Lajmidites.com

Category: Lifestyle

  • Keni shikim të turbullt nga qëndrimi i gjatë para ekraneve? Ja çfarë duhet të bëni sipas ekspertëve

    Keni shikim të turbullt nga qëndrimi i gjatë para ekraneve? Ja çfarë duhet të bëni sipas ekspertëve

    Fakti që më shumë njerëz po punojnë nga shtëpia, nënkupton se ata kalojnë më shumë orë duke parë ekranet e kompjuterave dhe pajisjet e lëvizshme si celularët dhe tabletët.
    Ekspertët e syve në SHBA, thonë se kjo mund të krijojë disa probleme të përkohshme me shikimin.
    Sipas tyre nëse shihni shumë gjatë në një monitor kompjuteri apo në celular, dhe më pas përjetoni një shikim të turbullt të përkohshëm, kjo ka të ngjarë të ndodhë pasi po thahet shtresa e lagështisë në sipërfaqen e përparme të syrit tuaj.

    “Nëse niveli i lagështisë nuk është i duhuri dhe i njëtrajtshëm, dhe me cilësinë dhe sasinë e duhur, shikimi ka tendencë që të turbullohet. Prandaj njerëzit mund të vërejnë se kanë një shikim të paqartë, në një moment ata shohin në mënyrë të mjegullt. Por vetëm pak më vonë shikimi qartësohet vetë”, thotë dr.Muriel Shornak.
    Pulitja e syve përhap një sasi loti të rëndësishëm mbi sipërfaqen e përparme të syrit.
    “Sa herë që jemi duke bërë ndonjë gjë që kërkon vëmendje të veçantë tek detajet vizuale, bie shkalla e pulitjes së syve tanë”- shton ekspertja.
    Në vend të një shkalle normale të pulitjes nga çdo 5-7 sekonda, kur shihni mbi një ekran ju mund të pulitni sytë vetëm çdo 15-20 sekonda.
    “Pulitja e syve është jashtëzakonisht e rëndësishme, pasi garanton komoditetin tonë. Ky është padyshim një veprim aspak i kushtueshëm për ne”, thotë dr.Shornak.
    Prandaj herën tjetër kur ta gjeni veten duke vështruar një ekran, provoni rregullin 20-20-20.
    “Çdo 20 minuta, shihni diçka 20 metra larg, pulitini 20 herë sytë për 20 sekonda”, thotë ajo. Mund të ndihmojë edhe përdorimi në mënyrë periodike dhe gjatë gjithë ditës i një solucioni me pika që mund të merret në farmaci pa recetë.

  • Pesë shenjat e zodiakut që do të favorizohen në dashuri javën e ardhshme

    Pesë shenjat e zodiakut që do të favorizohen në dashuri javën e ardhshme

    Hëna e Re në Akrep sjell ndershmëri dhe gatishmëri për të thënë të vërtetën, së pari vetes dhe pastaj të tjerëve.
    Mërkuri në Akrep hap biseda të thella, ndërsa hyrja e Diellit në Shigjetar ndriçon rrugën për një qasje më të guximshme dhe më autentike ndaj dashurisë.
    Në këtë mjedis intensivisht emocional, pesë shenja të zodiakut dallohen për aftësinë e tyre për të ndërtuar diçka më të thellë, më të vërtetë, qoftë një marrëdhënie e re apo rilindje të një marrëdhënieje ekzistuese.

    1. Akrepi
    Hëna e Re në shenjën tuaj hap një cikël emocional me intensitet të madh. Ndiheni gati të hiqni dorë nga mbrojtjet tuaja dhe ta shihni dashurinë për atë që është, pa filtra. Një person i tregon qartë qëllimet e tij dhe ju përgjigjeni me pjekuri dhe një dëshirë të thellë për të vërtetën.
    2. Demi
    Stabiliteti që kërkoni shfaqet në një mënyrë pothuajse qetësuese. Një marrëdhënie fiton thellësi përmes veprimeve, jo fjalëve. Një person ju tregon qëndrueshmëri dhe butësi, duke ju lejuar të relaksoheni dhe të besoni më shumë.
    3. Gaforrja
    Java ju ndihmon të ndiheni të sigurt emocionalisht. Mund të përjetoni një moment veçanërisht prekës me personin që ju intereson. Energjia sjell ngrohtësi, kujdes dhe një lloj intimiteti emocional që ju prek thellësisht.
    4. Virgjëresha
    Dashuria bëhet më e pjekur, më e strukturuar. Gjen fjalë për atë që mbaje brenda dhe hap një kanal komunikimi më kuptimplotë. Një marrëdhënie hyn në një themel të ri, ndërsa një person tregon se dëshiron diçka shumë më serioze.
    5. Peshqit
    Intuita juaj ju udhëzon në mënyrë korrekte. Ju e ndjeni personin tjetër para se të flasë – dhe ai e ndien atë. Dashuria merr një formë romantike dhe të butë, dhe kjo javë mund të sjellë një pohim emocional shumë të bukur ose një hapje të sinqertë të zemrës.

  • Kardiologët shqiptarë mblidhen në “Konferencën e Vjeshtës”

    Kardiologët shqiptarë mblidhen në “Konferencën e Vjeshtës”

     

    Dr. Leonidha Peppo*

     

    Para disa ditësh u zhvillua në Pogradec “Konferenca e Vjeshtës”, e quajtur kështu sepse ekziston një tjetër e ngjashme, “Konferenca e Pranverës”. Këto janë të dalluara nga konferencat e rregullta që zhvillon Shoqata e Kardiologjisë Shqiptare, por në to ftohen edhe bashkëkombës nga Kosova, Maqedonia e Veriut dhe Mali i Zi.

    Dy konferencat e përmendura më sipër kanë diçka të veçantë, sepse zhvillohen në mënyrë të përbashkët, me drejtim dhe pjesëmarrje të lektorëve nga një vend i përbashkët – Shqipëria, por e ndarë në dy ose katër pjesë. Megjithatë, ne do të flasim për anën shkencore të konferencës, për përgjigjet që ajo solli dhe për mësimet që morën shumica e pjesëmarrësve.

    Tematika ishte e gjithanshme, me përfundime të vlefshme nga lektorë të ndryshëm dhe me përvoja nga fusha të ndryshme. Vërtet, konferencat tona janë të dy shoqatave, por njerëzit aktivë që i drejtojnë ato janë profesionistë me emër, që japin ide dhe mendime për të zgjedhur temat e referimeve, në mënyrë që të jenë interesante, tërheqëse dhe shkencore, duke u dhënë mundësi mjekëve të mësojnë e të pasurojnë njohuritë e tyre.

    Kryetari i Shoqatës së Kardiologjisë Shqiptare, Prof. Mihal Tase, i ka dhënë besim të plotë Prof. Mimoza Lezhës, duke njohur aftësitë e saj profesionale dhe organizative. Ajo është përshtatur shkëlqyeshëm ndër vite dhe ka punuar me përkushtim për realizimin e objektivave që kërkojnë këto konferenca të rëndësishme.

    Një ndihmë të çmuar në këtë bashkëpunim jep edhe kardiologjia nga Kosova, përmes Prof. Gani Bajraktarit, i cili sjell dije dhe përvojë të gjerë për ngjarje të tilla.

     

    Seanca e parë

    Konferenca u zhvillua në dy seanca. Drejtues të seancës së parë ishin figura të njohura të kardiologjisë shqiptare nga të dy anët e ndarjes historike – një ndarje padrejtësisht e krijuar nga historia kontradiktore dhe forca e imponuar e shteteve të mëdha ndër shekuj.

    Me shumë sukses, drejtues të seancës së parë ishin Prof. Mimoza Lezha, Prof. Mihal Tase dhe Prof. Gani Bajraktari, të cilët më pas morën pjesë edhe si lektorë me njohuri shkencore të admirueshme.

     

    Temat e prezantuara ishin:

    “Nxehtësia ekstreme dhe ndikimi në sistemin kardiovaskular”;

    “Arteria e heshtur – rrezik për aterosklerozë apo udhërrëfyes për dislipidemitë sipas ESC 2025”, me referues Dr. Naltin Shuka;

    “Deficiti i hekurit në insuficiencën kardiake – nevoja për korrigjim me marrjen e hekurit”, nga Prof. Pranvera Ibrahimi;

    “Trajtimi i fibrilacionit atrial me ndërhyrje”, që tërhoqi shumë vëmendje nga mjeshtri Dr. Ormir Shurdha;

    dhe “Sëmundjet e zemrës”, të sqaruara me shumë efikasitet nga Prof. Majlinda Cafka.

    Të gjitha këto tema ishin shumë interesante, u pasuan me diskutime të shumta nga salla dhe u vlerësuan për larmishmërinë dhe prezantimin e rasteve klinike. Sigurisht, pati mendime dhe sqarime të rëndësishme që shtuan vlerën shkencore të konferencës.

    Seanca e dytë

    Seanca e dytë u drejtua nga Prof. Shpend Elezi (nga Kosova) dhe Dr. Naltin Shuka, ndërsa pjesëmarrja ndërkombëtare u pasurua me prezencën e Dr. Teftës nga Italia. Në këtë pjesë, u paraqitën raste klinike shumë interesante, ndër të cilat:

     

    Dr. Endri Horja prezantoi një rast të ndërhyrjes në kardiomiopatinë e dilatuar, e cila u përmirësua ndjeshëm pas heqjes së një cisti me kirurgji, duke forcuar funksionin e zemrës.

    Një temë tjetër e rëndësishme dhe treguese ishte “Ndërlikimet e procedurave koronare me SAK”, e trajtuar nga Prof. Mimoza Lezha dhe grupi i saj.

    Mjekët e fushës koronare prezantuan temën “Ekografia e zbrazët për zhvillimin e rrugëve aksesore simptomatike”, që përfshinte edhe sindromën Brugada, të zbuluar pas përdorimit të medikamentit Propafenon, paraqitur nga Dr. Ormir Shurdha dhe kolegët e tij të shumtë.

    Diskutimet nga të pranishmit i dhanë gjallëri konferencës dhe kontribuuan ndjeshëm në shtimin e dijeve, gjithmonë në funksion të përmirësimit të shërbimit ndaj pacientëve me sëmundje kardiake.

     

    Mbështetja farmaceutike

    Duhet përmendur edhe mbështetja e kompanive farmaceutike që veprojnë në të dy anët e ndarjes shqiptare, të cilat kontribuojnë me përkushtim në zhvillimin e shëndetësisë.

    Ndër to spikasin kompani të njohura ndërkombëtare si Novartis, me përfaqësuesit e saj të kahershëm Orgesa, Liljana dhe Alba, që ndikojnë në rritjen e ndërgjegjësimit  te Dislipidemive me  perfaqesues ne trajtim ( Inclisiran). Po ashtu, Berlin Chemie, Menarini Group, Payami (i përhershëm në mbështetje), Trepharma, Bayer (me produktin Xarelto), Intermed, Viatris, Dompe, Novo Nordisk dhe të tjera, që japin një kontribut të rëndësishëm në fushën e mjekësisë, përmes ofrimit të medikamenteve cilësore dhe mbështetjes ndaj sistemit shëndetësor dhe mjekëve.

     

    Përmbyllje

    Kisha kënaqësinë ta ndaja praninë time në këtë konferencë me miqtë e mi të kahershëm, Dr. Gëzim Hakrama dhe Dr. Matjan Kapaj. Ishte një aktivitet i frytshëm, i pasur në përmbajtje dhe me vlerë të madhe për zhvillimin profesional të kardiologëve shqiptarë.

    Shpresojmë për një të ardhme më të mirë, me bashkëpunim të vazhdueshëm, dije të përbashkëta dhe përparim të qëndrueshëm në fushën e shëndetësisë.

     

    *Kardiolog

  • Reshje shiu javën e ardhshme në Vlorë, Bashkia-qytetarëve: Tregohuni vigjilentë, shmangni parkimin e mjeteve në këto zona..

    Reshje shiu javën e ardhshme në Vlorë, Bashkia-qytetarëve: Tregohuni vigjilentë, shmangni parkimin e mjeteve në këto zona..

    Bashkia e Vlorës ka paralajmëruar qytetarët e saj se duke filluar që nga data 17 deri në 18 nëntor qytetit bregdetar do të përfshihet nga reshje shiu mesatare, ku nuk përjashtohen edhe ato intensive.

    Në njoftim theksohet se qytetarët duhet të tregohen vigjilentë dhe të respektojnë thirrjet dhe këshillat e autoriteteve për çdo situatë.

    Gjithashtu iu është bërë thirrje drejtuesve të automjeteve që të mos parkojnë makinat e tyre në zonat që paraqesin risk të lartë për përmbytje.

    Njoftim i rëndësishëm:

    Referuar njoftimit të Qendrës Kombëtare për Parashikimin dhe Monitorimin e Rreziqeve Natyrore, ditën e Hënë, më datë 17 Nëntor dhe ditën e Martë, më datë 18 Nëntor, qyteti i Vlorës parashikohet të përfshihet nga reshje shiu mesatare deri lokalisht intesive.

    Ju lutemi të tregoheni vigjilentë për çdo situatë dhe të respektoni thirrjet dhe këshillat e autoriteteve.

    Jeni të lutur shmangni parkimin e automjeteve në zonat me risk të lartë.

    Grupet tona do të jenë të angazhuara në marrjen e masave paraprake, si dhe do të jenë në terren në monitorimin e situatës duke ndërhyrë sipas rastit nëse do të jetë e nevojshme.  UJËSJELLËS KANALIZIME RAJONI VLORË.

  • Fermerët paralajmërojnë më pak vaj ulliri në treg, rendiment i ulët, por cilësi e lartë

    Fermerët paralajmërojnë më pak vaj ulliri në treg, rendiment i ulët, por cilësi e lartë

    Kultivues, grumbullues dhe përpunues të ullirit në të gjithë vendin paralajmërojnë ulje të sasisë së ullinjve dhe vajit të ullirit këtë sezon. Report TV ka qenë në të gjitha zonat ku të ardhurat nga ky biznes janë burimi i vetëm i ekonomive familjare.

    Fier

    Kodrat e Kurjanit në Roskovec janë 90% të mbjella me ullinj, kulturë kjo që siguron të ardhurat kryesore për fermerët. Ky vit ka sjellë prodhim të ulët për shkak të dëmtimeve gjatë lulëzimit nga i ftohti dhe mungesa e reshjeve.

    Astrit Abedinaj, kultivues i ullinjve tha se “kam 700 rrënjë ullinj. Vitin e kaluar prodhova 230 kuintalë, këtë sezon nuk do arrij as gjysmën. Edhe pse përdor plehra organike, moti i keq bëri të vetën. Kërkojmë ndihmë nga ekspertët për shërbime dhe maksimizimin e prodhimit për vitin tjetër.”

    “Rënia e prodhimit do të dëmtojë rëndë ekonominë e familjes, pasi nuk kam burime të tjera të ardhurash”, shprehet Namik Sefedini, fermer.

    Cakrani, zona më e madhe administrative e Fierit dhe ka rreth 600,000 rrënjë ullinj. Në vitin 2024, prodhimi shkoi ne 50 mijë kuintalë, por për vitin 2025 pritet disa here me pak.

    Kujtim Xhelili, pronar fabrike dhe grumbullues shprehet se “kam përpunuar rreth 1,500 kuintal ullinj deri tani. Një rrënjë ka dhënë mesatarisht 20 kg ullinj, krahasuar me 70 kg vitin e kaluar. Vaji po shitet minimalisht me 800 lek per litër.

    “Prodhimi është më i dobët për shkak të faktorëve klimatike. Vjelja është në 20% për të siguruar të ardhurat jetike”, tha fermeri.

    Nga Kurjani i Roskovecit deri në Cakran të Fierit, ulliri këtë vit është me gjysmë rendimenti, duke vënë në vështirësi fermerët dhe familjet që varen vetëm nga kjo kulturë.

    Lushnje

    Zona kodrinore e Lushnjes duke nisur nga Thanasaj e deri ne kodrat e ujëmledhësit të Thanës ka të kultivuar rreth 500 mijë rrënjë ullinj.

    Fermerët e kësaj zonë prej disa ditësh kanë filluar vjeljen dhe përpunimin për vajin e ri. Prodhimi i ullirit, krahasuar me vitin e kaluar ka një rënie në masën 40 deri në 50% sipas zonave por cilësia e vajit është më e lartë.

    Rënia e prodhimit  i penalizon kultivuesit e ullirit  pasi kostoja është e larte.

    Afrim Matjani fermer: Kam 800 rënjë ullinj. Kushtet atmosferike të motit bëjnë punën e vet, thatësira, të gjithë ato. Po vaji është cilësor për mendimin tim me një fjalë se nuk ka ngarkesë.Pra është me cilësi.  Për momentin po ikën me shtatëqind lek për litër. Deri diku nuk jemi të kënaqur duhet të ishte pak më e lartë krahasim me shpenzimet që ka për kultivimin e ullinjve.

    Aktualisht nje liter vaj ulliri direkt ne fabrike shitet me 700 lekë.

    Shyqyri Koçi fermer: Ne kemi një javë që kemi filluar sezonin e vajit te ullirit. Prodhimi është shumë i pakët me vitin e kaluar dhe shumë familje mund të rrezikojnë të rrinë pa te ardhura. Vjet shkuam te 12 ton vaj sivjet parashikojmë te 4 ton vaj nuk ka më shumë shumë prodhim i dobët. Ka qenë shumë vere e nxehtë, ne e kemi pa vaditje. Për momentin po e shesim vajin me 700 lek per liter.

    Për shkak të rënies së prodhimit, çmimi i vajit te ullirit mund të rritet në muajt në vazhdim.

    Sokol Matjani: Prodhimi është më i dobët pritet 40% e prodhimit ndersa vjet ka pasur goxha prodhim tashi këta janë punët e natyrës.  Aktualisht ka pak ngritje të çmimit ngaqë është prodhimi i dobët ka vajtur me 700 lek litri e domethënë mirë është kjo punë për fshatarësinë është mirë sa më i mirë të jetë çmim më mirë është po për momentin këtu shtatë shitet gjithandej këtu te ne.

    Shefit Kuqi: Natyra bën ndikimin e vet domethënë ka mbajtur thatësirë shumë edhe shumë e dobët me plehrat, me kostat që kemi bërë ne tani jemi shumë të dobët për sivjet ka rediment shumë të ulët ulliri. Një litër vaji sivjet po shitet me 700 lek/litër.

    Nje fenomen i shfaqur prej vitesh në sektorin e bujqësisë është mungesa e fuqisë punëtore per vjeljen e ullinjve.

    Berat

    Edhe pse zona e Bilçës dhe fshatrat përreth njihen për prodhimin masiv të ullirit në qarkun e Beratit, prej më shumë se dy vitesh prodhimi ka pësuar rënie të ndjeshme.

    Çdo familje në zonë numëron deri në 500 rrënjë ullinj, por kushtet klimatike bëjnë që nga viti në vit shpresa për sigurimin e të ardhurave të venitet.

    Ky sezon konsiderohet ndër më të dobëtit. Mungesa e të ardhurave po ul edhe shërbimet e domosdoshme ndaj parcelave të kultivuara me ullinj, ku tashmë nuk bëhet më fjalë për investime që lehtësojnë punën e fermerëve, të cilët kryesisht janë të moshuar pas emigrimit të të rinjve.

    ‘Kemi 300 rrënjë dhe nuk morëm asnjë kokërr ullinj, se nuk  prodhuan, pleh i hodhëm. Plehrat janë me çmim të lartë’, tha një fermer.

    ‘Gjendja është e dobët këtë vit, çoi lule dhe nuk i mbajti, unë si kam vjel fare këtë vit. Shumë pak do marr”- tha një fermer.

    Bilça numëron 270 mijë rrënjë ullinj, që deri tani kanë qenë e ardhura kryesore për banorët e zonës.

    Lezhë

    Ndryshe nga Berati apo Fieri, prodhimi i ullinjve është i bollshëm në Zadrimë të Lezhës. Në fshatrat Troshan dhe Fishtë, të njohura për kultivimin e kësaj kulture, fermerët kanë nisur vjeljen, por edhe këtu problem mbetet mungesa e fuqisë punëtore.

    “Të rinjtë janë larguar ne emigrim dhe po hasin vështirësi të shumta për të siguruar krahun e punës”, thane fermerët.

    Ndërkohë kërkesa mbetet e qëndrueshme dhe e lartë. Çmimi i ullirit varion nga 150 lekë deri në 200 lekë për kg, ndërsa çmimi i vajit shkon nga 800 deri në 1200 lekë për litër.

    Përballë këtij prodhimi të bollshëm te ullirit dhe vajit, tregu vendas është i rrezikuar dhe duhet gjetur mekanizmat e nevojshëm për të eksportuar edhe jashtë vendit, thotë specialisti i bujqësisë, Preng Marku.

    Sipërfaqet me ullinj në fshatrat e Lezhës po vijnë gjithnjë në rritje gjatë viteve të fundit, ku numërohen qindra hektarë tokë të mbjella me këtë kulturë.

    Elbasan

    Vaji i ullirit ka shkuar me 800-900 lek për litër në Elbasan. Shkak i rritjes se çmimi është prodhimi i pakët i ullinjve këtë sezon.  Fermerët e Shushicës në Elbasan pranojnë se ky vit ka pasur më pak prodhim krahasuar edhe me një vit më parë.

    Kushtet klimaterike në kohën e lulëzimit, por dhe ciklin biologjik i kulturës së ullirit kanë ndikuar në rënien e rendimentit. Megjithatë vaji është cilësor. Shqetësim për fermerët është edhe mungesa e fuqisë punëtore. Sipas tyre puna sezonale në bujqësi refuzohet, ndërsa tregu i shitjes nuk paraqet qëndrueshmëri.

    Në fabrikat e prodhimit të vajit të ullirit ka nisur tashmë puna, ndërsa vetë administratorët e tyre e cilësojnë cilësinë e vajit të lartë. Çmimi i shumicës është 100 lek më shumë se vitin e kaluar.

    Elbasani në rang qarku prodhon mesatarisht 117mijë ton ullinj në vit.

    Vlorë

    Vlora, një ndër zonat më të njohura për prodhimin e vajit të ullirit po has vështirësi për gjetjen e tregut edhe pse çmimi është 800 lek për litër. Sa i përket prodhimit, ai s’ka qenë i bollshëm këtë vit.

    Edhe në Vlorë ka nisur vjelja e ullirit dhe prodhimi i vajit. Fermerët e Novoselës kultivojnë disa varietete, ndërsa pranojnë se ky vit ka pasur më pak prodhim krahasuar edhe me një vit më parë. Megjithatë për ta ajo që vlen është cilësia e vajit.

    ‘Sivjet nuk ka pasur shumë, po atë që ka, e ka cilësor, cilësia e vajit është shumë e mirë këtë vit’, tha një fermerë.

    Adhurim Lazaj, specialist i Qendrës së Transferimit të Kulturave Bujqësore, thekson se janë disa shkaqet që kanë ndikuar në prodhimin e pakët të disa varieteteve .

    “Kanë ndikuar nga kushtet e motit, por edhe sëmundjet që kanë prekur ullirin këtë vit”, tha ai.

    Në fabrikat e prodhimit të vajit të ullirit ka nisur tashmë puna, ndërsa vetë administratorët e tyre e cilësojnë cilësinë e vajit të lartë. Aktualisht po shitet me 800 lek për litër.

    Durim Ogici dhe Naxhi Llanaj theksojnë se puna ka nisur, ndërsa kjo është edhe periudha më e mirë për prodhim, në bazë edhe të varieteteve të kultivuara.

    Sipas INSTAT, një vit më parë në mbarë vendin u prodhuan mbi 157 mijë ton ullinj.

    Megjithatë të gjithë thonë se konsumatorët do të kenë vaj ulliri më cilësor se vitet e shkuara, shpresa e fundit e kultivuesve dhe përpunuesve që të dalin të fituar nga sezoni sfidues i vjeljes së ullinjve./shqiptarja.com

  • Bullizmi në rrjetet sociale, studimi: Një në pesë të rinj në Tiranë është i prekur

    Bullizmi në rrjetet sociale, studimi: Një në pesë të rinj në Tiranë është i prekur

    Një në pesë të rinj janë bullizuar në rrjete sociale. Studimi kombëtar i departamentit të gazetarisë dhe komunikimit në Universitetin e Tiranës me rreth 1000 të anketuar nxori në pah fenomenin në rritje të bullizmit kibernetik.

    Përmes anketimit në 10 qytete të vendit nën drejtimin e profesorit Mark Marku dhe Artan Fuga, viktimat e bullizmit në internet tregojnë se ndryshe nga bullizmi offline që kryhet nga njerëz të njohur përreth, në rrjete sociale janë të panjohurit, profilet anonime ata që ushtrojnë presion, fyejnë apo kërcënojnë.

    “75% janë shumë të ndjeshëm ndaj cyberbullizimit. Nga ana tjetër ata ndihen vetëm, të pambrojtur sepse nuk bisedojnë sipas të dhënave të anketimit, për shembull fëmijët nuk bisedojnë as me psikologët, as me mësuesit nuk ndajnë shqetësimet e tyre. Gjithashtu edhe familjet janë të shurdhëra dhe nuk bëjnë përpjekje për ta kuptuar”, tha Mark Marku, dekan i Fakultetit të Historisë dhe Filologjisë.

    “17-18% që thonë se në jetën e tyre kanë qenë të cyberbullizuar , që do të thotë 1 në 5. Dhe nga këta janë 80-90% që thonë se kanë pasur pasoja fizike dhe psiqike. Por shkolla nuk bën asgjë për këtë, sipas anketës”, u shpreh akademiku Artan Fuga.

    Komunikimi virtual e ka shkrirë hapësirën gjeografike si dhe nuk ndihet pabarazia gjinore. Por nga gjetjet e studimit rezulton se platformat digjitale kanë përdorim të përafërt si në fshat dhe në qytet, si dhe gjithashtu nga vajzat e djemtë.

    “Tik Tok rezulton rrjeti më problematik, që ndërkohë është edhe më i ndjekuri. Përdorimet e rrjeteve sociale nga të dhënat na rezulton se s’ka ndonjë ndryshim nga zonat urbane me rurale, por në zonat rurale janë më të ndjeshëm ndaj fyerjeve”, tha Marku.

    Përparimi teknologjik me shpejtësi duket se i gjen shqiptarët të papërgatitur në përdorimin e sigurtë të internetit. Ndaj profesorët vlerësojnë se ka nevojë urgjente për ndërgjegjësim, edukim dhe parandalim jo vetëm mes të rinjve por edhe për të rriturit.

    “Një mospërputhje mes nivelit teknologjik të komunikimit që përdorin njerëzit dhe ritualet sociale kulturore. Pra individi është mbrapa zhvillimeve teknologjike”, u shpreh Marku.

  • Nga karrotat te bananet, zbuloni ushqimet që duhet të hani për të luftuar stresin

    Nga karrotat te bananet, zbuloni ushqimet që duhet të hani për të luftuar stresin

    Ndonjëherë për të luftuar stresin duhet vetëm të zgjidhni ushqimet e duhura. Nëse ju duket se keni humbur kontrollin dhe çdo gjë po shkon keq, merrni frymë thellë dhe zgjidhni ndonjë nga ushqimet e vendosura në këtë listë.
    Portokaj
    Vitamina C që gjendet në portokaj dhe në agrumet e tjera do t’ju ndihmojë të tejkaloni prezantimet stresuese, një ditë të mbushur me takime ose intervistat për punë.

    Prandaj, do të ishte një ditë e mrekullueshme nëse do të shtrydhni një lëng të freskët të portokallit ose do ta hani atë si frut.
    Bananet
    Stresi përshpejton metabolizmin, duke shpenzuar kështu rezervat e kaliumit që është një burim kyç i energjisë .Mbani bananet, të pasura me kalium në tavolinën tuaj, si një “ndihmë e parë” në situata stresuese.
    Karrotat
    Nga stresi ndonjëherë nofulla shtrëngohet dhe prandaj është një ide e mirë që të përtypni diçka, që do t’ju ndihmojë të heqni qafe tensionin e muskujve. Ideja më e mirë është karrota.
    Bajamet
    Përveç se bajamet janë të pasura me vitaminë E që ndihmon stimulimin e sistemit imunitar, bajamet gjithashtu përmbajnë vitaminë B që mund të ndihmojnë trupin për t’u përballur me stresin dhe ankthin.
    Spinaqi
    Kjo perime përmban magnez që ndihmon në reduktimin e stresit, relakson trupin dhe parandalon dhimbjet e kokës.

  • Tirana në krye të prenotimeve për festat e nëntorit! Rezervimet më të shumta nga Kosova dhe RMV

    Tirana në krye të prenotimeve për festat e nëntorit! Rezervimet më të shumta nga Kosova dhe RMV

    Tirana do të jetë edhe këtë vit kryeqendra e shqiptarëve për festat e nëntorit. Sipas operatorëve turistikë, kryeqyteti ka numrin më të lartë të rezervimeve.

    Shqiptarët e Kosovës dhe ata të Maqedonisë së Veriut, si çdo vit, zgjedhin Tiranën për Festën e Flamurit.

    “Festat kombëtare janë epiqendra e të gjithë shqiptarëve, kudo që janë, e ka prurje më shumë nga Kosova, Italia. Për Tiranën ka gjithnjë risi, ka aktivitete. Kemi mangësi nëpër rrethe. Do të doja më shumë përgatitje për rrethet.”

    Pas Tiranës, kërkesat më të larta për rezervim janë në Korçë, Vlorë, Durrës e Shkodër. Ndërsa gjithnjë e më shumë brenda vendit po preferohen edhe turet ditore.

    “Në Theth, Vermosh, Valbonë, në Korçë, Voskopojë, Përmet, Gjirokastër. Këto janë paketa me ture me autobusë.”

    Teksa shqiptarët e Kosovës zgjedhin çdo vit Shqipërinë, sipas operatorëve turistikë një risi këtë vit janë edhe kërkesat për të festuar 113-vjetorin e Pavarësisë në qytetet e Kosovës.

    “Këtë vit ka mundësi që për festat e nëntorit të shkohet edhe në Prishtinë, Prizren, Brezovicë, Pejë. Më shumë oferta për të vizituar trojet etnike shqiptare.”

    Megjithatë, një numër i lartë qytetarësh shqiptarë festat e nëntorit do t’i kalojnë jashtë vendit, për shkak se 28 dhe 29 nëntori përkojnë me fundjavën, dhe kanë zgjedhur të shfrytëzojnë disa ditë pushimi zyrtar në destinacionet më të njohura europiane si Parisi, Barcelona dhe Praga.

  • “Travel and Tour World”: Shqipëria ndërton muzeun e parë arkeologjik nënujor

    “Travel and Tour World”: Shqipëria ndërton muzeun e parë arkeologjik nënujor

    Përmirësimi i infrastrukturës së jugut të Shqipërisë është një hap thelbësor në zhvillimin e industrisë turistike të Shqipërisë, sipas “Travel and Tour World” (TTW).

    Kjo përfshin investime të konsiderueshme në zhvillimin urban, duke përfshirë ndërtimin e rrugëve të reja, shërbimeve dhe lehtësirave publike në zonat e frekuentuara nga turistët.

    Qëllimi nuk është vetëm të përmirësohet përvoja e turistëve, por edhe cilësia e jetës dhe mundësitë ekonomike të popullatës lokale.

    Infrastruktura e përmirësuar synon të përmbushë një rritje të kërkesës, që vjen nga turistët. I gjithë investimi në përmirësimin e infrastrukturës synon të përmbushë investimin prej 70 milionë eurosh.

    Investimet në infrastrukturë fokusohen në përmirësimin e lehtësive dhe shërbimeve kryesore, përmirësimin e infrastrukturës turistike, përmirësimin e aksesueshmërisë dhe përmirësimin e shërbimeve për qendrat turistike.

    Kjo është veçanërisht e rëndësishme duke pasur parasysh rritjen e fundit të numrit të turistëve që vizitojnë Shqipërinë, veçanërisht në vijën bregdetare mahnitëse jugore.

    Muzeu nënujor parashikohet të tërheqë vizitorë ndërkombëtarë

    Shqipëria ka planifikuar një tjetër perlë në kapelen e saj turistike, një muze nënujor.

    Ky muze pritet të tërheqë turistë në rajon. Muzeu do të vendoset në bregdetin jugor të Shqipërisë dhe do të jetë një vend i inovacionit të madh. Vizitorët do të jenë në gjendje të shohin objekte të lidhura me fundin e detit, dhe kjo do t’i ndihmojë ata të vlerësojnë historinë e gjerë detare të Shqipërisë.

    Muzeu nënujor do t’u mundësojë turistëve të vlerësojnë anijet e lashta të mbytura dhe vendet arkeologjike nënujore, si dhe format e ndryshme të jetës detare, të gjitha nën Detin Mesdhe.

    Ky muze do të jetë i pari i këtij lloji dhe do të tërheqë turistë të interesuar në arkeologjinë detare, eksplorimin nënujor dhe format e ndryshme të kulturës.

    Përveçse është një mundësi e shkëlqyer për të fituar njohuri, muzeu është menduar gjithashtu të jetë argëtues për turistët që vlerësojnë eksplorimin e detit. Ai gjithashtu do të promovojë turizmin miqësor me mjedisin, një parim i Shqipërisë për të përmirësuar ofertat për turistët.

    Restaurimet e Kalave dhe Shpellave: Ruajtja e historisë së Shqipërisë

    Një aspekt tjetër i rëndësishëm i projektit të financuar nga Banka Botërore është restaurimi i vendeve historike, duke përfshirë kalatë dhe shpellat, që janë vendet më të rëndësishme për turizmin në Shqipëri.

    Shqipëria ka një të kaluar të pasur dhe peizazh të bukur, dhe shumë kështjella dhe vende të lashta kanë nevojë për restaurim prioritar. Shqipëria synon të restaurojë dhe mirëmbajë kulturën dhe trashëgiminë kulturore duke restauruar Qafën e Llogarasë, Parkun Kombëtar të Butrintit dhe shumë kështjella në Rivierën Shqiptare.

    Me restaurimin e këtyre vendeve, Shqipëria po ruan vlerat kulturore për brezat e ardhshëm dhe në të njëjtën kohë po rrit vlerësimin kulturor nga vizitorët e huaj.

    Për më tepër, këto restaurime synojnë rritjen e aksesueshmërisë së vendeve duke përmirësuar infrastrukturën për të akomoduar një numër më të lartë turistësh.

    Prandaj, ruajtja e këtyre vendeve të qëndrueshme së bashku me turizmin do të mbrojë trashëgiminë e çmuar historike të Shqipërisë.

    Përmirësimi i produkteve dhe tregjeve turistike

    Shqipëria po përgatit produkte të reja që synojnë një segment të ri të turizmit. Qeveria po investon gjithashtu rreth 8,6 milionë euro, një financim i premtuar nga Banka Botërore, i cili përdoret për marketingun e vendeve natyrore dhe kulturore, si dhe për turizmin aventuresk në Shqipëri.

    Investimi synon të zhvillojë një ofertë, e cila duhet të jetë potencialisht surprizuese dhe për këtë arsye të tërheqë lloje të ndryshme turistësh, adhurues të historisë dhe kulturës,  aventurierë dhe ekoturistë.

    Oferta duhet të përfshijë ekskursione kulturore si ecje apo shëtitje me biçikletë. Vizitorët duhet të vlerësojë ndërveprimin me historinë, natyrën dhe njerëzit përmes një mënyre vërtet inovative dhe të menduar mirë.

    Ne duhet të sigurohemi që Shqipëria të jetë qendra e biznesit të larmishëm, dhe për këtë arsye turistët të kenë mundësinë të udhëtojnë në Shqipëri në çdo kohë të vitit.

    Përmirësimi i zhvillimit ekonomik nëpërmjet turizmit

    Nxitja e qëllimit të këtyre projekteve të zgjedhura për përmirësimin e infrastrukturës dhe zhvillimin e turizmit, pritet të ketë një ndikim në zhvillimin e ekonomive lokale dhe gjenerimin e punësimit.

    Përmirësimi i infrastrukturës së zgjedhur turistike dhe diversifikimi i ofertave të produkteve turistike të vendit nga qeveria shqiptare – synon ta pozicionojë vendin në mënyrë më të favorshme, si një destinacion udhëtimi dhe në këtë mënyrë të promovojë zhvillimin ekonomik të rajonit.

    Do të ketë ndryshime pozitive në lokalitetet shërbyese me kërkesën në rritje për akomodim, ushqim, udhëtime dhe shërbime ndihmëse. Gjenerimi i punësimit nga turizmi dhe mikpritja është një mundësi e shkëlqyer për popullsinë lokale pasi promovon rritjen e qëndrueshme të rajonit.

    Gjeografikisht, investimet në turizëm do t’i lejojnë vendit të shfrytëzojë në mënyrë optimale monumentet e tij natyrore dhe historike, dhe të lejojë anashkalimin e diversifikimit të zhvillimit ekonomik në sektorë dhe rajone të ndryshme të vendit.

    Investimet e zgjuara në turizëm, të shoqëruara me administrimin e vendeve historike dhe kulturore të vendit, do të rrisin konkurrueshmërinë globale duke siguruar një pozicion të favorshëm për vendin në sektorin e turizmit.

    Turizmi Shqiptar: Një perspektivë në rritje

    Ndërtimi i një muzeu nënujor së bashku me vende të tjera historike vazhdon të sjellë progres në zonat urbane, dhe përmirësimi i formave të tjera të infrastrukturës turistike është një ogur i mirë për potencialin turistik të Shqipërisë.

    Shqipëria do të finalizojë të gjitha projektet e përmendura deri në verën e vitit 2026, duke përfituar në një masë më të madhe nga fluksi i turistëve ndërkombëtarë.

    Për të mbështetur sektorin në rritje të turizmit, vendi duhet të bëjë ndryshime të thella në mënyrë që turistët të kenë një shans për të parë mrekullitë sekrete të botës së lashtë./ATSH

  • Horoskop/ 5 shenjat e zodiakut që do të favorizohen në dashuri

    Horoskop/ 5 shenjat e zodiakut që do të favorizohen në dashuri

    Hëna e Re në Akrep sjell ndershmëri dhe gatishmëri për të thënë të vërtetën, së pari vetes dhe pastaj të tjerëve.
    Mërkuri në Akrep hap biseda të thella, ndërsa hyrja e Diellit në Shigjetar ndriçon rrugën për një qasje më të guximshme dhe më autentike ndaj dashurisë.
    Në këtë mjedis intensivisht emocional, pesë shenja të zodiakut dallohen për aftësinë e tyre për të ndërtuar diçka më të thellë, më të vërtetë qoftë një marrëdhënie e re apo rilindje të një marrëdhënieje ekzistuese.
    1. Akrepi
    Hëna e Re në shenjën tuaj hap një cikël emocional me intensitet të madh. Ndiheni gati të hiqni dorë nga mbrojtjet tuaja dhe ta shihni dashurinë për atë që është – pa filtra. Një person i tregon qartë qëllimet e tij dhe ju përgjigjeni me pjekuri dhe një dëshirë të thellë për të vërtetën.
    2. Demi
    Stabiliteti që kërkoni shfaqet në një mënyrë pothuajse qetësuese. Një marrëdhënie fiton thellësi përmes veprimeve, jo fjalëve. Një person ju tregon qëndrueshmëri dhe butësi, duke ju lejuar të relaksoheni dhe të besoni më shumë.
    3. Gaforrja
    Java ju ndihmon të ndiheni të sigurt emocionalisht. Mund të përjetoni një moment veçanërisht prekës me personin që ju intereson. Energjia sjell ngrohtësi, kujdes dhe një lloj intimiteti emocional që ju prek thellësisht.
    4. Virgjëresha
    Dashuria bëhet më e pjekur, më e strukturuar. Gjen fjalë për atë që mbaje brenda dhe hap një kanal komunikimi më kuptimplotë. Një marrëdhënie hyn në një themel të ri, ndërsa një person tregon se dëshiron diçka shumë më serioze.
    5. Peshqit
    Intuita juaj ju udhëzon në mënyrë korrekte. Ju e ndjeni personin tjetër para se të flasë – dhe ai e ndien atë. Dashuria merr një formë romantike dhe të butë, dhe kjo javë mund të sjellë një pohim emocional shumë të bukur ose një hapje të sinqertë të zemrës.