Shpërthime në Isfahan, SHBA raportohet se ka shënjestruar depo municionesh

Shtetet e Bashkuara dhe Izraeli raportohet se kanë kryer sulme në disa qytete në provincën Isfahan në natën mes 30 dhe 31 marsit, si dhe sulme në Teheran. Pamje që kanë qarkulluar në rrjetet sociale kanë shfaqur shpërthime shumë të mëdha rreth Isfahanit, dhe presidenti amerikan, Donald Trump, shpërndau një nga videot në Truth Social, por postimi i tij nuk kishte asnjë koment mbi këtë video. Më herët, zëvendësguvernatori për siguri dhe rend i provincës së Isfahanit tha se “avionë luftarakë amerikanë dhe izraelitë” kishin shënjestruar qytetet Isfahan, Najafabad, Mobarakeh, Kashan dhe Shahreza të hënën në mbrëmje. I njëjti zyrtar tha në mëngjesin e 31 marsit se vlerësimet fillestare tregonin se disa “objektiva ushtarake” në Isfahan ishin goditur, duke mos dhënë detaje të tjera. Ndërkaq,...