Gazetari i A2CNN, Igli Çelmeta, në studion e “Off the Record” nga Andrea Danglli, deklaroi se informacioni për vendndodhjen e Gilmando Danit ka ardhur nga Barcelona.
“Ka pasur persona brenda në aeroport që kanë vëzhguar lëvizjet e Gilmando Danit. Por, informacioni i parë ka ardhur nga Barcelona. Dyshohet që Gilmando Dani, një personazh shumë i njohur i botës së krimit, është ndjekur edhe në Barcelonë nga persona të tjerë, të cilët kanë informuar më pas në Shqipëri”, tha Çelmeta.
“Atentati ka ndodhur pothuajse brenda aeroportit të Rinasit dhe pranë komisariatit të Rinasit. Gilmando Dani, i cili mbeti i vrarë dhe punonjësi i AMP-së, Mustafa Sheqeri, kanë udhëtuar nga aeroporti i Barcelonës drejt Tiranës. Në 7 nëntor kishin udhëtuar drejt Barcelonës dhe automjetin e kishin parkuar në aeroportin e Rinasit. Edhe autorët e dyshuar mendohet se kanë lëvizur me dy automjete. Ka pasur edhe persona të tjerë brenda në aeroport që kanë vëzhguar lëvizjet e Gilmando Danit. Ndërsa 3 persona kanë qenë në mjetin Toyota me targa greke. Edhe ata kanë qenë pranë parkimit të aeroportit, aty ku siguria duhet të jetë e lartë. Kanë marrë mjetin në aeroport dhe kur janë afruar në rrethrrotullim, mjeti i autorëve ka shkuar paralel dhe ka qëlluar në lëvizje”, shtoi gazetari Igli Çelmeta.
Më tej, Çelmeta tregoi dinamikën e atentatit: “Makina tip Benz ku ndodhej viktima Dani humb kontrollin dhe te rrethrrotullimi i Rinasit ecën drejt. Më pas, mjeti Toyota i autorëve i del para dhe njëri prej tyre zbret nga makina, mbush pistoletën, hap derën e pasagjerit dhe qëllon nga shumë afër Gilmando Danin. Autori që ka zbritur nga makina ka qenë i maskuar. Më pas, futet në Toyota dhe të tre personat largohen. Në fshatin Halil kanë djegur makinën dhe janë pritur nga persona të tjerë dhe kanë ikur në drejtim të paditur.
Category: Kronikë
-
“Informacioni për vendndodhjen e Gilmando Danit ka ardhur nga Barcelona”/ Dëshmia: Autori zbriti nga makina dhe qëlloi..
-
“Alex” i gjen drogën shqiptarit! Dëbohet menjëherë në Tiranë
Një shqiptar është arrestuar nga policia italiane dhe më pas dëbuar për në Shqipëri, pasi gjatë kontrollit rutinë të forcave të Guardia di Finanza u kap me drogë.
Mediat italiane raportojnë se gjatë një aksioni në Pesaro dhe Urbino, policia pa fillimisht një italian që sapo kishte lënë drogë, dhe pak më tej një makinë me të cilën lëvizte shqiptari.
Në momentin e parë të ndalimit ai u duk mjaft i tensionuar. Në kontrollin e parë nuk u gjet gjë, por pas futjes në aksion të “Alex”, qenit antidrogë, u zbulua 9 pako me drogë të fshehura në sediljen e parë me peshë 11.3 gramë, si dhe 830 euro.Shqiptari kishte precedentë të mëparshëm në shpërndarjen e drogës në vendin fqinj dhe ky ishte arrestimi i tij i dytë.
Gjatë seancës së shkurtuar dëgjimore, Gjykata e Pesaros, përveç lënies në fuqi të arrestit, vendosi gjithashtu, me kërkesë të palëve, një dënim me një vit e gjashtë muaj burgim dhe një gjobë prej 4000 eurosh, informon media italiane.
Ky dënim u zëvendësua me një dëbim pesëvjeçar nga Italia, i cili u krye menjëherë me dëbimin e tij drejt Tiranës, me avionin e radhës. -
Ky është kryepolici që u rekrutua nga mafia shqiptare/ Negocionte çmimin e drogës për trafikantët
Mediat spanjolle vazhdojnë të trajtojnë gjerësisht një operacion që synonte goditjen e mafies shqiptare në Spanjë. Krahu ekzekutiv i mafies shqiptare ishte një serb. Por akoma më e rëndë ishte aftësia e bandës mafioze për të rekrutuar edhe kryepolicë. Mediat spanjolle kanë publikuar edhe emrin e oficerit të rekrutuar
Nga Pedro Serra, OK DIARIO
I ashtuquajturi operacioni ‘Enroque Manso Bal’ ka tronditur themelet e Policisë Kombëtare spanjolle, pasi është zbuluar një tradhti e mundshme e brendshme që, sipas burimeve të çështjes, është “shumë e vështirë për t’u pranuar dhe kuptuar brenda trupës”.
Ish-shefi i Grupit II të Narkotikëve, i njohur për luftën e tij kundër trafikut të drogës në ishujt spanjollë, thuhet se ka kaluar në anën tjetër dhe ka bashkëpunuar me një organizatë kriminale të udhëhequr nga Stefan Milojeviç.
Sipas dosjeve policore, vetë inspektori negocionte me blerësit çmimin përfundimtar të drogës në emër të Milojeviçit. Në një nga bisedat e përgjuara, Carlos H., numri tre i organizatës, bisedon me agjentin për një trafikant që vepronte në Ishuj. Gjatë telefonatës, polici pyet:
“Si është puna me çmimin e mallit?”
Dhe tjetri i përgjigjet se një është “me 4,5 dhe tjetri me 5”. Menjëherë, inspektori i thotë:
“Nesër do të shoh një tjetër, ndoshta ta lë me 3,8.”
Këto përgjime dëshmojnë se inspektori ndërhynte në çmime për të favorizuar anëtarët e organizatës, duke marrë pjesë aktive në trafikun e drogës dhe operacionet e pastrimit të parave.
Faustino Nogales qëndron në burg që nga 14 gushti për implikimin e tij të dyshuar në këtë rrjet kriminal. Pas më shumë se dy muajsh në burgun e Palmës, inspektori është transferuar në burgun e Estremeras (Madrid VII), pas pranimit nga gjykata të kërkesës së mbrojtjes së tij.
Gjatë qëndrimit në Palma, Nogales ishte pothuajse në izolim total, me vetëm një gjysmë ore dalje në oborr në ditë, për të shmangur kontaktin me të tjerët të burgosur, përfshirë disa që ai vetë kishte arrestuar. Sipas burimeve, kjo situatë i ka shkaktuar një “dëmtim të rëndë fizik dhe psikologjik”.
Burgut të Palmës i mungon një modul i dedikuar për policë dhe funksionarë (i quajtur FIES 4), gjë që e detyroi inspektorin të qëndronte në modulin e pranimeve për më shumë se dy muaj. Transferimi në Estremera, që ka një zonë speciale për agjentët, synon të garantojë sigurinë e tij dhe kushte të përshtatshme të mbajtjes derisa vazhdon hetimi i çështjes.
Operacioni më i madh antidrogë i viteve të fundit ka tronditur themelet e krimit të organizuar në Baleare. Pas më shumë se dy vitesh hetime, Policia Kombëtare dhe Garda Civile kanë realizuar një goditje historike kundër trafikut të drogës: 76 të arrestuar, 71 kontrolle, 1,54 milionë euro në para të gatshme dhe më shumë se tre ton drogë të sekuestruar.
Hetimi tregon se mafia shqiptare qëndron pas sasive të mëdha të drogës që mbërrinin në Majorka dhe Ibiza, nën drejtimin e Stefan Milojevic, lideri i bandës së motoçiklistëve ‘Tribuns España’, i konsideruar krahu ekzekutiv i organizatës kriminale dhe përgjegjës për mbushjen e Ishujve me drogë.
Është vërtetuar se kjo organizatë furnizonte më shumë se 50% të pikave të shitjes së drogës në Majorka, siç kishte zbuluar ekskluzivisht portali ynë. Rasti vazhdon të jetë nën hetim gjyqësor dhe konsiderohet një nga më kompleksët në trafikun evropian të drogës.
-
Disa orë nga atentati, policia zhvendos me karotrec makinën ku ndodheshin viktima dhe i plagosuri
Kronikë E Martë, 11 Nëntor 2025 19:14
Pas afro 5 orësh nga atentati afër Rinasit, Policia e Shtetit ka larguar me karotrec nga vendngjarja makinën luksoze me të cilën lëviznin Gilmando Dani, i cili mbeti i vrarë, dhe Muçi Shaljani, i cili u plagos rëndë dhe që aktualisht ndodhet në Spitalin e Traumës në Tiranë. Policia bëri me dije se atentati ka ndodhur rreth orës 14:20 të ditës së sotme.
-
Atentati në Rinas, hiqet pas 5 orësh nga vendngjarja automjeti me të cilin udhëtonte Gilmando Dani
Automjeti me të cilin udhëtonte viktima e atentatit në Rinas, Gilmando Dani, krahu i djathtë i Emiljano Shullazit dhe miku i tij shofer, Muçi Shaljani alias Sheqeri i cili ndodhet në gjendje të rëndë shëndetësore është hequr nga vendngjarja në orët e mbrëmjes së të martës.
Automjeti me targa AB 099UO, ka rezultuar në pronësi të Elvis Kosovës, të cilit disa muaj më parë i është vendosur një tritol në garazhin në Tiranë.
Ngjarja ndodhi rreth orës 14:00 menjëherë pasi viktima dhe i plagosuri mbërritën nga Barcelona ku ishin larguar në datën 7 nëntor.
Në momentin kur janë nisur drejt Tiranës me automjetin tip Benz me targa AB 099UO, autorët me një tjetër makinë i zunë pritë dhe i qëlluan me breshëri plumbash, ku Gilmando Dani, që ishte pasagjer, ka humbur jetën në vend ndërsa shoferi Muçi Shaljani (Sheqeri) ka mbetur i plagosur rëndë. -
Zbulohet lidhja mes Gilmando Danit dhe punonjësit të policisë që u plagos në atentat
Një atentat ka ndodhur sot pranë Aeroportit të Rinasit, ku u vra Gilmando Dani dhe u plagos Mustafa Sheqeri.
Gilmando Dani dhe punonjësi i Agjencisë së Mbikëqyrjes Policore, Mustafa Sheqeri, më 7 nëntor kishin udhëtuar drejt Barcelonës.
Ata janë kthyer në Shqipëri sot, në 11 nëntor. Gazetari i A2CNN, Igli Çelmeta, shprehet se këta dy persona kishin lidhje shoqërore me njëri-tjetrin.
“Janë miq prej kohësh, prandaj dhe po udhëtonin së bashku jashtë shtetit”, tha Çelmeta.
Ndërkohë, mësohet se automjeti tip Benz me të cilin po udhëtonin kur u krye atentati është në pronësi të një personi të tretë. -
Atentati në Rinas, mbi Benzin ku udhëtonte Gilmando Dani u zbrazën 50 plumba
Gilmando Dani, krahu i djathtë i Emiljano Shullazit u ekzekutua në një atentat mafioz pasditen e së martës, ku mbeti i plagosur i rëndë edhe shtetasi Muçi Shaljani Sheqeri i cili drejtonte automjetin ku udhëtonin së bashku.
Ngjarja ndodhi rreth orës 14:00 menjëherë pasi viktima dhe i plagosuri mbërritën nga Barcelona ku ishin larguar në datën 7 nëntor.
Në momentin kur janë nisur drejt Tiranës me automjetin tip Benz me targa AB 099UO, autorët me një tjetër makinë i zunë pritë dhe i qëlluan me breshëri plumbash, ku Gilmando Dani, që ishte pasagjer, ka humbur jetën në vend ndërsa shoferi Muçi Shaljani (Sheqeri) ka mbetur i plagosur rëndë.
Policia dhe ekspertët kriminalistë qëndruan në vendngjarje për më shumë se 5 orë për të kryer të gjitha hetimet e nevojshme.
Gazetarja e Euronews Albania Sara Demushi bëri me dije se në vendin e atentatit janë gjetur mbi 50 gëzhoje arme kallashnikov, të cilat janë zbrazur me breshëri nga të paktën 3 armë.
Rreth 40 minuta pas atentatit policia gjeti të djegur automjetin e autorëve në fshatin Halil të Fushë-Krujës dhe brenda tij 4 armë; 3 kallashnikovë dhe 1 pistoletë që dyshohet janë përdorur në ekzekutimin e Danit. -
U përdor nga autorët për të eliminuar krahun e djathtë të Shullazit, fotoja e makinës së djegur në Krujë
Gazetari i Vizion Plus Esido Barkaj ka siguruar foton e makinës tip “Toyota” që u dogj në Krujë, pasi u përdor në atentatin e sotëm në Rinas, ku mbeti i vrarë Gilmando Dani dhe i plagosur Muçi Shaljani.
Në automjetin e djegur janë konstatuar 4 armë zjarri që dyshohet se janë përdorur në këtë ngjarje.
Armët do të dërgohen në Institutin e Policisë Shkencore.Në drejtimin e Prokurorisë vijon puna për dokumentimin e rrethanave të ngjarjes, identifikimin dhe kapjen e autorëve./vizionplus.tv
-
Ekzekutim mafioz në Rinas, vritet Gilmando Dani, shoku i Shullazit. Plagoset rëndë agjenti i policisë, Muçi Sheqeri
Pak pasi zbriti nga avioni në Rinas, 47- vjeçari Gilmando Dani, krahu i djathtë i Emiljano Shullazit, mbeti viktimë e një atentati mafioz.
Breshëritë e plumbave lanë të plagosur edhe 40- vjeçarin Muçi Sheqeri, agjent i Agjencisë së Mbikëqyrjes Policore, i cili u dërgua në Spitalin e Traumës në luftë për jetën.
Ekzekutimi mafioz ndodhi te rrethrrotullimi i Aeroportit Nënë Tereza, rreth orës 14: 20 menjëherë pasi të dy miqtë ishin kthyer me avion nga Barcelona.Teksa po udhëtonin me një automjet Benz që drejtohej nga Muçi Sheqeri, atyre iu bë pritë nga një tjetër makinë. Autorët i kanë pritur shënjestrat e atentatit në Rinas, derisa ata u futën në makinën e lënë në parkingun e aeroportit që në 7 nëntor kur ishin nisur për në Spanjë.
Sapo vunë re makinën, menjëherë autorët u vunë në ndjekje duke e vendosur automjetin e tyre paralel me atë të Gilmando Danit dhe Muçi Sheqerit. Pikërisht në këtë moment atentatorët hapën zjarr me breshëri kallashnikovi derisa u siguruan se drejtuesit i humbi kontrolli mbi mjetin e tij.
Njëri prej autorëve, i maskuar dhe me kapele, doli nga makina dhe qëlloi drejt Gilmando Danit disa herë me pistoletë. Më pas, ai u kthyer në makinë për tu larguar me shpejtësi drejt Fushë Krujës. Pak minuta më vonë autorët e dogjën mjetin në fshatin Halil. Brenda Toyotës së djegur, u gjetën 4 armë.
Policia ndërkohë vendosi postblloqe në zonë, ndërsa u sekuesrruan pamjet e kamerave të sigurisë në zonën përreth.
Fatmirësisht nga krimi tronditës që ndodhi fare pranë Rinasit, në një zonë gjithmonë të populluar, nuk pati të lënduar të tjerë. Por plumbat e kallashnikovëve përfunduan në muret dhe xhamat e hoteleve e bizneseve përreth, duke shkaktuar disa dëme.
Policia dyshon se ngjarja ka motiv hakmarrjen mes bandave rivale, pasi Gilmando Dani, I rikthyer në liri vetëm pak kohë më parë, dyshohet se kishte marrë kontrollin e grupit kriminal të Emiljano Shullazit, që aktualisht ndodhet në burg.
/vizionplus.tv -
Ankona, shqiptari përplaset me autobusin ndërsa udhëtonte me monopatin
Një aksident i rëndë ka ndodhur sot në portin e Ankonës.
Një 40-vjeçar shqiptar, shofer kamioni, sapo kishte parkuar mjetin e tij dhe kishte vendosur të bënte një xhiro me monopatin. Por pak minuta më vonë, ai u përplas frontal me një autobus të kompanisë Conerobus.
Nga përplasja e fortë, shqiptari u hodh përpara dhe goditi me kokë xhamin e përparmë të autobusit, duke e thyer atë. Si pasojë, ai pësoi traumë në kokë dhe plagë të shumta në këmbë.
Në vendngjarje ndërhynë menjëherë ekipet e emergjencës së Kryqit të Verdhë të Ankonës dhe mjekët e 118-s. Pas ndihmës së parë në vend, 40-vjeçari u transportua me urgjencë në spitalin rajonal Torrette, në kod të kuq, për shkak të gjendjes së tij të rëndë.