Analisti Frrok Çupi, i ftuar në emisionin “Real Story” u shpreh se i ka ardhur koha që reforma në drejtësi duhet riparë. Ai theksoi se drejtësia ka mohuar vetveten në shumë raste te pjesa e procedurës.
“ Kongresmeni amerikan thotë se ka ardhur koha për korrigjim. Është hera e parë që thuhet për reformën në drejtësie. Po patjetër. Mendoj se ka ardhur koha patjetër në disa drejtime. Ka ardhur, sepse u pa se çfarë ndodhi, e dyta ka ardhur se është maturuar mjaftueshëm si e mira dhe si e keqja.
E treta ka ardhur momenti që askush nuk thotë mos e preknin drejtësinë, sepse organet e drejtësisë kanë prekur veten edhe kanë mohuar vetveten në shumë elementet të vet. Në radhë të parë kanë mohuar vetveten në procedurë dhe i qëndrojnë idolit të ligjit, por procedura në fund çedon”, tha ai.
Sipas tij, reforma në drejtësi ka qenë një eksperiment, i cili e ka rënduar kombin shqiptar dhe shoqërinë në tërësi.
Ai shtoi se, në vend që numri i dosjeve të ishin në ulje, ato janë shumëfishuar.
“Duhet ndryshuar në radhë të parë që nga themeli, ku ishte si eksperiment dhe ne duhet ta marrim si eksperiment. Ne nuk e kemi vënë re, por eksperimenti me drejtësinë re ne na ka rënduar si komb, si shtet, si njerëz, sepse prokuroria dhe gjykata speciale ndërtohet në shoqëritë e vendeve të treta.
Është defekti i madh, por ama vinim nga një drejtësi krejt e shpartalluar. Nga 2016 deri sot janë 20 fishuar numri i dosjeve. Është alarmant, është katastrofë.
Duhet ndryshuar ligji, pastaj duhet ndryshuar ligjit duhet ndryshuar Kushtetuta. Kur drejtësia, kur gjykata sillet në mënyrë barbare me interesat publike, çfarë mund të bëjë me individin”, tha ai.
Category: Politikë
-
“Eksperiment që na ka rënduar si komb”, Frrok Çupi: Ja pse duhet rishikuar reforma në drejtësi
-
Ish-kreu i FRPD Durrës: Mesazhet për të mos marrë pjesë në takim ishin gabim! Anëtarësia është shkëputur nga lidershipi
Artion Barjamaj, ish-kryetar i FRPD në Durrës, ka komentuar në emisionin Off the Record në A2 CNN zhvillimet e brendshme të Partisë Demokratike dhe takimin e gjerë të organizuar së fundmi me strukturat lokale. Ai e cilësoi aktivitetin si “një mbrëmje shumë të rëndësishme” me pjesëmarrje masive, duke theksuar se demokratët kërkojnë komunikim, jo përplasje.
Barjamaj u shpreh se grupi organizator nuk po kërkon të fajësojë askënd, por synon të hapë një proces reflektimi brenda PD-së. “Ne duam të shikojmë çfarë është bërë mirë dhe çfarë jo, për të sjellë një parti demokratike kompetitive që jep shpresë”, tha ai. Edhe pse vetë nuk ka përjetuar presion për të mos marrë pjesë në takim, ai pranoi se mesazhe të tilla janë shpërndarë, duke i cilësuar ato si “hap i nxituar politik”.
Ish-kreu i FRPD theksoi se demokracia e brendshme është thelbësore për ringritjen e PD-së dhe se anëtarët duhet të kenë mundësi të mblidhen e të flasin lirshëm. Ai shtoi se situata në vend është alarmante, për shkak të krimit, drogës, mungesës së drejtësisë dhe arrogancës së pushtetit, çka e bën edhe më urgjente bashkimin e opozitës, shkruan A2 CNN.
Barjamaj falënderoi Sali Berishën si lider historik të PD-së, duke theksuar se pjesëmarrësit nuk kishin dalë për ta sulmuar apo për të cenuar figurën e tij, por për të ndërtuar urë komunikimi me lidershipin. Sa i përket deklaratës së Berishës, i cili tha se “nuk njihen mbledhjet jashtë forumeve”, Barjamaj u përgjigj se sfidat nuk i trembin. “Ai vetë na ka mësuar të mos tërhiqemi përballë sfidave”, tha ai.
-
“Deklaratat e kongresmenit amerikan për drejtësinë, të vërteta”/ Ish-Prokurori: Kur bie gjyqësori, qytetarët nuk marrin të drejtën e tyre!
Kongresmeni amerikan Keith Self ka ngriti shqetësime për reformën në drejtësi. Ai nënvizoi mbështetjen që Shtetet e Bashkuara të Amerikës i kanë dhënë Shqipërisë për të ndërtuar një gjyqësor të pavarur ndërsa thotë se rezultat aktuale ngrenë pikëpyetje nëse qytetarët po marrin drejtësi të paanshme.
Në një intervistë në emisionin “Real Story” në ABC News , ish-prokurori Ervin Karanxha tha se deklaratat dhe kritikat e kongresmenit amerikan janë tërësisht të vërteta.
Ai u shpreh se qytetarët po vdesin pa marrë drejtësi. Gjatë intervistës, theksoi se qytetarët kanë humbur aksesin në drejtësi, përveçse kanë distancë të largët me gjykatën, por edhe pamundësinë për të realizuar të drejtën.
Ai u shpreh se shteti duhet të marrë masa sepse pushteti gjyqësor është shumë i rëndësishëm.
“SHBA-të janë aleati ynë kryesor. Këto që thotë kongresmeni amerikan janë të vërteta. Reforma në drejtësi ka pasur kur nisi në fillim pika e parë ishte korrupsioni, pika e dytë mungesa e pavarësisë të gjyqtarëve e prokuroreve, tej zgjatja e afateve të dhënë në drejtësi , standardet e ulëta etike të prokurorëve…dhe aksesi i pamjaftueshëm në sistemin e drejtësisë. Mendoj që një pjesë e mirë nuk janë realizuar. Qytetarëve shqiptar duhet t’i jepet e drejta e tyre në një kohë të arsyeshme. Është emergjencë kombëtare. Kur bie gjyqësori që qytetarët nuk realizojnë të drejtën e tyre. Atëherë ky është alarm kombëtar. Shumë shqiptarë po vdesin dhe nuk po marrin drejtësi. Nganjëherë propaganda ngatërron reformën në drejtësi me SPAK dhe GJKKO. 98 % e qytetarëve shqiptarë kanë humbur aksesin në drejtësi”, tha ai. -
Foltorja në Durrës, Salianji: I shërben PD-së dhe jo interesave personale (VIDEO)
Pas Foltores në Durrës, Ervin Salianji tha për Report Tv se takimi nuk i shërben asnjë interesi personal të askujt, por rienergjizimit të Partisë Demokratike.
“Unë dua që PD të jetë parti e madhe dhe që njerëzit kanë sakrifikuar shumë. Unë kam bërë burg, shumë të tjerë kanë sakrifikuar financat, energjinë… Sot ishte e gjithë kupola e lartë e PD e zgjedhur me votë. Problemi i demokratëve dhe politika brenda PD-së është që askush nuk takon njerëz; kush takon njerëz, bën mirë”,- tha Salianji.
-
Shqipëria rast unik në BE për pezullimin e fondeve IPARD/ KE përgënjeshtron Ramën
Shqipëria rast unik në BE për pezullimin e fondeve IPARD/ KE përgënjeshtron Ramën
Nga foltorja e Kuvendit, gjatë prezantimit të projektbuxhetit 2026, kryeministri Edi Rama iu rikthye çështjes së ndërprerjes së fondeve IPARD, duke e minimizuar vendimin e Brukselit. Me ironi, Rama e cilësoi si “kënga e mjerueshme e fondeve të bujqësisë”. Ai u shpreh se hetimet e Zyrës Evropiane Kundër Mashtrimit (OLAF) për periudhën 2019–2023 kanë zbuluar shkelje të natyrës së ngjashme edhe në vende të BE-së.
Sipas kryeministrit shumat e identifikuara në këto vende arrijnë mbi 1 miliard euro.
“OLAF, i cili bën hetime për llogari të Komisionit Evropian, për vitin 2019–2023, nuk ka gjetur shkelje të të njëjtës natyrë, (siç ka gjetur në Shqipëri), vetëm në këto vende: Luksemburg, Maltë, Qipro, Irlandë edhe Holandë. Ndërkohë që shuma e vendosur nga OLAF-i përpara vendeve të tjera të Bashkimit Evropian… është mbi 1 miliard euro,” Edi Rama, Kryeministër i Shqipërisë.
Por ky krahasim është i pasaktë.
Shqipëria, një rast unik
Në një reagim të posaçëm për Faktoje.al, Komisioni Evropian sqaron se rasti i Shqipërisë është unik. Kjo sepse ndërprerja e pagesave për IPARD II dhe pezullimi i IPARD III u vendos mbi bazën e një hetimi të OLAF, jo thjesht mbi auditime teknike si në vendet anëtare të BE-së.
Në përgjigjen zyrtare për Faktoje.al, Komisioni Evropian thekson se masa e marrë ndaj Shqipërisë nuk ka precedent.
“Siç është thënë më parë, nuk ka raste të ngjashme,” deklaron KE për Faktoje.al
Komisioni shpjegon se është e domosdoshme të dallohen korrigjimet financiare për mangësi teknike në vendet anëtare, dhe masat e bazuara në një hetim të OLAF, siç është rasti i Shqipërisë.
“Në rastin e Shqipërisë, Komisioni Evropian ka ndërprerë rimbursimin e shpenzimeve të IPARD dhe, njëkohësisht, ka pezulluar delegimin për të gjitha masat e IPARD III mbi bazën e informacionit të marrë nga OLAF në kontekstin e një hetimi, dhe kjo që prej korrikut 2023.
Është e qartë se, për të korrigjuar mangësi të tilla, përmirësimet në sistemet kombëtare të kontrollit janë të nevojshme në të dyja situatat e përmendura më sipër”, shpjegon Komisioni Evropian.
Verën e vitit 2023, mbi bazën e informacionit të OLAF, Komisioni Evropian ndërpreu rimbursimet e IPARD II dhe pezulloi të gjitha masat e IPARD III. Për të rikuperuar besueshmërinë, Shqipëria duhet të përmirësojë sistemet e kontrollit dhe të zbatojë masa korrigjuese.
Gënjeshtër e përsëritur
Kjo nuk është hera e parë që qeveria minimizon ndërprerjen e fondeve IPARD II dhe pezullimin e programit IPARD III, për shkak të dyshimeve për korrupsion.
Korrikun e vitit 2023, kur Komisioni Evropian informoi qeverinë shqiptare se kishte pezulluar grantet për bujqësinë, vendimi ekstrem i Brukselit, u komentua si një procedurë administrative normale.
Ministrja e Bujqësisë asokohe, Frida Krifca, tha se parregullsi apo shpërdorime të ngjashme me fondet IPARD janë gjetur edhe në vende si Gjermania, Franca apo Holanda. Deklarata e atëhershme e ministres Frida Krifca, u përgënjeshtruan nga Faktoje.al përmes Komisionit Evropian.
Edhe në 2023, KE theksonte se masa ndaj Shqipërisë ishte e paprecedentë.
Përfundim
Komisioni Evropian argumenton se është e rëndësishme të bëhet dallimi midis korrigjimeve financiare të aplikuara ndaj shteteve anëtare të BE-së nga Drejtoria e Përgjithshme për Agrikulturën dhe Zhvillimin Rural (DG AGRI), kundrejt çështjeve që dalin në dritë mbi bazën e një hetimi nga Zyrës Evropiane Kundër Mashtrimit (OLAF), siç është rasti për Shqipërinë.
Nisur nga informacionet e mbledhura, deklaratën e kryeministrit Edi Rama se “OLAF nuk ka gjetur shkelje të të njëjtës natyrë siç ka gjetur në Shqipëri vetëm në Luksemburg, Maltë, Qipro, Irlandë edhe Holandë” e kategorizojmë të pavërtetë. -
Skandali Mogherinit, Këlliçi: Si u zhdukën 22 mln euro nga projektet e Kolegjit të Europës në Shqipëri
Skandali Mogherinit, Këlliçi: Si u zhdukën 22 mln euro nga projektet e Kolegjit të Europës në Shqipëri
Një ditë pas arrestimit të ish-shefes së Politikës së Jashtme të Bashkimit Europian, Federica Mogherini, për një aferë financiare prej 3.2 milionë eurosh që lidhet me tenderat e Kolegjit të Europës, deputeti i Partisë Demokratike, Belind Këlliçi, ngriti akuza të forta ndaj qeverisë shqiptare.
Këlliçi deklaroi se “skema korruptive” e zbuluar në Bruksel ka “degëzime” edhe në Tiranë, ku sipas tij, janë zhdukur me rreth 22 milionë euro fonde publike.
“Me një VKM të 13 marsit 2024, qeveria e Edi Ramës devijoi 17 milionë euro të destinuara për studentët shqiptarë, duke i përdorur ato për ndërtimin e Kolegjit të Europës”, tha Këlliçi.
Këlliçi shtoi se edhe Bashkia e Tiranës ka humbur rreth 5 milionë euro të përdorura për projektet e kampusit të Universitetit të Tiranës, Universitetit të Arteve dhe Akademisë së Policisë.
“Nëse Federica Mogherini u arrestua për 3.2 milionë euro, kolegët e saj në Shqipëri zhdukën 22 milionë euro për këtë aferë. Kolegji i Europës nuk u kushtoi miliona vetëm taksapaguesve të BE-së, por edhe shqiptarëve”, deklaroi Këlliçi.Postimi i Këlliçit
Nëse Federica Mogherini u arrestua për 3.2 milionë euro, kolegët e saj në Shqipëri, zhdukën me magji 22 milionë euro për këtë aferë. Kolegji i Europës nuk ju ka kushtuar miliona vetëm taksapaguesve të BE-së, por edhe atyre shqiptarë, më së shumti të rinjve.
Me një VKM të 13 marsit 2024, qeveria e Edi Ramës devijoi 17 milionë euro të destinuara për studentët shqiptarë, duke i përdorur ato për ndërtimin e Kolegjit të Europës.
Gjithashtu, ky vendim i qeverisë zhduku edhe rreth 5 milionë euro të përdorura nga Bashkia e Tiranës për hartimin e projektit të kampusit të Universitetit të Tiranës, “Ndërtim i Universitetit të Arteve” dhe “Ndërtim i Akademisë së Policisë”.
Mesa duket të korruptuarit e Tiranës janë integruar më së miri me aleatët e tyre të korruptuar europianë.
I mbetet popullit shqiptar, qytetarëve tanë të vjedhur e të grabitur në mënyrë të përditshme, të ngrihen në lartësinë e çdo qytetari të zakonshëm europian dhe të ndëshkojnë zyrtarët abuzues në Shqipëri, për aferën skandaloze të Kolegjit të Europës dhe jo vetëm! -
‘Droga, vendimarrëse kryesore’/ Berisha: Karteli i Troplinëve, pas portit të Durrësit merr të gjithë bregdetin
Kryetari i Partisë Demokratike, Sali Berisha ka reaguar në lidhje me emërimin e Xheni Beqaj si Drejtor i Agjencisë Kombëtare të Bregdetit nga kryeministri Edi Rama.
‘Karteli i Troplinëve pas portit të Durrësit merr të gjithë bregdetin, dhëndri i tyre Xheni Beqaj emërohet nga Ramaduro car i Bregdetit!’, shkruan Berisha në Facebook.
Postimi i plotë:
Karteli i Troplinëve pas portit të Durrësit merr të gjithë bregdetin, dhëndri i tyre Xheni Beqaj emërohet nga Ramaduro car i Bregdetit!
Dënoj me forcën më të madhe vendimin që dëshmon se droga është vendimarrëse kryesore e Shqipërisë!
-
“PD duhet të përgatitet që…”/ Salianji: Shqipëria po plaçkitet, gjithçka komandohet nga një dorë…
Ish-deputeti i PD, Ervin Salianji, nga Durrësi ka bërë thirrje që çdo demokrat t’i bashkohet lëvizjes për ndryshim, që ka si qëllim ripërtëritjen e PD dhe kthimin e saj në një alternativë qeverisëse.
Ervin Salianji: Ky është një moment i rëndësishwm ku çdo fjalë ka peshë dhe çdo diskutim krijon një valë për PD.
Keni dhënë kontribut për PD-në, duke u përballur me një autokraci që kontrollon gjithçka dhe në këmbin nuk keni kërkuar asgjë përveç vëmendjes mungesës.
Sot jemi këtu sepse demokratët janë duke thirrur. Shqipëria është duke thirrur. Dhe thirrjet e tyre as nuk duhet zbukuruar dhe as nuk duhet relativizur.
Këto thirrje janë dhimbje që duhet të rëndojnë në peshën e përgjegjësi të çdo politikani në PD i votuar apo i pa votuar.
Personalisht e kam ndjerë këtë thirrje dhe besoj se përgjigja jonë duhet të jetë e qartë.
PD duhet të përgatitet që të udhëheqë ndryshimin që të gjithë po presin.
Dhe ky ndryshim po fillon nga kjo sallë që po fillon. Nga kjo energji që është e pashtershme, por nuk i jepet mundësia për arsye që gjithsecili prej jush i di. -
“Berisha është braktisur në protestat para Kryeministrisë” Kauza e Salianjit, juristja Balliu: E drejtë
Kauzë të drejtë e ka cilësuar juristja Alesia Balliu, foltoren e Ervin Salianjit që e nisi ditën e sotme nga qyteti i Durrësit.
E ftuar në nje studio televizive ajo tha se kjo lëvizje është për riformimin e PD, e cila mund të arrihet me zëra si Salianji.
‘Kauza e Salinajit është e drejtë është për riformim e PD dhe është kauzë e vërtetë. Salianji e ka të vështirë se rrogtarët e Berishës nuk lejojnë asnjë që i cenon pushtetin e tyre. Po koha politike e Berishës ka mbaruar dhe kushdo që se pranon këtë është dështak që po ruan me fanatizëm mandatin e një deputeti.
Salianji është me individë që e ka votuar populli. Pse Berisha bëri foltore një ditë para tij, nga çfarë ka frikë ai. Si mundet kryetari i PD të hedh poshtë kontributin e Salianjit dhe thotë s’ka lidhje me PD kur ata janë individë me kartë anëtarësie të PD. Berisha ka 35 që është kryetra dhe pronar i asaj partie, por që PD të ecë para duhet që të ketë zëra si Salianji.
Berisha duhet të largohet, të japë dorëheqjen nga posti i kryetarit të partisë sipas nenit që ka partia’, tha ajo.
Balliu tha se Berisha është braktisur në protestat që zhvillon para Kryeministrisë, pasi nuk mbledh dot më njerëz.
‘Sot protestat që bënë Berisha nuk kanë moral dhe prandaj populli e ka braktisur. Aty shkojnë jo më shumë se 200 veta’, tha ajo.
Për Jasmira Memellin, zëdhënësen e Partisë së Lirisë, me rëndësi është kauza për të cilën protestohet dhe jo numrat.‘Ajo është foltore si për deputetë dhe për qytetarët për të bërtitur me zë të vërtetat që po i rëndojnë këtij vendi. Qytetarët shprehen lirshëm aty, ata janë të rënduar nga hallet që ata kanë sepse s’kanë hapësira të tjera.
Zëri i tyre duhet që të përcillet. Pak rëndësi ka numri, rëndësi ka mesazhi. Atje mund të jenë edhe 3 veta edhe 30 veta. Kur nuk është thirrur protestë nuk mund të thuhet se është protestë. Ne i jemi bashkuar me PD për kauzat që i kemi të përbashkëta, dhe qëllimi është që zëri i atyre që nuk dëgjohet të dëgjohet’, tha ajo. -
Gjykata e Bosnjës rrëzoi SKY ECC/ Manjani: Gjykatat tona janë si ‘bufi’
Ish-ministri i Drejtësisë Ylli Manjani ka reaguar pas vendimit të Gjykatës së Tuzlës në Bosnje për rrëzimin e përdorimit të të dhënave të SKY ECC.
Përmes një reagimi në rrjetet sociale, Manjani shkruan se gjykata në Bosnje ka përdorur argumentet që ai dhe avokati Gurali Brahimllari kanë paraqitur prej më shumë se dy vite e gjysmë në gjykatat shqiptare.
“Por hiç! Gjykatat tona janë si bufi. Ja, na dëgjojnë komshinjtë”, shkruan Manjani ndër të tjera.
Reagimi i plotë:
Hej dreq o punë!
Flasim ne këtu e na dëgjojnë komshinjtë.
Rrezimin e të dhënave të SKY ECC, gjykata e Bosnjes e ka bërë fiks, po fiks me ato argumente të Gurali Brahimllari dhe unë kemi 2 vite e gjysëm që i paraqesim në gjykatat tona.
Ore thuaju ti se janë përgjime masive, jo të individualizuara; janë të papërdorshme se nuk dihet se çfarë janë e nga vijnë këto të dhëna; janë të dhëna që vetëm shërbimet sekrete i sigurojnë dhe i përdorin për qëllimet e tyre; janë jo autentike dhe nuk mund të nxjerrësh konklione të drejta mbi to; etj etj etj.
Por hiç!
Gjykatat tona janë si bufi.
Ja, na dëgjojnë komshinjtë.
Gjykata e Tuzlës në Bosnje, e ka rrëzuar përdorimin e tyre, përgjatë gjykimin të një grupi kriminal.
E kuptoni apo jo?!
Edhe gjykata e Bosnjës ka më shumë kurajo për ligjshmëri dhe proçes të rregullt ligjor.
Gjykata jonë thjesht mbron SPAK-un, për ato arsye që i kemi thënë…