Lajmidites.com

Category: Lifestyle

  • Pse duhet të filloni menjëherë të konsumoni ujë të ngrohtë me limon

    Pse duhet të filloni menjëherë të konsumoni ujë të ngrohtë me limon

    Një gotë ujë e ngrohtë me limon në mëngjes është një ritual i thjeshtë, por me efekte të mrekullueshme në trup dhe mendje.
    Kjo përzierje ndihmon në pastrimin e organizmit nga toksinat, stimulon tretjen dhe përgatit sistemin tuaj për ditën që vjen. Vitamina C që gjendet në limon forcon sistemin imunitar, përmirëson shëndetin e lëkurës dhe lufton radikalet e lira që shkaktojnë plakje të parakohshme. Përveç kësaj, ky zakon rrit ndjesinë e energjisë natyrale pa pasur nevojë për kafeinë.
    Pini një gotë çdo mëngjes me stomakun bosh dhe prisni 15 minuta para mëngjesit, një zakon i vogël që mund të bëhet një ndryshim i madh në mirëqenien tuaj.

  • Thinja në moshë të re? Zbuloni se cilat janë arsyet

    Thinja në moshë të re? Zbuloni se cilat janë arsyet

    Flokët e bardha apo gri nuk tregojnë medoemos plakjen. Flokët fillojnë të zbardhen kur rrënjët nuk prodhojnë më melaninë, pigmentin që i jep ngjyrë flokëve.
    Thinjat fillojnë të shfaqen zakonisht në moshën 30-vjeçare, por nuk do të thotë që një 20-vjeçare mund të mos ketë thinja.
    Përpos melaninës janë disa faktorë të tjerë të cilët luajnë një rol të rëndësishëm në daljen e thinjave.

    Pirja e duhanit, faktorët e jashtëm mjedisorë si rrezet ultravjollcë dhe ajri tepër i ndotur janë shkaktarë të flokëve gri.
    Në raste të rralla, thinjat e parakohshme mund të jetë një shenjë e sëmundjes vitiligo, anemi (kur trupi e ka të vështirë thithjen e vitaminë B12) ose problemet që përfshijnë hipofizën apo gjëndrat tiroide./vizionplus.tv

  • Si ta rifreskoni trurin në vetëm 10 minuta

    Si ta rifreskoni trurin në vetëm 10 minuta

    Në jetën e përditshme të ngarkuar, truri ynë shpesh funksionon pa pushim. Stresi, zhurma dhe ekranet e shumta e lodhin dhe i ulin përqendrimin. Por ka mënyra të thjeshta për ta rifreskuar mendjen në vetëm 10 minuta.
    Një shëtitje e shkurtër në ajër të pastër, frymëmarrja e vetëdijshme, meditimi i lehtë ose dëgjimi i muzikës relaksuese janë teknika që rikthejnë qetësinë mendore. Edhe mbyllja e syve për disa minuta dhe fokusimi në ndjesinë e trupit ndihmon trurin të rikuperohet.
    Nëse këto bëhen pjesë e përditshmërisë, do të vini re përmirësim të menjëhershëm në fokus, humor dhe gjumë. Kujdesi për mendjen është po aq i rëndësishëm sa kujdesi për trupin.

  • “Në planin financiar kënaquni me gjendjen që keni, pa kërkuar të pasuroheni shpejt”, parashikimi i yjeve për secilën shenjë Horoskopi

    “Në planin financiar kënaquni me gjendjen që keni, pa kërkuar të pasuroheni shpejt”, parashikimi i yjeve për secilën shenjë Horoskopi

    Dashi
    Do jeni te gatshëm te bëni çdo lloj sakrifice gjate kësaj dite ne mënyrë qe marrëdhënia ne çift te ece ne rrugën e duhur. Beqaret nga ana tjetër do ndihmohen mjaft nga Jupiteri dhe Venusi dhe do e gjejnë personin qe kane ëndërruar. Ne planin financiar fati do jete me ju dhe do ju ndihmoje t’i kaloni te gjitha problemet. Nuk do jeni me te stresuar.
    Demi

    Nuk do e keni aspak te vështirë te ruani një klime te ngrohte sot ne jetën tuaj ne çift. Partneri do jete gati te pranoje çdo gjë qe do i thoni apo do i bëni. Dashuria e tij është me e madhe nga sa e mendonit. Beqaret nuk do jene ne humor te mire dhe nuk do e dini çfarë hapash te hedhin. Prisni derisa te vije momenti. Ne planin financiar mos i besoni shume intuitës dhe kurseni sa te mundni.
    Binjaket
    Dite e mbushur me surpriza kjo e sotmja për ata qe janë ne një lidhje. Venusi do krijoje një klime aq harmonike saqë ju nuk do dëshironi te qëndroni vetëm asnjë sekonde. Beqaret do jene kapricoze dhe nuk do i pranojnë te gjitha ftesat qe do ju bëhen. Ka rrezik qe edhe për disa kohe te mbeten vetëm. Ne planin financiar mos kërkoni te pasuroheni menjëherë sepse nuk do ja dilni.
    Gaforrja
    Planetët do e mbrojnë gjithë kohës sot jetën tuaj ne çift kështu qe nuk priten probleme apo vështirësi te mëdha. Gjithsesi ndonjë debat i vogël edhe mund te ndodhe, por nuk do lere pasoja. Beqaret do dalin neper takime dhe do jene gati te kalojnë edhe etapat. Ne planin financiar duhet te bëni kujdes. Po gabuat sot do përballeni me pasoja goxha te renda me pas.
    Luani
    Ka shume mundësi qe marrëdhënia juaj ne çift te ketë përmirësime sot. Personi qe keni ne krah do jete i gatshëm t’ua plotësojë dëshirat dhe t’iu beje te ndiheni sa me mire. Beqaret do e nisin një histori dashurie te bukur, por qe nuk do jete deri ne përjetësi. Ne planin financiar do jeni largpamës dhe nuk do hidhni hapa te pamenduara.
    Virgjeresha
    Dashuri e çmendur, pasion dhe emocione pa fund gjate kësaj dite. Do kaloni çaste fantastike pranë atij qe dashuroni. Beqaret nuk do kenë besim tek personat qe do takojnë dhe nuk do arrijnë dot te krijojnë një lidhje. Duhet ende kohe qe ju te ndryshoni status. Financat do jene te organizuara. Nuk pritet as vështirësia me e vogël ne këtë sektor.
    Peshorja
    Dite goxha e vështirë kjo e sotmja për ata qe janë ne një lidhje. Nuk do kuptoheni aspak me atë qe keni ne krah dhe do doni gjithë kohës te dale e juaja. Beqaret do i kenë te gjitha mundësitë për te gjetur personin e ëndrrave, mjafton ta hapin zemrën. Ne planin financiar nuk duhen ndërmarrë rreziqe edhe sikur gjendja te jete e qëndrueshme.
    Akrepi
    Do kenë debate dhe mosmarrëveshje ne çift sot, por nuk ka për te ndodhur asgjë katastrofike. Mos mendoni gjithmonë me te keqen, por ruajeni optimizmin. Beqaret do e deklarojnë dashurinë qe kane për dike dhe mund ta ndryshoje tërësisht te ardhmen. Ne planin financiar kënaquni me gjendjen qe keni, pa kërkuar te pasuroheni shpejt.
    Shigjetari
    Do ndiheni mjaft mire sot pranë atij qe dashuroni dhe do filloni te ndertoni një te ardhme me te. Do diskutoni gjere e gjate edhe për tema delikate dhe do merrni vendime. Beqaret nuk ndihen ende gati te ndryshojnë status dhe do mjaftohen vetëm me njohje te reja. Ne planin financiar nuk duhet te bëni çmenduri sepse situata mund t’iu dale jashtë kontrollit.
    Bricjapi
    Do i zgjidhni vështirësitë e vogla qe keni pasur sot ne jetën tuaj ne çift dhe do ndiheni me te qete. Mos prisni menjëherë emocione dhe pasion te zjarrte. Beqaret nuk do kenë për çfarë te qahen. Edhe nëse nuk e gjejnë personin duhur do kalojnë çaste fantastike me miqtë. Financat here do jene shume delikate. Kujdes me çdo lloj shpenzimi.
    Ujori
    Do keni shume besim tek partneri juaj gjate kësaj dite dhe do ndiheni gati te hidhni edhe ndonjë hap me tej. E ardhmja do jete shume emocionuese. Beqaret do kenë një dite normale dhe pa asgjë te veçante. Te ardhurat do kenë shume tronditje. Disa mund te kenë vështirësi edhe për te kryer shpenzimet e nevojshme ditore. Kujdes!
    Peshqit
    Do kaloni goxha sfida te vështira gjate kësaj dite juve qe jeni ne një lidhje. Edhe pse partnerin do e keni gjithmonë mbështetje vështirë se do arrini t’i kaloni pa pasoja problemet qe do ju dalin. Beqaret do kenë komplekse dhe nuk do i pranojnë ftesat qe do ju bëhen. Ne planin financiar do ndiheni edhe me euforike duke qene se te ardhurat do kenë përmirësime.

  • Keqkuptime te vogla dhe durim, parashikimi i horoskopit për ditën e sotme

    Keqkuptime te vogla dhe durim, parashikimi i horoskopit për ditën e sotme

    Dashi
    Në marrëdhënie do të ndjeni nevojën për më shumë intimitet dhe mirëkuptim, ndaj shprehni ndjenjat hapur me partnerin. Në punë, një detyrë e re mund t’ju vërë në provë, por do të tregoni aftësi të mira organizative. Kujdesuni për shëndetin, pasi lodhja mund të ndikojë në energjinë tuaj sot. Në aspektin financiar, shmangni shpenzimet e panevojshme dhe përpiquni të kurseni.
    Demi
    Sot, mund të ketë keqkuptime të vogla në marrëdhënie, ndaj dialogu i hapur është çelësi për t’i shmangur. Në ambientin e punës, bashkëpunimi me kolegët do t’ju ndihmojë të arrini objektivat. Shëndeti do të jetë i mirë nëse bëni aktivitet fizik të lehtë. Financat paraqiten të qëndrueshme, por mos merrni rreziqe të mëdha.
    Binjakët
    Dita sjell harmoni në jetën tuaj sentimentale, dhe është momenti ideal për të kaluar kohë cilësore me të dashurin tuaj. Në punë, krijimtaria juaj bie në sy dhe mund t’ju ofrohet një mundësi e re. Kujdes me shëndetin, pasi një ushqim i rëndë mund t’ju shkaktojë shqetësime. Në planin financiar, është koha të mendoni për investime afatgjata.
    Gaforrja
    Marrëdhëniet romantike kërkojnë pak më shumë durim sot, ndaj mos nxitoni në përfundime. Në punë, përqendrimi është thelbësor për të mbyllur me sukses detyrat e rëndësishme. Shëndeti është i qëndrueshëm, por mos neglizhoni pushimin. Financat mund të përmirësohen falë një pagese të vonuar që më në fund mbërrin.
    Luani
    Komunikimi me partnerin do të jetë i ngrohtë dhe i sinqertë, duke forcuar lidhjen tuaj emocionale. Në punë, do të ndiheni të motivuar për të nisur projekte të reja. Kujdesuni për veten duke bërë ushtrime ose duke marrë pak kohë për relaksim. Financiarisht, është dita e duhur për të analizuar shpenzimet e muajit dhe për të bërë plane të reja.
    Virgjëresha
    Sot do të ndjeni më shumë ngrohtësi nga familja dhe partneri, duke ju dhënë qetësi shpirtërore. Në vendin e punës, bashkëpunimi dhe ndihma e kolegëve do të sjellë rezultate pozitive. Shëndeti është i mirë, por praktikoni meditimin për të larguar stresin. Në aspektin financiar, shmangni huadhëniet dhe ruani balancën në shpenzime.
    Peshorja
    Marrëdhëniet do të jenë në qendër të vëmendjes dhe mund të merrni një surprizë të këndshme nga partneri. Në punë, një projekt i rëndësishëm kërkon vëmendje të veçantë dhe aftësi menaxhuese. Kujdesuni për sistemin nervor duke shmangur stresin. Financat janë në një periudhë të qëndrueshme, por duhet të jeni të kujdesshëm me investimet.
    Akrepi
    Dita është ideale për të sqaruar mosmarrëveshje me partnerin dhe për të forcuar besimin mes jush. Në punë, mund të merrni njohje për përpjekjet tuaja të fundit. Shëndeti kërkon pak më shumë vëmendje, sidomos në ushqyerje dhe gjumë. Financat paraqiten të mira, por shmangni blerjet impulsive.
    Shigjetari
    Në dashuri, surprizat pozitive nuk do të mungojnë dhe do të ndiheni më të lidhur me partnerin. Në punë, do të keni mundësi të shfaqni aftësitë tuaja dhe të fitoni vlerësim nga eprorët. Kujdesuni për shëndetin duke hidratuar trupin dhe duke shmangur stresin e tepërt. Financat janë të qëndrueshme, por është mirë të mos e teproni me shpenzimet.
    Bricjapi
    Në marrëdhënie do të ndjeni nevojën të flisni hapur për ndjenjat tuaja, gjë që do të sjellë më shumë harmoni. Në punë, një bashkëpunim i ri mund t’ju çojë drejt sukseseve të papritura. Shëndeti është i mirë, por mos neglizhoni aktivitetin fizik. Në aspektin financiar, është momenti për të përmirësuar menaxhimin e buxhetit.
    Ujori
    Sot do të ndjeni një lidhje të veçantë me partnerin, duke ju sjellë momente romantike. Në punë, do të përballeni me sfida të vogla, por do t’i kaloni me qetësi dhe përkushtim. Kujdesuni për shëndetin mendor duke marrë pak kohë për veten. Financat janë të stabilizuara, por planifikoni me kujdes shpenzimet e ardhshme.
    Peshqit
    Marrëdhëniet me të afërmit dhe partnerin do të jenë të qeta, duke ju dhënë siguri emocionale. Në punë, do të përfitoni nga një mundësi e re që kërkon guxim dhe vendosmëri. Shëndeti është i mirë, por mos e neglizhoni ushqimin e shëndetshëm. Financiarisht, është koha të filloni të kurseni për projekte të ardhshme.

  • Rreziku i jetës së ulur dhe roli i kakaos, si mund t’i mbrojmë enët e gjakut

    Rreziku i jetës së ulur dhe roli i kakaos, si mund t’i mbrojmë enët e gjakut

    Shumë studime shkencore kanë nxjerrë në pah rreziqet e një jete kryesisht ulur, ku kalohen orë të tëra pa lëvizje, me aktivitet minimal fizik. Jetesa e ulur është lidhur me një rrezik të shtuar për presion të lartë të gjakut dhe sëmundje të zemrës.
    Rritja e aktivitetit fizik mbetet rekomandimi kryesor për të zbutur pasojat e këtij stili jetese. Megjithatë, edhe ata që ushtrojnë rregullisht nuk eliminojnë plotësisht rrezikun kardiovaskular.
    Një studim i botuar në The Journal of Physiology tregoi se 2 orë ulje e pandërprerë ndikuan negativisht në funksionin e enëve të gjakut tek të rinjtë meshkuj, pavarësisht nga gjendja e tyre fizike: efektet ishin të njëjta tek pjesëmarrësit me formë fizike të lartë dhe mesatare.

    Ky përfundim shqetëson, duke marrë parasysh stilin modern të jetesës, ku të rinjtë kalojnë rreth 6 orë në ditë ulur, një rritje prej 18% gjatë 20 viteve të fundit.
    Kakaoja si “shpëtim” ushqyes
    Për të kuptuar nëse ndërhyrjet dietike mund të ndihmojnë, studiuesit dhanë pjesëmarrësve një pije kakaoje me përmbajtje të lartë flavanolesh (695 mg përbërës ushqyes natyral) ose një pije me përmbajtje të ulët flavanolesh. As pjesëmarrësit, as studiuesit nuk e dinin se kush kishte marrë cilën pije deri në përfundim të studimit.
    Duke matur mënyrën se si zgjerohen arteriet si përgjigje e rrjedhjes së gjakut, studiuesit vëzhguan shëndetin vaskular të dy arterieve: brachiale dhe femorale. Pas 2 orësh uljeje, funksioni i enëve të gjakut u ul ndjeshëm në të dy grupet, pavarësisht nga gjendja e tyre fizike.
    Edhe uljet e vogla kanë rëndësi: një ulje prej vetëm 1% në zgjerimin e arterieve mund të përkthehet në rreth 9% rrezik më të lartë për sëmundje zemre me kalimin e kohës. Pra, edhe pse ushtrimi jep përfitime afatgjata për zemrën, ai nuk mbron trupin nga efektet e menjëhershme të uljes së gjatë në rrjedhën e gjakut. Studiuesit sqaruan se gjendja fizike nuk ofron “asnjë mbrojtje”.
    Si vepron kakaoja
    Kur pjesëmarrësit konsumuan kakao me përmbajtje të lartë flavanolesh, enët e tyre të gjakut ruajtën funksionin normal gjatë gjithë dy orëve të uljes dhe, në disa raste, përmirësuan pak funksionin.
    Ndryshe nga aktiviteti fizik, i cili ndihmon duke rritur rrjedhjen e gjakut, flavanolesh duket se veprojnë në nivel molekular: përmirësojnë prodhimin e oksidit nitrik, një përbërës që mban enët e gjakut elastike, dhe ulin nivelin e endotelines-1, e cila shkakton tkurrjen e tyre.
    Sasia e flavanolesh e përdorur në studim nuk është e madhe. Doza të ngjashme gjenden në një filxhan kakaoje pa sheqer, çokollatë të zezë me përqendrim të lartë kakaoje, ose në disa racione çaji jeshil, boronicash ose mollësh. Studiuesit përdorën kakao pa sheqer ose yndyrë shtesë, gjë që mund të ketë ndikuar ndjeshëm në rezultatet për shëndetin.
    Çështja e presionit të gjakut
    Megjithëse kakao ruante funksionin e enëve të gjakut, nuk pengonte rritjen e presionit diastolik: pas 2 orësh uljeje, presioni diastolik i pjesëmarrësve u rrit 2,4–5,8 mmHg, pavarësisht nga gjendja fizike ose marrja e flavanolesh.
    Ky është shqetësues, pasi tek të rinjtë, presioni diastolik është një tregues më i fortë i rrezikut të vdekshmërisë sesa presioni sistolik. Disa pjesëmarrës arritën edhe nivele para-hipertensive. Studiuesit sugjerojnë se për të luftuar këtë efekt mund të nevojitet suplementim i flavanolesh në kohë të gjatë, jo vetëm një dozë e vetme.
    Si ta përdorim në praktikë
    Studimi përfshiu vetëm meshkuj të rinj 18–45 vjeç, prandaj rezultatet mund të mos vlejnë për gra ose të moshuar. Gjithashtu, seancat uljeje zgjatën vetëm 2 orë, shumë më pak se koha mesatare e uljes së shumicës së të rriturve. Megjithatë, përfundimi është i qartë: aktiviteti fizik vetëm nuk kompenson plotësisht dëmin nga ulja e gjatë.
    Kjo nuk do të thotë që duhet të zëvendësoni ushtrimet me çokollatë. Por kombinimi i pushimeve aktive me ushqime të pasura me flavanolesh mund të ofrojë një mbrojtje të dyfishtë. Ushqimi i zgjuar mund të ndihmojë në ruajtjen e shëndetit të arterieve kur aktiviteti fizik nuk është i mundur.

  • Goditje në tru edhe tek të rinjtë/ Mjekët: Shtohen rastet në moshat mbi 25 vjeç

    Goditje në tru edhe tek të rinjtë/ Mjekët: Shtohen rastet në moshat mbi 25 vjeç

    Insultet, sëmundjet kur një enë e gjakut në tru çahet apo bllokohet dhe për pasojë qelizat në zonën e prekur fillojnë të vdesin nga mungesa e oksigjenit dhe lëndëve ushqyese duke shkaktuar invaliditet e deri humbje jete po shohen. Për neurologët shqetësues është fakti se ato po prekin dhe të rinj.

    “Janë pathologji në rritje dhe jo vetëm në moshën e tretë, vitet e fundit kemi rritje të infarkteve dhe hemoragjive dhe në mosha të reja, mbi moshën 30 apo 35 vjeç. 1 në 4 persona mbi moshën 25 vjeç rrezikon të preket nga insultet cerebrale.

    Në Shqipëri sipas statistikave numri ka ardhur në rritje dhe mund të themi që në vit kemi minimalisht 3 -4 mijë raste të reja me infarkte te trurit, pra raste që bëjnë për herë të parë strok. Ndërkohë që 25% e ketij numri janë raste të përsëritura, që janë infarkte apo hemoragji të trurit për herë të 2-3-4-5.”

    Arsye sipas mjekëve është neglizhenca ndaj disa prej faktorëve që mund të modifikohen.

    “Këtu hy hipertensioni, diabeti, dislipidemitë, alkooli, duhani, disa pathologji të tjera me koagulopatitë se një pjesë e tyre hyne dhe tek ato që quhen faktorë të pamodifikueshëm.

    Sipas studimeve në qoftë se ne bëjmë modifikimin dhe rregullimin e këtyre faktorëve do kemi ulje të infarkteve dhe hemorragjive të trurit me 90%.

    Është e domosdoshme të kemi diagnostikim të hershëm të pathologjive duke filluar që nga hipertensioni, dislipidemitë, diabeti. Duhet të kemi marrjen e rregullt të mjekimit, dhe është e domosdoshme eleminimi i alkoolit dhe duhanit dhe është akoma më e domosdoshme ajo që quhet aktivitet fizik pra minimalisht një njeri që të ketë një jetë të shëndetshmë duhet të bëjë aktivitet fizik që shkon nga 3 deri ne 5 herë në javë deri në 60 minuta ne herë.“

    Një turbullim i pamjes, humbja e ekujlibrit, dhimbje e papritur dhe fortë e kokë që mund të shoqërohet dhe me humbje të vetëdijes mund të jenë shenja parlajmëruese të një insulti. Mjekët këshillojnë të mos neglizhohen dhe të kërkohet ndihmë brenda 3- 4 orëve të para. Sa më shpejt të nisë trajtimi aq më të pakta janë dëmet që mund të shkaktojë një goditje e tillë.

  • Shpërthejnë sërish tubacionet e ujësjellësit pranë konviktit të studentëve në Elbasan

    Shpërthejnë sërish tubacionet e ujësjellësit pranë konviktit të studentëve në Elbasan

    Një situatë shqetësuese është regjistruar mbrëmjen e sotme në qytetin e Elbasanit, pranë rrethrrotullimit të Konviktit të studentëve të Universitetit “Aleksandër Xhuvani” , ku kanë shpërthyer sërish tubacionet e reja të ujit të pijshëm, të shtruara nga ndërmarrja “Ujësjellës-Kanalizime”.

    Pamjet nga vendngjarja tregojnë një sasi të madhe uji që del me presion të lartë, duke krijuar një pamje të ngjashme me shatërvan, ndërsa rruga është mbuluar nga ujërat që rrjedhin pa kontroll. Ngjarja ka ndodhur rreth orës 18:30 dhe, sipas banorëve të zonës, deri në këto momente nuk ka mbërritur asnjë ekip teknik nga ujësjellësi për të ndërhyrë.

    Banorët e lagjes “Haxhia” shprehen të revoltuar, pasi kjo është hera e tretë që tubacionet e reja shpërthejnë brenda një periudhe të shkurtër kohe. Ata theksojnë se kanë bërë disa herë ankesa pranë institucioneve përkatëse, por pa marrë zgjidhje konkrete, ndërsa punimet e kryera sipas banorëve lënë për të dëshiruar.

  • Elbasani nën pushtetin e ujit/ Rreshjet e dendura sjellin vështirësi në qarkullimin e mjeteve

    Elbasani nën pushtetin e ujit/ Rreshjet e dendura sjellin vështirësi në qarkullimin e mjeteve

    Vendi ynë këtë të shtunë u përballë me rreshje të dendura shiu në të gjithë territorin. Situata u paraqit disi më problematike në qytetin e Elbasanit.

    Nga pamjet e publikuara në media, shihen rrugët e qytetit të përmbytura dhe vështirësi në qarkullimin e mjeteve.

    Sipas sinoptikanëve, moti i paqëndrueshëm do të vijojë edhe ditën e nesërme.

  • Nëntori rezervon surpriza, katër shenjat e zodiakut që do të gjejnë dashurinë

    Nëntori rezervon surpriza, katër shenjat e zodiakut që do të gjejnë dashurinë

    Nëntori rezervon surpriza për disa shenja me fat në sektorin e marrëdhënieve. Është muaji ku zemra merr përsëri drejtimin. Energjia e vjeshtës transformohet në butësi, shoqëri dhe dëshirë për lidhje autentike.
    Yjet sjellin ndjesi romantike, takime të papritura dhe mundësinë për të përjetuar përsëri ndjenjat e vërteta, pikërisht kur menduam se zemrat tona kishin nevojë për një pushim.
    Disa shenja do të tërhiqen nga një energji më e butë dhe më e thellë, plot spontanitet dhe ndershmëri. Është një periudhë që favorizon ata që nuk kanë frikë të dëgjojnë intuitën e tyre dhe i lënë emocionet e tyre t’i habisin.
    Le të shohim se cilat shenja të zodiakut do të jenë veçanërisht me fat në dashuri këtë muaj.
    Demi
    Nëntori i sjell Demit stabilitet, butësi dhe një dëshirë të ripërtërirë për të ndërtuar diçka kuptimplote. Planetët krijojnë mjedisin ideal për thellimin e marrëdhënieve të reja ose ringjalljen e lidhjeve që kanë humbur vitalitetin e tyre. Është një kohë kur butësia mbizotëron mbi impulsin dhe aktet e vogla të dashurisë flasin më shumë se fjalët.
    Gaforrja
    Për Gaforren, nëntori sjell një energji të ngrohtë emocionale. Ata të kësaj shenje do të ndiejnë një nevojë të fortë për afërsi dhe ndarje, dhe universi do të përgjigjet me mundësi të reja. Është muaji ideal për të krijuar lidhje të bazuara në besim dhe empati. Edhe ata që janë zhgënjyer kohët e fundit do të gjejnë ngushëllim dhe një fillim të ri: zemra do të besojë përsëri në dashuri, këtë herë me pjekuri më të madhe.
    Shigjetari
    Shigjetari rizbulon natyrën e shkujdesur dhe pasionante që i karakterizon. Nëntori i shtyn drejt emocioneve të reja, plot entuziazëm dhe zbulime.
    Yjet favorizojnë flirtet që lindin spontanisht, ndoshta në një udhëtim ose në një takim të rastësishëm. Është një muaj që e fton Shigjetarin të jetojë pa shumë “duhet”, duke ndjekur instinktin dhe duke shijuar çdo moment.
    Peshqit
    Peshqit janë ndër të preferuarit e mëdhenj të periudhës. Dashuria kthehet në plan të parë me gjithë imagjinatën dhe fuqinë e saj romantike.
    Planetët forcojnë marrëdhëniet dhe lidhjet e sinqerta që lindin nga afiniteti i thellë emocional, jo nga tërheqja sipërfaqësore. Nëntori parashikohet të jetë plot me emocione intensive dhe është ideal për ata që ëndërrojnë një marrëdhënie që i flet drejtpërdrejt zemrës dhe shpirtit.