bindje, jo për përfitime. Kam kontribuar ndër vite me integritet, korrektesë dhe qëndrime të qarta publike, si qytetar, si ekspert dhe si demokrat i përkushtuar.
Pjesëmarrja ime në tavolina diskutimi me miq, kolegë apo demokratë të tjerë është praktikë normale e çdo njeriu aktiv në jetën publike, dhe nuk përbën as mbështetje politike të re, as lëvizje taktike.
Category: Politikë
-
Berisha e “bleu” pas takimit me Salianjin? Reagon Xhemal Gjunkshi: Emërimi im ka ndodhur më parë
-
VIDEO-“S’pres që e mençura Zegjine të ketë mençurinë e Dritëroit”/ Debate në seancë, Çaushi “përplaset” me Blushin: Ai që të çon sms në tel…
Sekretari i Përgjithshëm i Partisë së Lirisë Tedi Blushi foli sot në Kuvend në lidhje me rritjen e pensioneve, që sipas tij është një tallje me pensionistët, të cilëve u jepet vetëm 60 lekë më shumë në ditë.
Ndërsa rreshtonte aferat e kësaj mazhorance, mes të cilave “Qukës-Qafë Plloçë”, tuneli i Llogarasë dhe Korçë-Ersekë të lidhura me zëvendës ministren e pezulluar nga detyra nga GJKKO, Belinda Balluku, ai u shpreh se deputetët e mazhorancës duhet të mësojnë t’i thonë “boll” kryeministrit Edi Rama, ndërsa përmendi edhe deputeten Zegjine Çaushi.
Tedi Blushi: Nuk pres që e mençura Zegjine të ketë eksperiencën e Dritëro Agollit, por si nuk doli një burrë nga ju t’i thotë ndal kësaj qeverie?Keni prindër dhe familje? Dua t’u them pensionistëve të mos mashtrohen sepse 60 lekë në ditë është tallje dhe poshtërim.
Zegjine Çaushi: I dashur Tedi për ty nuk kam asnjë lloj komenti, sepse atë koment që do të kisha do t’ia jap atij personi që nuk është këtu sepse fatmirësisht dhe fatkeqësisht është tek vendi ku meriton të jetë dhe nuk kam çfarë përgjigje t’i jap atij dhe këto mesazhet që t’i çon në telefon. Po të ishte këtu do t’ia jepja atij përgjigjen. E përshëndesim nga atje ku është sepse mbase na sheh.
-
“Mandarinat e Konispolit nuk janë me pesticide, sulm i orkestruar mediatik”/ Bido: Të prekurit nga përmbytjet do dëmshpërblehen
Deputeti i Partisë Socialiste, Ardit Bido është shprehur se lajmet që flasin për mandarinat e prodhuara në Konispol si të konaminuara nga pesticide, nuk janë asgjë tjetër veçse një sulm i organizuar mediatik. Bido thotë se ky sulm është i orkestruar nga ata grosistë të cilët kanë për qëllim futjen në Shqipëri të mandarinave të importuara nga jashtë.
Bido foli gjithashtu dhe për përmbytjet duke thënë se çdo shtëpi e dëmtuar dhe çdo familje do të dëmshpërblehet edhe për bagëtitë e ngordhura.
“Dua ta nis nga një sulm i padrejtë tregtar për mandarinat veçanërisht për mandarinat e Konispolit. Një sulm i orkestruar mediatikisht, një sulm që ka prodhuar që ne të kemi mandarina më shumë sesa 100 lekë në tregje ndërkohë që fermerëve u kërkohet që t’i sheshin me më pak se 40 lekë. Një sulm që vjen prej grosistëve që duan të sjellin mandarina të importuara dhe organizojnë sulme mediatike me gjasë që këto mandarina kanë dalë me pesticide. Në asnjë rast nuk ka asnjë analizë që nxjerr mandarinat e Konispolit me pesticide. Duhet të veprojmë përmes organeve shtetërore dhe veçanërisht duke deklaruar të vërtetën madhe që ky është një sulm që i bëhet këtyre fermerëve. Ka ardhur çasti që për të gjitha produktet që janë të subvencionuara nga vendet e tjera më vlera shumë herë më të mëdha me subvencionimet që vijnë tek ne, ne të vendosim traun në doganë në mënyrë që të mund të shitet produkti vendas në këtë kohë.
Do të dëmshpërblehen të gjitha shtëpitë e dëmtuara, të gjithë krerët e ngordhura si dhe bletaria e zonës. Është e nevojshme të kemi më shumë vëmendjen në këtë drejtim për ullinjtë dhe bizneset e dëmtuara. Këtë herë opozita bojkotoi dhe flamurin. Në ditën e flamurit nuk kishte asnjë nga opozita që të merrnin pjesë në ceremoninë e ngritjes së flamurit. Ka shumë gjëra që mund të bojkotojmë por është kulmi i anormalitetit që të bojkotohet flamuri shqiptar”, tha Bido.
-
Ibrahimaj: Në 2 ditë nga pensionistet u tërhoqën mbi 42 mijë bonuse fundviti
Ministrja e Ekonomisë dhe Inovacionit, Delina Ibrahimaj, bëri të ditur nëpërmjet një postimi në rrjetet sociale, se në 2 ditët e para të shpërndarjes së bonusit të pensionistëve në të gjithë vendin janë tërhequr 42 631.
“Pensionistët në të gjithë vendin vijojnë të tërheqin bonuset e fundvitit në masën 10,000 – 15,000 lekë.
Vetëm në 2 ditët e para janë tërhequr 42 631 bonuse nga pensionistët.
Bonusi i fundvitit është një mbështetje e Qeverisë për mbi 762 mijë përfitues në të gjithë vendin”, shkruan Ibrahimaj.
Sipas Ibrahimajt, nga shpërblimi i parashikuar do të përfitojnë 762,740 pensionistë dhe përfitues të tjerë nga të cilët 640,325 janë pensionistë në pension pleqërie dhe 2,322 në pension social, 65,232 persona në pension invaliditeti, 48,087 persona në pension familjar, 6,774 persona me një trajtim të veçantë financiar si minatorë të nëntokës, punonjës të ish-ndërmarrjeve ushtarake dhe ushtarakë në pension të parakohshëm.
Shpërblimi do të paguhet gjatë gjithë muajit dhjetor 2025 dhe kur nuk tërhiqet brenda këtij muaji mund të tërhiqet deri në 30 Qershor të vitit 2026.
-
“Banesa pa legalizuar prej 35 vitesh në Selitë”, Braçe: S’ka asnjë plan real për zgjidhje
Deputeti socialist Erion Braçe ka ngritur disa shqetësime këtë të martë në seancën plenare. Në fjalën e tij, Braçe theksoi se në njësinë numër 5 janë gati 850 banesa pa legalizuar prej 35 vitesh.
“Janë gati 850 banesa që në Selitë janë pa legalizuar prej 35 vitesh. Madje ka banesa që janë ndërtuar para viteve ‘90 dhe ende nuk kanë një certifikatë pronësie. Shqetësimi ka qenë i vazhdueshëm por nuk ka pasur lëvizje. Në programin e qeverisë është e shkruar që ky problem duhet të marrë fund brenda vitit 2028, por ajo që më shqetëson nuk shoh asnjë plan konkret të qartë dhe efikas pe t’i japi zgjidhje problemit të certifikimit të pronësisë. Këto 3 shqetësime t’ i paraqiteshin ministrave respektive”, tha Braçe.
Braçe u ndal dhe tek shërbimi shëndetësor për banorët e njësisë nr.5 në Tiranë të cilët marrin shërbim nga një qendër e ndodhur në katin e parë të një pallati.“Natyrisht që e drejta për shërbim shëndetësor është jetike dhe themelore. Ka plot që banojnë në njësinë numër 5 dhe problemi është ofrimi i shërbimit shëndetësor. I gjithë shërbimi është kufizuar në një qendër që është në katin e parë të një pallati. Nuk ka poliklinikë dhe vetëm disa ambulanca që janë deri në 2-3 dhoma e kuzhinë në katet e para të pallatit. I kam ngritur këto probleme dhe në komision më thënë po ke të drejtë dhe nuk lëviz kush”, shtoi Braçe.
/vizionplus.tv
-
Denoncoi i pari abuzimet me ndërtimin e Kolegjit të Evropës në Tiranë, Muka: Po punohet pa leje…
Taulant Muka, pedagogu dhe ish-zëvendësministri i Arsimit, ka qenë ndër të parët që ngriti publikisht alarmin për mënyrën se si po zhvillohet projekti i Kolegjit të Europës në Tiranë. I ftuar në ‘Task forcë, në Syri TV, ai denoncoi mungesën e transparencës, përdorimin e pronës publike dhe fondeve publike në favor të një institucioni jo shtetëror, si dhe faktin se punimet po vijojnë pa leje ndërtimi.
Sipas Mukës, procesi jo vetëm cënon hapësirat e Universitetit të Tiranës, por shkel edhe parimet e konkurrencës dhe ligjin për të drejtën e informimit publik, ndërkohë që institucionet përgjegjëse heshtin. Ai tregon se çështja tashmë është dërguar në Komisionin Europian dhe në gjykatë, ndërsa kërkon përgjegjshmëri dhe transparencë të plotë për një investim që prek drejtpërdrejt interesin publik.
Taulant Muka: Është marrë si të thuash prona publike, është marrë nga ana tjetër dhe paraja publike dhe janë transformuar, janë transferuar te një institucion që nuk është publik, ose nuk është i shtetit shqiptar dhe kjo është bërë në mungesë të transparencës së plotë, është bërë në mungesë të diskutimit, si të thuash, me publikun. Dhe nga ana tjetër sot po ndërtohet, ndërkohë që, si të thuash, leja e ndërtimit nuk është dhënë. Dhe të gjitha, për më tepër që i është dhënë te Fondi i Zhvillimit, që nuk është, si të thuash, institucioni përgjegjës për këto lloj investimesh, dhe këto më pas, të gjitha këto i morën pra, bashkë me një grup, pra me Andin, Ivirin dhe Entelën, i shkruajtëm një letër Komisionit Europian, zonjës Kos dhe gjithashtu ambasadorit këtu, ministrit të Arsimit të Bashkimit Europian, ku i paraqitëm të gjitha këto shqetësime.
Ka shkelje të rënda të mënyrës se si është bërë ky investim. Nga ana tjetër, s’mund t’i merret një godinë, ëh, një universiteti publik, pasi sot Kolegji i Europës vepron brenda godinës Iliria. Pra, universiteti, studentët shqiptarë u ngritën në protestë në vitin 2018 se nuk ishin ambiente, se nuk kanë, si të thuash, hapësirë për të mësuar, ndërkohë që ambienti më i mirë i Universitetit të Tiranës i merret dhe i jepet Kolegjit të Europës, ku Kolegji i Europës në vetvete është në konkurencë me Universitetin e Tiranës. Universiteti i Tiranës jep diploma të, si të thuash, për integrimin europian, për masterat, unë nuk e di saktësisht, por që janë studime europiane dhe rrjedhimisht është në konkurencë të drejtpërdrejtë. Është si t’ju vijë ju, nuk e di, po marr një televizion privat, aty A2 CNN, t’i jepni, si të thuash, studiot tuaja dhe vazhdojë transmetimin në të njëjtën frekuencë. Pra, këtu ka të bëjë edhe me problemin e ligjit të konkurrencës, pra me shumë dhe shumë të tjera. Dhe ne të gjitha këto çështje ia çuam Komisionit Europian, patëm një përgjigje që ishte një shqetësim serioz dhe e merrnin seriozisht. Unë uroj që tashmë edhe në, në këtë kontekst…
Ne e kemi çuar në qershor të këtij viti. Të këtij viti dhe kërkesa jonë ka ardhur dhe nga fakti që ne i kemi çuar kërkesë, unë i kam çuar kërkesë Kolegjit të Europës, në bazë të ligjit për informim publik, që të vërë në dispozicion kontratën që ka me Universitetin e Tiranës, të vërë në dispozicion lejen e ndërtimit ku po ndërtohet Kolegji i Europës, pronësinë, pra janë informacione publike që është i detyruar t’i japë pasi është dhe investim publik i Bashkimit Europian. Dhe unë nuk kam marrë asnjë përgjigje. Pavarësisht se e kam kontaktuar…
Ka qenë nën hetim e gjithë kjo situatë. Dhe Kolegji i Europës në asnjë moment nuk u përgjigj. Pra një detyrim ligjor kushtetues brenda, si të thuash, shtetit shqiptar. I kemi çuar në atë rast edhe komisionerit për informim që t’i kërkonte, si të thuash, Kolegjit të Europës përgjigje. Komisioneri për informim nuk e pranoi kërkesën dhe tashmë jemi në gjykatë mbi këtë kërkesë. Pra, respektimin e të drejtës për informim publik tonin si qytetarë për të kuptuar se çfarë po bëhet me paranë dhe investimin publik. Dhe kjo ishte një gjë që për shembull edhe në letrën e Bashkimit Europian ishte, si të thuash, theksuar që ne jemi për transparencë të plotë, një gjë që Kolegji Europian, i cili vjen në Shqipëri për të na mësuar standartet europiane, nuk e respektojnë.
-
“Premtime boshe”/ Përmbytjet në vend, Baçi: Çfarë është bërë deri tani? Asnjë masë nuk është marrë
Nga foltorja e Kuvendit, deputeti Luan Baçi kritikoi ashpër qeverinë për mënyrën se si po menaxhon pasojat e reshjeve të fundit, duke theksuar se përmbytjet e përsëritura nuk janë thjesht fatkeqësi natyrore, por rezultat i mungesës së masave parandaluese dhe neglizhencës së institucioneve.
Ai solli një sërë shembujsh të zonave të prekura, ku hektarë të tërë tokash dhe sera janë përmbytur, ndërsa evidentimet dhe dëmshpërblimet mungojnë plotësisht. Sipas tij, fermerët përballen çdo vit me të njëjtën situatë, ndërsa qeveria mjaftohet me deklarata propagandistike dhe jo me zgjidhje reale.
Luan Baçi:
Çështjet e evidentuara nga zgjedhësit, ose e thënë më shqip, shqetësimet e tyre, hallet e tyre, që më shumë janë të krijuara nga qeverisja juaj, janë të shumta dhe të pambarim. Nisur nga koha e kufizuar që na vini në dispozicion, po e filloj nga shqetësimet e ditëve të fundit, të krijuara nga reshjet e shumta dhe pamundësia juaj në thonjëza për të menaxhuar pasojat që shkaktohen, duke i lënë qytetarët në mëshirë të fatit. Së pari, ju duhet të pranoni se në qoftë se do të merreshin masat paraprake, siç janë pastrimet e kanaleve kulluese, të para, të dyta, dhe gjithë problematikat që kanë arat dhe fushat e fermerëve, patjetër që përmbytjet nuk do të ishin në këto përmasa, ose nuk duhet të ndodhnin fare.
Dhe do t’ju lutesha shumë, mos na shisni si arritje shpeshherë ato që thoni se nuk pati përmbytje në banesa, se po të kishte përmbytje në banesa, pastaj ju nuk e di se çfarë vendi do të kishit këtu që duhet të rrinit në këto karrige. Fermerët denoncojnë gjithmonë se pastrimet që ju bëhen kanaleve kulluese, presin ca ferra dhe bëjnë sikur i pastrojnë kanalet, por në fakt bllokimi i tyre është evident. Dhe kjo duket se çdo vit ndodh e njëjta gjë. Përmbytje, dëmtimet e prodhimeve të tyre dhe propaganda nga ana juaj se do të bëni evidentim të dëmeve dhe dëmshpërblim për fermerët.
Por në fakt, çdo gjë ngelet me fjalë dhe premtime boshe. Ju, pushtetarë të mazhorancës, të tre mandateve, hidhni një sy kanaleve dy anët e rrugës Levan-Tepelenë. Është shumë e thjeshtë. Shikojini nga dritarja e makinës, mos bëni këpucët me baltë dhe do t’i shikoni që janë të bllokuara dhe shpeshherë nga këto ndodhin edhe përmbytje. Një nga faktet që unë po ju sjell. Të flasim më konkretisht për përmbytjet e fundit që thoni nuk ka pasur fare. Në Çerven, njësia vendore Frakull, janë mbi 80 hektarë sipërfaqe toke të mbjella dhe të përmbytura. Flasim për këto ditë dhe këto janë fakte të evidentuara.
Çfarë është bërë deri tani për evidentimin e fermerëve? Dëmin e shkaktuar apo dëmshpërblimin që ata duhet të marrin? Asgjë. Presim se do të ketë prapë shira, prapë përmbytje dhe pastaj shohim e bëjmë. Janë mbi 120 hektarë në bashkinë Fier, sipërfaqe toke të shumta dhe shumë sera të përmbytura. Çfarë është bërë deri tani? Asnjë masë nuk është marrë. As evidentime nuk janë bërë dhe absolutisht nuk po lëvizet. Në Frakull ka një numër të konsiderueshëm me serra të përmbytura, dëme të shumta, asnjë ndihmë për fermerët e dëmtuar. Asnjë evidentim të paktën nuk është bërë. -
Mogherini, historia e një eurokrateje të korruptuar: pazare me vende autokratike, vila, verëra të shtrenjta
Federica Mogherini, ish-shefja e Punëve të Jashtme të Bashkimit Evropian, ka qenë e dyshuar për korrupsion që në fillimet e punës. Vetëm një vit pasi kishte marrë detyrën, ajo shpalli një tender, në vitin 2015, për blerjen e seteve të gotave për pritjet që do të organizonte në selinë e Bashkimit Evropian. Për këto sete, në një total prej 3,600 gotash të vizatuara me flamurin e BE-së dhe të zbukuruara me ar, taksapaguesi evropian duhej të paguante një shumë prej 3 milionë dollarësh, shkruante gazeta angleze Daily Telegraph asokohe:
‘Diplomatët e Bashkimit Evropian planifikojnë të darkojnë në stil perandorak, duke porositur një shërbim banketi që mund të kushtojë deri në 2 milionë paund.
Shërbimi Europian për Veprim të Jashtëm (EEAS), që vepron si ministria e Jashtme e BE-së, do të blejë një gamë ‘shkëlqyese’ gotash kristali, takëmash argjendi dhe porcelani të punuar hollë për të organizuar bankete dhe darka për personalitete të rëndësishme që vizitojnë institucionin’, ka mësuar Daily Telegraph.
Seti i enëve, i destinuar të përdoret për deri në 3,360 zyrtarë dhe të ftuar në selinë e EEAS në Bruksel, si dhe në 140 ambasadat e saj në mbarë botën – do të jetë i zbukuruar me Flamurin e Europës, të gdhendur në gotat e pijes dhe të pikturuar me ari mbi porcelanin ‘me cilësi të lartë’, thuhet në artikull:
Sipas gazetës, zonja Mogherini ka administruar një fond jashtëzakonisht të madh gjatë kohës kur ka qenë shefe e shërbimit të jashtëm të BE-së:
‘I krijuar nga Traktati i Lisbonës i vitit 2009, ai drejtohet nga Përfaqësuesja e Lartë Federica Mogherini, ish-anëtare e Rinisë Komuniste që më pas u bë Ministre e Jashtme e Italisë. Shërbimi ka një staf prej 3,400 vetash, një buxhet prej 793 milionë eurosh (550 milionë paund) dhe zyra në Sejchelle, Australi, Kanada dhe Kazakistan’, thuhet në shkrim.
Në vitin 2017 në Shqipëri plasi një skandal që flet edhe më shumë për lidhjet korruptive të zonjës Mogherini me njerëz të vendosur në krye të misioneve në mbarë botën, ku natyrisht Shqipëria nuk mund të qëndronte jashtë. Portali Neweurope.eu publikoi një lajm në lidhje me blerjen e një vile ku do të qëndronte kryetarja e misionit të BE-së së asaj kohe, Romana Vlahutin:
‘Komisioni Europian ka blerë së fundmi një vilë 1.65 milionë euro në një bllok vilash në periferi të Tiranës. Vila ku do të jetojë ambasadorja e BE Romana Vlahutin ka kushtuar 4,700 euro metri katror. Interesant është fakti se vilat në zonë variojnë nga 1,000 deri 2,000 euro metri katror. Në një kërkim në internet në Shqipëri, një vilë e tillë e bukur 3-katëshe kushton pak më shumë se 850 mijë euro dhe ka një hapësirë 600 metra katrorë. Ajo që është mbreslënëse është fakti se vila e ambasadores së BE, që kushton 1.65 milionë euro, ka 345 metra katrorë’, shkruante në atë kohë portali.
Në lidhje me këtë çështje, Daily Telegraph njofton se Federica Mogherini kishte në plan të shpenzonte rreth 450 milionë euro për blerje pronash të patundshme në të gjithë botën, duke e arsyetuar me kostot e larta të qerave për krerët e shërbimeve:
‘Shërbimi ka plane madhore për zgjerim. The Telegraph ka parë dokumentet e tenderit për një linjë kredie me vlerë deri në 200 milionë euro për të blerë prona me vlerë deri në 450 milionë euro (312 milionë paund) në mbarë botën. EEAS tha se do të kursejë para në afat të gjatë duke i dhënë fund nevojës për të marrë ndërtesa me qira.’
Të dyja, si Federica Mogherini ashtu edhe Romana Vlahutin, kanë qenë mjaft aktive në mbrojtje të korrupsionit dhe trafikut të drogës në Shqipëri. Një fokus i veçantë i hetimit aktual në Belgjikë është blerja nga Kolegji i Evropës, në vitin 2022, e një ndërtese banimi në Spanjaardstraat në Bruges për rreth 3.2 milionë euro. Prona aktualisht strehon diplomatë që ndjekin akademinë. Blerja ndodhi gjatë një periudhe të raportuar të vështirësive financiare për institucionin dhe pak para se EEAS të niste një tender i cili më vonë i dha kolegjit rreth 654,000 euro fonde nga BE.
Federica Mogherini do të largohej nga kjo detyrë në vitin 2019, për t’u emëruar më pas si rektore e Kolegjit të Evropës në vitin 2020. Menjëherë pas kësaj ajo u përball me akuza të tjera. Në vitin 2022 ajo dha dorëheqjen nga bordi ‘Fight Impunity’, një organizatë joqeveritare me njerëz të njohur në përbërje. Dorëheqja erdhi pasi disa zyrtarë europianë, përfshirë disa eurodeputetë dhe vetë nënpresidenten e Parlamentit Europian, Eva Kaili, u akuzuan se kishin pranuar shuma të mëdha parash nga Katari, vendi pritës i Kupës së Botës.
Doha zyrtare mohoi akuzat, por skandali mori dhenë. Përveç Mogherinit, dorëheqje nga bordi ‘Fight Impunity’ dha edhe ish-kryeministri francez Bernard Cazeneuve, ish-komisioneri europian për Migracionin Dimitris Avramopoulos, ish-eurodeputetja Cecilia Wikström dhe eurodeputetja Isabel Santos. Ata u larguan pasi akuzat u drejtuan edhe kah themeluesi i këtij bordi, ish-eurodeputeti italian Pier Antonio Panzeri. Ky i fundit, i cili ishte dhe në krye të fondacionit, u arrestua nën akuzat për ryshfet dhe ndikim nga Katari.
Jeta luksoze dhe stili i dyshimtë i saj ishin përmendur edhe më herët nga mediat. Për shembull, në një takim 3-ditor me presidentin e Azerbajxhanit në vitin 2016, ajo harxhoi 75 mijë euro. Mogherini preferonte shërbimet e charter taxi për këto lloj takimesh.
Javët e fundit, ka patur një sërë akuzash të veçanta në lidhje me aktivitetet e inteligjencës hungareze në Bruksel. Gazetarët investigativë raportuan se oficerët hungarezë, që vepronin nën mbulesë diplomatike në përfaqësinë e përhershme të vendit midis viteve 2015 dhe 2017, u përpoqën të rekrutonin zyrtarë të BE-së, përfshirë stafin e Komisionit.
Këto pretendime për spiunazh përqendrohen në periudhën kur Olivér Várhelyi, tani Komisioner Europian, shërbeu si ambasador i Hungarisë në BE. Ai i tha Presidentes së Komisionit Ursula von der Leyen se nuk ishte në dijeni të ndonjë aktiviteti të tillë. Komisioni Europian ka krijuar një grup të brendshëm për të shqyrtuar akuzat, duke deklaruar se i trajton ato si një çështje sigurie operacionale.
Në fakt, duke i marrë me rradhë të gjitha rastet ku është përfshirë në korrupsion zonja Mogherini, ka një ngjashmëri të madhe edhe me veprimtarinë e saj në Shqipëri. Blerje vile shumë herë mbi çmimin, deklarata mbështetëse duke mohuar madje dhe trafikun e drogës, pritje luksoze nga ana e Ramës dhe të tjera si këto kanë qenë prezente në ato vite. Qoka e fundit që ajo do t’i bënte homologut të saj socialist ishte hapja e degës së Kolegjit të Evropës në Tiranë në vitin 2024. Por a është blerë godina nga ana e BE-së për këtë qëllim, apo është ende me qira, kjo nuk është bërë kurrë e ditur.
Deri më tani, si rast korrupsioni është raportuar vetëm vila ku është strehuar Misioni në Rolling Hills. Gjithsesi, edhe rasti i Shqipërisë dhe marrëdhëniet e Mogherinit me Ramën janë mjaft të dyshimtë dhe interesant për t’u hetuar