Lajmidites.com

Category: Lifestyle

  • Përmbytje dhe bllokime rrugësh në Delvinë, uji ka hyrë nëpër shtëpi, evakuohen banorët

    Përmbytje dhe bllokime rrugësh në Delvinë, uji ka hyrë nëpër shtëpi, evakuohen banorët

    Reshjet e dendura kanë shkaktuar situatë të rënduar në bashkinë Delvinë, ku rrugët janë bllokuar nga prurjet e lumenjve dhe përmbytjet. Gjithashtu tre shtëpi në Delvinë janë përmbytur dhe banorët janë evakuuar.

    Rrugët më problematike në qytet janë hapur, por disa segmente, si rruga për në Lefterohor, Kakodhiq dhe Varfaj, mbeten të pakalueshme dhe punohet për normalizimin e tyre.

    Rruga Fushvëri–Kalasë kalon me shumë vështirësi për shkak të përroit të Gutinës, që ka dalë nga shtrati dhe rrezikon të prishë rrugën për rreth 1 km. Lumi i Kalasës ka dalë nga shtrati dhe ka filluar të gërryejë fushat e fshatrave Kalasë, Fushvërri, Vergo, Kopaçez, Palavli, Bajkaj, Vanë dhe Blerimas.

    Një problem i rëndësishëm është edhe lumi i Vrizit, i cili ka dëmtuar fushat e Bamatatit dhe Stjarit, si dhe rrugën Stjar–Bajkaj.

    Për përballimin e situatës kërkohet mbështetje me 30 efektivë nga Drejtoria Rajonale e Mbrojtjes Civile Gjirokastër.

  • FOTO LAJM/ Situatë e rënduar nga reshjet në bashkinë Delvinë, përmbyten tre shtëpi, evakuohen banorët

    FOTO LAJM/ Situatë e rënduar nga reshjet në bashkinë Delvinë, përmbyten tre shtëpi, evakuohen banorët

    Në Delvinë tre shtëpi janë përmbytur dhe për rrjedhojë është bërë evakuimi i banorëve.

    Për këtë punohet me tre skrepa për t’i sjellë në normalitet. Rrugët më problematike në qytet u hapën. Ndërkohë është e pakalueshme rruga për në Lefterohor, Kakodhiq dhe Varfaj, ku edhe atje punohet për hapjen e saj.
    Rruga Fushvëri -Kalasë kalohet me shumë vështirësi, ku rrezikohet nga përroi i Gutinës, pasi ka dalë nga shtrati dhe rrezikon të prishë rrugën në rreth 1 km. Lumi i Kalasës ka dalë nga shtrati  dhe  ka filluar dhe gërryen fushat  e fshatrave Kalasë, Fushvërri, Vergo, Kopaçez, Palavli, Bajkaj, Vanë dhe Blerimas. Problem shqetësues është edhe lumi i Vrizit në Delvinë, ku ka filluar dhe gërryen fushat e Bamatatit, Stjarit dhe ka prishur rrugën Stjar- Bajkaj.
    Në Delvinë 3 shtëpi janë përmbytur dhe për rrjedhojë është bërë evakuimi i banorëve. Bashkia në punë në shërbim të komunitetit
     

  • Del nga shtrati Bistrica, qytetarja ngelet në mes të ujit, nxirret nga zjarrfikësit

    Del nga shtrati Bistrica, qytetarja ngelet në mes të ujit, nxirret nga zjarrfikësit

    Reshjet e shumta të ditëve të fundit kanë shkaktuar rritje të prurjeve në disa zona të bashkisë Finiq, duke krijuar probleme serioze në qarkullimin rrugor. Përroi në fshatin Navaric ka dalë nga shtrati, duke sjellë bllokime përgjatë aksit lokal.
    Shërbimi i MZSH-së Finiq është njoftuar për dy raste përmbytjesh në fshatin Çlirim dhe në fshatin Mesopotam. Në Çlirim, zjarrfikësit ndërhynë për të hequr ujin që kishte përmbytur një biznes, ndërsa situata ka qenë më e rënduar në Mesopotam. Lumi i Bistricës, si pasojë e reshjeve intensive, ka dalë në rrugë dhe ka bllokuar një qytetare me automjetin e saj në mes të ujit.
    Falë ndërhyrjes së menjëhershme të zjarrfikësve, automjeti u tërhoq në terren të sigurt dhe qytetarja u nxor pa lëndime. Aktualisht po vijojnë punimet për zhbllokimin e rrugës dhe normalizimin e qarkullimit.

  • “Në 100-vjetorin e Rahman Hankut: Kujtime dhe mirënjohje për një legjendë të ndërtimit shqiptar”

    “Në 100-vjetorin e Rahman Hankut: Kujtime dhe mirënjohje për një legjendë të ndërtimit shqiptar”

    Nga Ervin Gjadri

    Mesova , duke lexuar faqen e e nje mikut tim në Facebook,se dje kishte qene 100 vjetori i lindjes, i Zotit Rahman Hanku.

    Ndjeva emocion e më erdhën ndermend shume kujtime.

    Rahman Hanku ishte minister i ndërtimit i Shqipërisë në nje peridhe,gjatë së cilës u ndërtuan shumë nga veprat më të rëndësishme në Shqiperi.

    Ruaj shume ngjarje e kujtime nga jeta e Rahman Hankut,(mik e bashkepuntor i ngushte i Egon Gjadrit. cilin kam patur fatin ta takoj 2- 3 here) te cilat mi ka treguar Inxh Egon Gjadri.

    Rahman Hanku ishte minister i ndërtimit,por ne te njejten kohe edhe shok e bashkepunetor i ngushte, njeri i cili ne cdo kohe e ne cdo rast , perkrahte e mbeshteste njerezit e shkences e punes, njeri trim e besnik si pak te tjere.
    Kur për herë të parë, Mehmet Shehu, per problemin e tunelit të Qafë – Thanës, në mbledhjen e qeverisê kishte kerkuar te ishte i pranishëm edhe Inxh Egon Gjadri, nje shok i tij e këshilloj se duhej te ishte i kujdeshem kur ti pergjigjej Mehmet Shehut,por babai i tha : nuk kam asnje lloj shqetesimi, se do jem i ulur në krah të Rahman Hankut.

    Duke patur parasysh kontributin e tij të jashtëzakonshem për Shqipërinë,që në moshë fare të re ,Rahman Hankut, ketij njeriu legjendë të ndertimit e drejtimit,më e pakta qe Shteti Shqiptar duhet te kishte bere deri sot në nderim të figurës e veprës së tij,se pari emertimi i nje rruge kryesore ne kryeqytet me emrin e tij, si edhe ti kishte ngritur dy buste,njêrin në qendër te Peshkopisë, apo në fshatin e lindjes Zerqan e tjetrin në sallen e hyrjes të Ministrisë së ndertimit .

    I përjetshëm kujtimi i Rahman Hankut!

    Në këtë fotografi të vitit 2002 paraqiten Rahman Hanku dhe Egon Gjadri.

  • Shqipëria nën pushtetin e ujit, Porja: Rrebeshet vazhdojnë edhe sot, lajmi i mirë vjen nesër…

    Shqipëria nën pushtetin e ujit, Porja: Rrebeshet vazhdojnë edhe sot, lajmi i mirë vjen nesër…

    Ditën e djeshme, 18 nëntor, Shqipëria ishte në pushtetin e reshjeve intensive, të cilat sollën probleme dhe përmbytje në shumë zona të vendit. Në zonat rurale në veri si në Shkodër, Lezhë, Kurbin, Krujë, Shkodër, pati përmbytje të shumë banesave dhe u evakuuan disa familje.  Problematike ishin edhe zona e Durrësit, Gjirokastrës dhe Vlorës.

    Meteorologia Lajda Porja e ftuar në emisionin “Aldo Morning Show” në Tv Klan tha se reshjet dhe rrebesh do të vazhdojnë të jenë prezente edhe këtë të mërkurë, 19 nëntor, ku zonat e veriut mbeten përsëri më të ekspozuara. Sipas Porjas lajmi i mirë vjen ditën e nesërme, pasi do të ketë një rënie të intensitetit të reshjeve. Megjithatë dita e premte dhe fundjava sjellin përsëri përkeqësim të motit.

    “Pritet që fatkeqësisht të reshjet të vazhdojnë sërish në zonat më problematike si Lezha, Kruja, Durrësi, Shkodra… Veriu do të mbetet me reshje intensive, më pak qendra, kurse në jug nuk do të kemi shumë reshje intensive përjashtuar Gjirokastrën, ku do të ketë një celulë në pjesën e dytë të ditës, ku do të ketë rrebeshe. Dita e sotme, 19 nëntor, kështu do të jetë me rrebeshe, më të shpeshta dhe më të dendura në veri të vendit, më të rralla në qendër dhe në jug të vendit. Megjithatë herë pas here do të kemi erë të fuqishme.

    Ka një lajm të mirë, dita e nesërme, pasi do të kemi një rënie të intensitetit të reshje, kjo për të krijuar dhe një hapësirë dhe mundësi për të tërhequr ujin në të gjitha zonat ku është raportuar për probleme. Reshjet kanë qenë shumë të dendura në veri, në zonat e thella ka rënë mbi 200 milimetra. Është një sasi shumë e konsiderueshme, e cila është në fakt një sasi mujore. Parashikohet që e enjtja dhe pjesërisht dita e premte të vazhdojë intensitetin.

    Pasditen e së premtes dhe të shtunën do të kemi sërish vrenjtësira dhe reshje me intensitet mesatar dhe lokalisht intensiv. Me reshjet që do të kemi të premten dhe të shtunën do të ketë edhe më shumë sasi të reshjeve. Është dhënë që mesin e javës së kaluar që ky fenomen do të ndodhte. Epiqendra ishte në Malin e Zi dhe u spostua në veri të vendit”, tha Porja.

  • Shenjat që do të pasurohen muajt e ardhshëm

    Shenjat që do të pasurohen muajt e ardhshëm

    Astrologët parashikojnë se katër muajt e ardhshëm do të sjellin mundësi të rëndësishme për tre shenja të zodiakut , duke hapur rrugën për rritje financiare dhe partneritete fitimprurëse.
    Binjakët
    Binjakët do të ndiejnë një valë energjie dhe frymëzimi që do t’i shtyjë të zbatojnë ide që i kishin vendosur prej kohësh në sirtar. Burime të reja të ardhurash ose mundësi të lidhura me komunikimin dhe kreativitetin mund të shfaqen papritur.

    Çelësi është të guxoni të merrni iniciativa: edhe një hap i vogël përpara mund të përkthehet në përfitime të konsiderueshme financiare, ndërsa vetëbesimi dhe stabiliteti do të shpërblejnë guximin e tyre.
    Peshorja
    Kjo periudhë i sjell peshores njohje dhe perspektiva për përparim financiar. Puna e tyre e palodhur, diplomacia dhe aftësia për të mbajtur ekuilibrin më në fund do të vlerësohen. Mund të shfaqen në horizont promovime, projekte të reja ose burime të qëndrueshme të ardhurash.
    Ujori
    Mundësi të papritura presin ujorin, veçanërisht në fushat që lidhen me ide të reja, teknologji ose projekte bashkëpunuese. Qasja e tyre krijuese do të tërheqë vëmendjen e njerëzve të duhur dhe partnerëve fitimprurës. Suksesi financiar do të vijë shpejt nëse veprojnë me vendosmëri, duke e bërë këtë një kohë të shkëlqyer për rritje, njohje dhe pasuri financiare.

  • Kurbini, bashkia më e prekur nga moti i keq. Vengu: Pritet një front i dytë meteorologjik në vijim

    Kurbini, bashkia më e prekur nga moti i keq. Vengu: Pritet një front i dytë meteorologjik në vijim

    Ministri i Mbrojtjes, Pirro Vengu dhe Drejtori i Përgjithshëm i Emergjencave Civile, Haki Çako, zhvilluan një takim emergjent në Prefekturën e Lezhës pas situatës së motit të keq. 

    Në përfundim të mbledhjes, Vengu në një prononcim për mediat deklaroi se Bashkia e Kurbinit është më e prekura në rang vendi sa i përket problematikave që ka sjellë moti i keq. 

    “Janë 50 banesa të prekura në zonën e Mamurrasit dhe 40 të tjera në Milot, çfarë e bën zyrtarisht Bashkinë e Kurbinit, bashkinë më të prekur në rang vendi”, tha ai. 

    Vengu deklaroi se autoritetet janë përgatitur edhe për një front të dytë meteorologjik që pritet në orët në vijim. Ai tha se ka situata ku vijojnë ndërhyrjet me fadroma dhe eskavatorë. 

    Në bashkitë e Qarkut të Lezhës janë angazhuar ekipe shtesë të Forcave të Armatosura. Një skuadre në bashkinë e Kurbinit i është bashkuar edhe ai i xheniove që do të ndihmojnë emergjencat vendore për tre ura që duhen rehabilituar. Ministri theksoi se qëllimi është që të mos ketë asnjë fshat të bllokuar. 

    Vengu u shpreh edhe se po vëzhgohet situata në Ultësirën Perëndimore për t’i paraprirë çdo problematike. 

  • Balluku në HEC-in e Komanit: Nuk parashikohet hapja e portave, të premten një agravim tjetër i motit

    Balluku në HEC-in e Komanit: Nuk parashikohet hapja e portave, të premten një agravim tjetër i motit

    Zv/kryeministrja, njëherazi ministre e Infrastrukturës dhe Energjisë, Belinda Balluku, ishte në hidrocentralin e Komanit mbrëmjen e kësaj të marte, 18 nëntor. Ajo tha se të gjitha strukturat janë në gatishmëri për monitorimin dhe menaxhimin e situatës, ku si pasojë e reshjeve intensive janë shtuar ndjeshëm prurjet në kaskadë. 

    Ministrja u shpreh se nuk pritet të hapen portat e hidrocentralit. Ajo theksoi se KESH-i ka punuar që prej datës 11 nëntor për të liruar volumet dhe se në liqenin e Komanit, atë të Vaut të Dejës dhe Fierzës ka ende mundësi për të akumuluar. 

    “Ne jemi të përgatitur. Çfarë është e rëndësishme dhe çfarë duhet t’u themi të gjithë njerëzve, nuk parashikohet hapja e portave sepse ky është problemi kryesor dhe shpeshherë abuzohet edhe me lajmin. Në rastin e përmbytjes së Nënshkodrës flitet për hapjen e portave. Ne po e bëjmë me dije që i kemi kapacitetet dhe volumet pasi kemi punuar nga data 11 nëntor për të liruar volume. Kemi rreth 4.5 metra mundësi për të akumuluar në liqenin e Vaut të Dejës dhe rreth 7 metra në liqenin e Komanit. Ndërkohë që të pesë agregatet e Vaut të Dejës janë në funksion dhe katër agregatet e Komanit janë në funksion. Fierza qëndron e mbyllur për të akumuluar sa më shumë dhe për të rritur nivelin e liqenit”, tha ministrja. 

    Ajo theksoi se në Koman dhe në Vaun e Dejës vijon puna me kapacitetet të plota. Ministrja Balluku bëri me dije se të premten pritet të ketë një tjetër agravim të motit. 

    “Vazhdojmë punën me kapacitete të plota si në Koman ashtu edhe në Vaun e Dejës. Siç thamë pra do të kemi edhe një prurje, por edhe agravim të motit. Do të ketë disi një përmirësim të motit gjatë ditës së enjte, por më pas do ketë një agravim tjetër të premten”, tha ajo. 

     

     

  • Moti i keq, evakuohen 5 familje/ Rrugë të bllokuara në disa qarqe. Pa energji fshatrat në Dibër, Kukës dhe Korçë

    Moti i keq, evakuohen 5 familje/ Rrugë të bllokuara në disa qarqe. Pa energji fshatrat në Dibër, Kukës dhe Korçë

    Reshjet e shiut që kanë përfshirë vendin prej orëve të para të ditës së sotme kanë krijuar problematika në disa zona, ku strukturat e emergjencave civile, nën koordinimin e Agjencisë Kombëtare të Mbrojtjes Civile, janë angazhuar për të ndihmuar qytetarët. 

    Evakuime 

    Për shkak të pranisë së ujit në banesa, është kryer evakuimi i një familje prej 5 anëtarësh nga ekipet e Forcave të Armatosura në fshatin Dukagjin i Ri, njësia administrative Thumanë. 

    Në njësinë administrative Zejmen, si pasojë e vërshimit të përrenjve të Prullit dhe Pllanës, ka prani uji në 4 banesa. Banorët janë akomoduar përkohësisht nga strukturat vendore. Forcat e emergjencave kanë kryer tërheqjen e ujit dhe pastrimin fillestar të ambienteve të prekura. 

    Situata sipas qarqeve: 

    Qarku Durrës 

    Bashkia Durrës: 

    Vijon puna në terren për eliminimin e pasojave të reshjeve në njësitë Sukth, Katund i Ri dhe Ishëm. 

    Niveli i ujit në lumenjtë Erzen dhe Ishëm është brenda kuotave normale. 

    Hidrovorët e Porto Romanos dhe Hamallaj vijojnë punën me kapacitet të plotë. 

    Qarku Dibër 

    Situata paraqitet e qetë, përveç mungesës së energjisë elektrike në njësitë Kala e Dodës, Sllovë, Zall Dardhë, Reç, Lurë dhe pjesërisht në Arras e Fushë Çidhën. 

    Grupet e OSHEE po punojnë për riparimin e defekteve. 

    Qarku Lezhë 

    Bashkia Kurbin: 

    Vijon puna për normalizimin e situatës në Mamurras dhe fshatrat Gjorëm, Zhejë dhe Fushë Mamurras. 

    Në fshatin Shpërdhe, rruga është dëmtuar nga ujërat e lumit Droje. 

    Puna vijon edhe në segmentin Skuraj–Gallatë–Vinjollë, i cili mbetet i bllokuar për shkak të dëmtimit të urës mbi lumin Vinjollë. 

    Nivelet e ujit në lumenjtë Drin dhe Mat janë brenda kuotave. 

    Qarku Kukës 

    Ka rënie inertesh në disa akse rrugore, dhe kompanitë kontraktore po punojnë për pastrimin e tyre. 

    Segmenti Vranisht–Fajza (njësia Fajza, bashkia Has) është dëmtuar si pasojë e reshjeve. 

    Qarku Shkodër 

    Bashkia Shkodër: 

    Vijon pastrimi i inerteve në segmentin Gimaj–Bregu i Lumit (njësia Shalë) nga trupat e FA dhe punonjësit bashkiakë. 

    Segmenti Ndërlysë–Breg Lumi mbetet i bllokuar; po punohet për hapjen e tij. 

    Qarku Elbasan 

    Nuk ka raportime për problematika, përveç rënies së inerteve në segmentet Elbasan–Librazhd dhe Elbasan–Rrogozhinë, të cilat po pastrohen nga operatorët e mirëmbajtjes. 

    Situata Energjetike 

    Ekipet e OSHEE po punojnë për rikthimin e energjisë në: 

    • disa fshatra të njësisë administrative Rubik (Mirditë),
    • fshatratTorocish, Kukës, Berishë dhe Lekbibaj të Tropojës, 
    • njësitë Kurvelesh, Zagori,Luftinjë dhe Dropull i Poshtëm (Qarku Gjirokastër), 
    • disa njësi administrative të Qarkut Korçë.

    Në qarqet e tjera të vendit nuk raportohen problematika. 

    Ministria e Mbrojtjes dhe Agjencia Kombëtare e Mbrojtjes Civile vijojnë monitorimin dhe janë në kontakt të vazhdueshëm me strukturat e mbrojtjes civile dhe ekipet e emergjencave për marrjen e masave në rast përkeqësimi të kushteve atmosferike. 

     

     

  • “4 bashki më të prekura nga moti i keq”, ministri Vengu: Strukturat në gatishmëri për disa ditë

    “4 bashki më të prekura nga moti i keq”, ministri Vengu: Strukturat në gatishmëri për disa ditë

    Ministri i Mbrojtjes, Pirro Vengu, në një lidhje nga terreni, ka folur në Ditarin e pasdites në A2 CNN për situatën e krijuar nga moti i keq në vendin tonë. 

    Teksa bëri një rezyme të gjendjes, Vengu u shpreh se situata më e rëndë paraqitet në bashkitë Lezhë, Kurbin, Durrës dhe Krujë, aty ku janë dislokuar emergjencat dhe Forcat e Armatosura. 

    Aktualisht, 50 banesa janë prekur nga uji në këto zona, teksa vetëm një prej tyre u evakuuar. Ministri shtoi se strukturat do të qëndrojnë në gatishmëri deri në 22 nëntor. 

    “Në Thumanë kishte një situatë komplekse me stabilitetin e argjinaturave, por falë ndërhyrjeve kemi një situatë më të stabilizuar. Kemi forca në terren dhe siç kemi parë kemi një front që e prisnim që të vijonte në Kurbin dhe Lezhë, por prurjet kanë krijuar efekt në Krujë dhe Durrës. Forcat janë shpërndarë në të gjitha akset e vendit. Kompanitë e mirëmbajtjes janë në gatishmëri dhe do qëndrojnë gjatë gjithë mbrëmjes. Vijon menaxhimi i kaskadës së Drinit. Lezhë, Kurbin, Durrës dhe Krujë, këto janë 4 bashkitë ku jemi fokusuar momentalisht. Ujërat kanë depërtuar në disa banesa. 50 banesa janë prekur nga uji, nuk ka evakuime. Një familje është evakuuar në Kurbin. Kemi dislokuar FA që të jenë pranë banorëve. 

    Situata ishte paralajmëruar dhe një pjesë e mirë e bashkive kanë reaguar në kohë. Pjesa më e madhe e zonave urbane kanë rezistuar. Janë hapur kanalet kulluese, kolektorët dhe kjo ka ndihmuar shumë. Në Laç kemi përqendrimin më të madh të FA. Në qarkun e Vlorës dhe Gjirokastër ka pasur probleme me erën. Ka pasur pezullim të aktivitetit portual. Në veri pjesa portuale ka vijuar normalisht. Kemi një situatë në Bistricë, që ka pasur impakt në Finiq. Gjendja e alertit do të vijojë deri më 22 nëntor”, tha Vengu.